Lucas 4:43 - Tagbanwa

⁴³ Temed katubag si Jesus it kanira, “Kaꞌilangan nga ipangadal ku naga duꞌun it beken nga mga lansangan i Magayen ngaytung Baritaꞌ pasar it kaꞌadiꞌan it Ampuꞌang Diyus, ka yay inasitu ku nga taꞌeg yat aken.”

Lucas 4:43 Iomraidhean Croise

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Marcos 1:35

Kukuꞌ-aldaw paꞌ, nagbangun na si Jesus. Naꞌaduꞌun kanya it esang rugar nga egay tataw, ka nanalangin duꞌun.

Juan 20:21

Maat siꞌ ni Jesus it kanira, “Maꞌimyu nay kaꞌimbengan it nakem mi. In magꞌuꞌunu tiyaꞌeg akut Amaꞌ, atkayan naga pagtaꞌgen ku gasiꞌ kamu.”

Juan 9:4

Kaꞌilangan kita, buwaten tami i mga ipagpabwat it Ampuꞌang Diyus, kanya nga nagtaꞌeg ngaytit aken it paꞌasitu. Kaꞌilangan buwaten tami mintras egen tami paꞌ ka yay subuk aldawun. Sabap in patay na, ega nay rugar nga muwat, kabilangan ya delemen na. Ta, siyu pay makabwat? Daꞌga ega na?

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

2 Timoteo 4:2

Ipagsekat ku nga, maski unu nga timpu, ipangadal mu nga pirmi i ampang ngaytu nga kamatuudan. Ipalbaw mut mga pagpangadalan mu i mga kamaliꞌ nira, sardawun mu baw paksegen muy nakem nira nga muwat sirat mataldeng. Buwaten muy muꞌsa ngaytu it may dakulang kapalulusan baw luway-luway nga tulduꞌ.