Lucas 5:13 - Tagbanwa

¹³ Tiyapal kanya ni Jesus, dengan it miyampang, nga magꞌaat, “Talagang ireg ku. Kayti nga lagi, gumayen ka naytu!” Ta, sakaliꞌ nga nagsipat i bangbang ya ngayti.

Lucas 5:13 Iomraidhean Croise

Genesis 1:3

Bawnga miyampang i Ampuꞌang Diyus nga maat ya, “Ireg ku may eyag na.” Egay beken, sakaling may eyag na.

Genesis 1:9

maat siꞌ it Ampuꞌang Diyus, “Ireg ku nga mabulun na i danum kat sinirungat langit kat sadili ya nga rugar isaꞌun may malbawan nga rugar.” Ta, miyatkayti nga matuud.

2 Mga Adiꞌ 5:10

Ega nanliꞌwan si Eliseo. Piyasugidan ya lamang nga magꞌaat, “Paꞌaduꞌun ka it danum it Jordan. Pagꞌabut mu, lemdep kat pitung ledep. Paniidan mu in daꞌga magꞌuliꞌnan siꞌ yan i lamilamit mu nga dati ka medek nayan i bangbang mu ngayan.”

2 Mga Adiꞌ 5:14

Napikir ni Naaman nga matuud i pagꞌaaten it mga katabang ya ngayti. Egay beken, naꞌaduꞌun na kanya it Jordan. Pagꞌabut ya, limindep na it pitung ledep, subung nat inaat ngayti it prupitaꞌ it Ampuꞌang Diyus. Ta, unupat nagꞌuliꞌnan i bilug ya nga dati, malnis nay lamilamit ya nga subung it kat madaragen. Limpiyung-limpiyuꞌ na. Muꞌsang bilug ya, ega nay maski dekeyeng barnaꞌ it biyangbang kanya.

Mateo 8:3

Tiyapal kanya ni Jesus, dengan it miyampang nga magꞌaat, “Talagang ireg ku. Kayti nga lagi, gumayen ka naytu!” Pagkaꞌampang ni Jesus kayti, sakaling gimnayen i babangbangen ngayti.

Lucas 4:39

Timnindeg si Jesus duꞌun it umid it irigaꞌan it babay ngayti baw miyampang nga piyaꞌibwan yay ramig. Ta, minibwan nga lagi. Nagbangun na i babay ngayti ka nagsimpan nat itarakan yat ki Jesus.

Lucas 5:12

Kaꞌsa nga duꞌut esang lansangan si Jesus, may minlep duꞌut kanya nga esang lalaki nga babangbangen, nga lipung nay bilug ya. Iyan duꞌun nat tepad ni Jesus, nanluud kanya baw nagpasanguꞌ-sanguꞌ, nga magꞌaat, “Agalen, in beteꞌ ireg mu, talagang mapagayen mu aku.”

Lucas 5:14

“Iyan,” maat ni Jesus, “ega daꞌay sugidan mu nga maski siyu, in daꞌga paꞌaduꞌun ka nga lagi it sasirduti, ka paꞌeket-eket ka it kanya. Bawnga megay ka it ipagpasalamat, uyun kat mga ipiyagꞌurdin ni Moises, nga bilang pamatuud kat mga taw nga magayen ka na.”