Lucas 5:20 - Tagbanwa

²⁰ Pagkamuya ni Jesus it dakulay pamayaꞌ it iting mga taw, maat ya, “Dunguꞌ, piyasinsiya nay mga kasalaꞌan mu.”

Lucas 5:20 Iomraidhean Croise

Mga Binwat 14:9

Iyan magpangadal na si Pablo duꞌun, magpagneg i iting taw. Pagkalteg ni Pablo, namuyaan ya nga may pamayaꞌ it pilay ngayti nga mapagayen. Aypaꞌ tiyermek yat semyek,

Mateo 9:2

Iyan duꞌun siꞌ ngayti kanya, may miyabut nga mamagtataban it taw nga may patay nga bagit bilug. Pagkamuya ni Jesus it dakulay pamayaꞌ it iting mga taw, maat ya it may sarakiten ngayti, “Dunguꞌ, paksegen muy nakem mu, ka piyasinsiya nay mga kasalaꞌan mu.”

Lucas 7:48

Bawnga inaat ni Jesus i babay ngayti, “Ipiyasinsiya na talaga it imu i mga kasalaꞌan mu.”

Colosas 3:13

Magpasi-pasinsiyaen kamu na it maꞌiba mi, nga pagsagkaꞌen mi it magayen i nakem i kasalaꞌan nira asat imyu. In magꞌuꞌunu piyasinsiya ni Cristo i kasalaꞌan mit imyu, atkayan naga i pasinsiya mi it beken.

Juan 2:25

Ega na kaꞌilangan paꞌ nga may sumugid duꞌut kanya, sabap magkaꞌrutan ya nga banar i kat nakem it taw.

Marcos 2:5

Pagkamuya ni Jesus it dakulay pamayaꞌ it iting mga taw, maat yat may sarakiten ngayti, “Dunguꞌ, piyasinsiya nay mga kasalaꞌan mu.”

Santiago 2:18

Temed barang may kupakibatir, nga magꞌaat, “Iyan beken, pamayaꞌ nga ipiyagꞌildaw it kanya, ega basta-bastang pagsarig yat Ampuꞌan. Iyan beken, ipiyagꞌildaw it kanya, magagayeng pagbuwaten.” Temed tubag ku kayan, “Egay beblagan it kamatuudang pamayaꞌ baw magagayeng pagbuwaten. Ipatantu mut aken nga in magꞌuꞌunu makilalaan ku nga may kamatuudan it pamayaꞌ mu ngayan nga egay pagbuwaten mu nga magpamatuud it kat Ampuꞌan ka na. Aken, mga pagbuwaten ku i magpamatuud it kamatuudan talagay pamayaꞌ ku.”

2 Corinto 2:10

Ta kayti, in siyu-siyu nga piyasinsiya mi na, pagpasinsiyaen ku na gasiꞌ. In beteꞌ may taw asan nga kaꞌilangan ku nga pasinsiyaen, piyasinsiya ku na nga bilang pagleltegan aku ni Cristo, ka ituy kat ikagayen mi,

Mga Binwat 11:23

Pagꞌabut ya duꞌun, natantuwan ya i kadakulat ildaw it Ampuꞌang Diyus kat mga taw ngayti. Aypaꞌ ka masagya kanyang banar. Bawnga tiyulduꞌan ya sira nga kaꞌilangan teꞌteꞌan nira i Ampuꞌan it tingled i nakem.

Juan 5:14

Ega naꞌlay, naltegan ni Jesus i piyagayen ya ngayti duꞌun it Templo nga papagsambaan. Pagkalteg ya, inaat ya, “Ta, magayen ka na kayti. Iyan indiꞌan mu nay kasalaꞌan. Ka in kayliyan mu paꞌ, subraꞌ payan sikayan i mabetangan mu nga kakuriꞌan.”

Genesis 22:12

Maat i inaat it kanya, “Ega na imatayen muy waꞌwaꞌ ngayan. Ega buwatan mu kanya it maski unu nga pakuriꞌ. Talagang natantuwan ku nga kamatuudan i iꞌlam mu nga paggalang mut aken nga Ampuꞌang Diyus. Sabap maski pagmaꞌa-maꞌalen mu nang anak ka paeꞌesa-esa, temed ega nangbit it nakem mu nga iꞌimet it aken.”

Mateo 9:5

Ari manggid i marway nga ampangen? Unu, ‘Ipiyasinsiya nay mga kasalaꞌan mu,’ u aaten nga, ‘Tindeg, ka mapanaw ka’? Daꞌga nagsubung nga guna it Ampuꞌang Diyus lamang i magkabwat?