Lucas 5:12 - Tagbanwa

¹² Kaꞌsa nga duꞌut esang lansangan si Jesus, may minlep duꞌut kanya nga esang lalaki nga babangbangen, nga lipung nay bilug ya. Iyan duꞌun nat tepad ni Jesus, nanluud kanya baw nagpasanguꞌ-sanguꞌ, nga magꞌaat, “Agalen, in beteꞌ ireg mu, talagang mapagayen mu aku.”

Lucas 5:12 Iomraidhean Croise

Genesis 18:14

“Unu, may maski unung bagay nga ega magkakayaan it AMPUꞌANG DIYUS? Kamatuudan talagaytu, pagtaꞌlib it sang taꞌun nga miyabut nay ipiyagtirminu ku nga timpu, paꞌuliꞌ aku naga situt imyu, baw manganak naga kanyat lalaki.”

1 Mga Adiꞌ 18:39

Pagkalteg it kadakel ngayti, namagkeleb sira baw namagpanggagaꞌuy nga magꞌaat, “AMPUꞌANG DIYUS talaga i Diyus! AMPUꞌANG DIYUS lamang talagay Diyus!”

2 Mga Adiꞌ 5:1

Duꞌun it banwa it Siria may esang pagbayaꞌen it mga sundaluꞌ, si Naaman i ngaran ya. Pagbantu-bantugun kanya it agalen yang adiꞌ sabap maꞌiseg kanyang lalaki baw ega babasta-bastaen. Pagtabangen kanya it AMPUꞌANG DIYUS, aypaꞌ ka pirming magpandaꞌeg i Siria in may pagbunuꞌ. Iyan lamang i salaꞌ, babangbangen kanya.

2 Mga Adiꞌ 5:27

Ta kayti it atkayay binwat mu, manindak na asat imu i bangbang ni Naaman. Seked it mga kaꞌanak-anakan mu mana may bangbangen naga.” Ta, kat iti nga laging uras biyangbang na si Giezi, namutiꞌ-putiꞌ nay bilug ya.

Exodo 4:6

“Ta ipasled mu i alima mu asat badyuꞌ mu ngayan nga patuꞌ it deꞌgan mu,” maat siꞌ it AMPUꞌANG DIYUS. Atkayti nga matuud i binwat ni Moises. Pagsurut yat alima ya ngayti, maputiꞌ na, limbug nat bangbang!

Mateo 26:6

Iyan duꞌun paꞌ na Jesus it Betania, naꞌaduꞌun sira it balay ni Simon ngayti nga piyagayen i bangbang ya.

Mateo 9:28

Miyabut na si Jesus duꞌun it pagꞌiꞌistaran ya nga balay. Pagkasled ya, siminled gasiꞌ i duwa ngayti nga beleg ka nagpatpad duꞌut kanya. Iningkut sira ni Jesus nga magꞌaat, “Unu, may pamayaꞌ mi nga mabwat ku i ipagpangabang mi ngaytu?” “Eeꞌ, pagsisiguruun namen, Ampuꞌan,” maat i tubag nira.

Marcos 5:23

baw nagpasanguꞌ-sanguꞌ nga magꞌaat, “Kubugtuꞌ-bugtuꞌ na bayti i ginawat anak kung babay. In mapakay lamang it imu, mayaꞌ ka it aken, ka tapalen mu kanya isaꞌun medek nagay sarut ya, nga maꞌgen naga kanya.”

Lucas 17:16

Nanluud kanya duꞌun it sarungaan ni Jesus ka nagpasalamat. Iti nga taw, Samaritano.

Lucas 5:13

Tiyapal kanya ni Jesus, dengan it miyampang, nga magꞌaat, “Talagang ireg ku. Kayti nga lagi, gumayen ka naytu!” Ta, sakaliꞌ nga nagsipat i bangbang ya ngayti.

Hebreo 7:25

Aypaꞌ, sabap it muꞌsa ngaytu, kayang-kaya ya nga iribri it kaꞌustuꞌang karibriyan i muꞌsa nga, kat keseg it pamayaꞌ nirat binwat ya, magpasakep duꞌut Ampuꞌang Diyus. Magkapanindegan ya sirang pirmi ka egen kanya it egay kaskedan.