Lucas 4:35 - Tagbanwa

³⁵ Pagkagneg ni Jesus, siyuraraw ya. Maat ya, “Ayaw kat sarit tingeg! Magliꞌid ka na asat kanya ngayan!” Ta, kat sarungaan it kadakel, ipiyasuꞌsub it maraꞌe-raꞌet i taw ngayti, bawnga linꞌidan ya na it ega nagay kaꞌunuꞌat bilug.

Lucas 4:35 Iomraidhean Croise

Mateo 17:18

Nakapanliꞌwan i maraꞌe-raꞌet duꞌun it bilug it waꞌwaꞌ ngayti ka inimugaw na ni Jesus. Langkuy mindek nay sarakiten it waꞌwaꞌ ngayti nga atkayti.

Mateo 8:26

Pagmukrat ni Jesus, maat yat kanira, “Unu nay magkaiꞌlaman mi nga atnakayan, it aku naga i iba mi? Talagang dekeyeꞌ i pamayaꞌ baw pagsarig mit aken.” Nagbangun na kanya baw biyugrakan yay deres nga yemengyeng na, baw kat lapnaw, lumantap na. Unupat limnantap nat atna.

Marcos 1:26

Piyapangingsil siꞌ i taw ngayti it maraꞌe-raꞌet ngayti nga magpapulpug it kanya. Bawnga nangurisang i nagliꞌid duꞌut bilug ya.

Marcos 4:39

Egay beken, nagbangun si Jesus. Pagkabangun ya, biyugrakan yay deres, maat ya, “Yemengyeng na!” Baw inaat ya gasiꞌ i lapnaw, “Lantap!” Ta sakaling yimnengyeng i deres baw limnantap nat atna.

Marcos 9:26

Nangurisang i maraꞌe-raꞌet ngayti. Parabir linꞌidan ya, piyapangingsil yang banar, nga kaꞌaat ka patay na i waꞌwaꞌ ngayti. Aypaꞌ ka dakel nay magꞌaat, “Ta, bilaꞌ, patay na.”

Lucas 11:22

Temed in abutun it subraꞌ paꞌ nga makseg baw daꞌgen kanya, simpri maꞌagaw nay basiꞌ ya nga pagsarigan ya baw isari nat pamgay i mga kusas ya nga naꞌagaw gasiꞌ.

Lucas 4:23

Aypaꞌ ka miyampang si Jesus nga magꞌaat, “Siguru sangpiten mi i sambatan ngayan nga magꞌaat, ‘Manigꞌubaꞌubat, sigi, ubaꞌubaten mu i sadili mu nga bilug.’ Ka aaten mi yat aken nga buwaten ku situt sadili ku nga lansangan i mga nabaritaꞌan mi ngayan nga binwat ku duꞌun it Capernaum.”

Lucas 4:39

Timnindeg si Jesus duꞌun it umid it irigaꞌan it babay ngayti baw miyampang nga piyaꞌibwan yay ramig. Ta, minibwan nga lagi. Nagbangun na i babay ngayti ka nagsimpan nat itarakan yat ki Jesus.

Lucas 4:41

Dakel gasiꞌ i mga taw nga piyaꞌimugawan it maraꞌe-raꞌet. Magliꞌwan sira, magpanggaꞌmaran nga magꞌaat, “Ikaw i Anak it Ampuꞌang Diyus!” Temed siyuraraw sira ni Jesus. Ega piyataꞌnan ya nga makaꞌampang i mga maraꞌe-raꞌet ngayti sabap urut na nira nga kanyay isiyanggup nga Cristo.

Lucas 8:24

Siyulag si Jesus it mga alagad ya ngayti. “Agalen! Agalen!” maat nira, “matgeb tami na baytu!” Egay beken, nagbangun si Jesus baw biyugrakan yay deres baw bakat. Ta sakaling yimnengyeng i deres baw limnantap nat atna.

Lucas 9:39

Kada yan papulpugun kanyat maraꞌe-raꞌet, sakaliꞌ nga mangurisang kanya, gembaꞌ ka magpangingsil, baw muraꞌ-buraꞌ nay baꞌbaꞌ ya. Talagang ega naytu pagliꞌdan it magpapulpug ngaytu baw dakulaꞌ na nga sakit i magkapulus ya.

Lucas 9:42

Temed desang magdarmuk sirat ki Jesus, piyaranget nat maꞌget it magpapulpug i pulpug it waꞌwaꞌ ngayti. Nangingsil siꞌ kanya nga gimimbaꞌ duꞌut lugtaꞌ. Temed inimugaw ni Jesus i maraꞌe-raꞌet ngayti. Ta, mindek nay pulpug it waꞌwaꞌ ka piyagayen na ngayti. Bawnga idiyuꞌun na ni Jesus it amaꞌ ya.

Mga Ipiyalteg 12:12

Aypaꞌ dakulaꞌ na talagay kasagyaan situt langit. Sumagya kamung muꞌsa nga magtataꞌid situ. Temed kumpur magtataꞌid asan it banwa baw dagat, talagang ega basta-bastang kakuriꞌan i labayen mi. Kaꞌildaw-ildaw kamu ka piyaꞌasan na si Satanas ngaytu. Timnalalu talagay iseg ya ka urut ya na nga dekeyeꞌ manay timpu yat kanya.”