Lucas 4:42 - Tagbanwa

⁴² Pagdelem, iyan magpangyag na, nanliꞌwan si Jesus baw naꞌaduꞌun it rugar nga kapupuyangtan. Temed ta, tiyulus kanya it mga taw. Pagkaparag nira, inupakat nira nga ega daꞌan limꞌid duꞌut kanira.

Lucas 4:42 Iomraidhean Croise

Marcos 1:45

Temed pagpanaw it taw ngayti, ipiyanugid-sugid ya in magꞌuꞌunu mindek i sarut ya ngayti. Aypaꞌ biyaraꞌan, ega na magkapalansangan si Jesus it magparayag-rayag sabap gandur nat taw i mamagpaꞌaduꞌut kanya. Duꞌun na lamang kanya it liꞌwan it lansangan, kat mga rugar nga kapupuyangtan. Pagꞌaduꞌunun na kanya it mga taw nga maggaring kat paꞌari-aring rugar.

Lucas 24:29

Temed inaydan nang inaydan it duwa ngayti. Maat nira, “Sigi na baꞌ, patuluy ka na duꞌun it abutun namen. Ka delem naytu. Ungayan, magsedep nay aldaw.” Aypaꞌ ka miyayaꞌ na si Jesus it kanira.

Lucas 6:12

Kat iti nga timpu, naꞌaduꞌun si Jesus it esa nga mungsuꞌ. Nanalangin kanya duꞌun it naglinag.

Juan 4:34

Pagkamuya ni Jesus kayti, maat yat kanira, “Iyan bay paꞌaaten ku ngayan nga pangaꞌen ku, sunudun kuy kaꞌirgan it nagtaꞌeg it aken it paꞌasitu baw tumanen i iyan nga ipagpabwat yat aken.

Juan 4:40

Aypaꞌ pagꞌabut it mga Samaritano ngayti duꞌut ki Jesus, inupakat nira kanya nga patuluy daꞌan duꞌut kanira. Aypaꞌ ka nakadwa na Jesus duꞌun.

Juan 6:24

Aypaꞌ iyan namuyaan it mga taw nga ega na duꞌun si Jesus baw mga alagad ya ngayti, binwat nira, namagsakay nga nandipag duꞌun it Capernaum, ka tulusun nira si Jesus.