Lucas 4:8 - Tagbanwa

⁸ Pagtubag siꞌ ni Jesus, “Daꞌga baꞌ magsusurat naga nga, ‘Ampuꞌang Diyus mu lamang i sambaen mu, baw kanya lamang i pagsirbiyan mu.’”

Lucas 4:8 Iomraidhean Croise

Mateo 16:23

Temed siyarunga kanya ni Jesus baw inaat, “Paꞌalaid ka situt aken. Basta magꞌampang ka nga subuk ki Satanas, palsa ka lamang it aken. Iyan i kat pikir mu, ega kaꞌirgan it Ampuꞌang Diyus, in daꞌga kat taw lamang.”

Mateo 4:10

Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”

Lucas 4:4

Temed tiyubag ga kanya ni Jesus, nga magꞌaat, “Daꞌga baꞌ magsusurat i inaat it Ampuꞌang Diyus, nga magꞌaat, ‘Ega lamang bulun nga pangaꞌen i ipagkaꞌgen it taw.’”

Lucas 4:7

Aypaꞌ basta sambaen mu aku, maꞌimuytu nga muꞌsa.”

Deuteronomio 10:20

Ta, siguruun mi nga galangen mi it may iꞌlam i AMPUꞌANG DIYUS mi. Teꞌteꞌan mi kanya, baw kanyang ngaran lamang i sangpiten mi in magsanggup kamu.

Santiago 4:7

Aypaꞌ pasakep kamu nga matuud it Ampuꞌang Diyus. Iyan si Satanas, ega na pasaleꞌsegen mi, in daꞌga labanan mi kanya. Simpri in atkayay mamuyaan ya, paꞌalaid kanya talaga asan it imyu.

1 Pedro 5:9

Ega pasaleꞌsegen mi, in daꞌga labanen mi kanya. Papaꞌgenen mi i pamayaꞌ baw pagsarig mit Ampuꞌan. Ka urut mi na nga ega lamang kamu i maglabay it atkaytung mga kakuriꞌan, in daꞌga muꞌsang mga sulsug mi kat pamayaꞌ situt sinirungat langit.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”

Mga Ipiyalteg 22:9

Temed maat i inaat yat aken, “Ayaw! Ega mu buwaten i atkayan. Iyan lamang, Ampuꞌang Diyus, i sambaen mu. Ka aku, manigsirbi ya gasiꞌ nga subung it imu, baw subung it mga sulsug mu kat pamayaꞌ nga mga prupitaꞌ baw muꞌsa nga mamagsunud nga banar it mga inaat nga mamagsusurat situt itung kasuratan.”