Lucas 4:34 - Tagbanwa

³⁴ “Bilaꞌ, unuy labe-labet mut amen, Jesus nga taga Nazaret? Unuy inasitu mu? Muuꞌ ka nat amen? Talagang magkaꞌrutan ku in siyu ka. Ikaw i ega basta-basta ngayan nga siyarigan it Ampuꞌang Diyus!”

Lucas 4:34 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

1 Mga Adiꞌ 17:18

Kaꞌampang i babay ngayti, maat yat ki Elias, “Unu nay naꞌisgan mut aken, manigsirbi it Ampuꞌang Diyus? Siguru yay inasitu mu, isaꞌun nga irapar mut aken i mga kasalaꞌan ku baw isaꞌun matay i anak ku ngaytu.”

Mateo 8:29

Gimnaꞌuy nga lagi sira, nga magꞌaat, “Unuy lalabeten mut amen, ikaw nga Anak it Ampuꞌang Diyus? Unuy inasitu mu, pakuriꞌan kami na it ega paꞌ naꞌbut i ipiyabetang-betang nga timpu it pangukuman?”

Marcos 1:24

Maat ya, “Unuy labe-labet mut amen, Jesus nga taga Nazaret? Unuy inasitu mu? Muuꞌ ka nat amen? Talagang magkaꞌrutan ku in siyu ka. Ikaw i ega basta-basta ngayan nga siyarigan it Ampuꞌang Diyus!”

Marcos 1:34

Dakel nga piyagayen ni Jesus nga may sarut, maski unu nga kalasit sarut i ipagꞌabang nira. Dakel gasiꞌ nga inimugaw ya nga mga maraꞌe-raꞌet. Ega piyataꞌnan ya nga makaꞌampang i mga maraꞌe-raꞌet ngayti sabap urut na nira in siyu talaga kanya.

Marcos 5:7

Ipiyaggaꞌuy ya na, nga magꞌaat, “Jesus, nga Anak it Ampuꞌang Diyus nga Subrang Piyakamataꞌas, unuy lalabeten mut aken? Sumumpa ka it pagdedngegen it Ampuꞌang Diyus nga ega pakuriꞌan mu aku!”

Lucas 1:35

Katubag i anghil ngayti, “Talagang matuud i inaat mu. Temed kat tabang it Espiritu Santo magbaraꞌ tu. Aypaꞌ ka dumarugmatiꞌ ka sabap it guna it Ampuꞌang Diyus nga Subrang Piyakamataꞌas. Aypaꞌ ka ipanganak mu ngayan, alaid nga alaid kat kasalaꞌan ka Anak kanya it Ampuꞌang Diyus.

Lucas 4:33

May duꞌun it papagsambaan ngayti nga esang lalaki nga pagpapulpugun it maraꞌe-raꞌet. Nanggaꞌmaran kanya it diyadakulaꞌ ya nga magꞌaat,

Lucas 4:41

Dakel gasiꞌ i mga taw nga piyaꞌimugawan it maraꞌe-raꞌet. Magliꞌwan sira, magpanggaꞌmaran nga magꞌaat, “Ikaw i Anak it Ampuꞌang Diyus!” Temed siyuraraw sira ni Jesus. Ega piyataꞌnan ya nga makaꞌampang i mga maraꞌe-raꞌet ngayti sabap urut na nira nga kanyay isiyanggup nga Cristo.

Lucas 8:28

Pagkalteg yat ki Jesus, nangurisang i magpulpug ngayti. Kiminleb kanya duꞌun it sarungaan ni Jesus baw miyampang it talagang diyadakulaꞌ ya, nga magꞌaat, “Jesus, nga Anak it Ampuꞌang Diyus nga Subrang Piyakamataꞌas, unuy lalabeten mut aken? Magpasanguꞌ-sanguꞌ aku nga beteꞌ daꞌku naga pakuriꞌan mu!”

Lucas 8:37

Ta, binwat it kadakel it mga Geraseno ngayti, inupakat nira si Jesus nga ega magtinir duꞌut rugar nira ngayti, sabap yanayan i magdadaꞌeg, iꞌlam nira. Pagkagneg ni Jesus, miyapyat siꞌ duꞌut sakayan ka simnakay siꞌ sira.

Mga Binwat 16:39

Egay beken, dimnali-daliꞌ sirat maꞌaduꞌun ka miyangut it pasinsiya. Bawnga pagkapaliꞌwan nira, siging upakat nirat kana Pablo nga sana, daꞌsira magtinir duꞌun, limꞌid na.

Mga Binwat 2:27

ega tananan muy kiyarurwa ku duꞌun it pagꞌaꞌanuꞌan it mga miyatay. Ega pataꞌnan mu nga marunut duꞌut lebeng i bilug ku, aku nga magsunud nga pirmi it kaꞌirgan mu.

Mga Binwat 3:14

Talagang diyaꞌga mi kanya ngaytu nga mataldeng baw alaid kat muꞌsang kasalaꞌan, ka iyan i inangut mi nga paliꞌwanen, esang taw nga mangingimatay.

Mga Binwat 4:27

Kayti, sini nat Jerusalem ngayni, miyabut nga matuud i inampang ngayti ni David, ka ungayni ga, namagꞌupa-upakaten nga matuud i adiꞌ nga si Herodes baw gubirnadur nga si Poncio Pilato, pati kadakel it mga taw, Judio baw ega Judio, nga kuntraꞌ kat piniliꞌ baw ipiyasiguru mu nga manigsirbi nga si Jesus nga alaid kat muꞌsang kasalaꞌan.

Hebreo 2:14

Ta paribasay taw i mga anak ngayti nga paꞌaaten, nga may isi, duguꞌ baw kaskedat ginawa, aypaꞌ ka si Jesus, nagbalyu nga taw naga isaꞌun mapakay nga matay gasiꞌ kanya. Sabap, duꞌun it kamataynen ya diyaꞌeg ya si Satanas, nga riyanggaꞌ ya i pamegbeg yat taw, nga yay magtaban it kanira duꞌun it kamatayneng panriga nga egay kaskedan.

Santiago 2:19

Pagpamayaꞌnen mu kunuꞌ nga esa-esa lamang i Ampuꞌang Diyus. Magayen yan. Temed maꞌyag nga ega ipagkaribri in yay seked it pamayaꞌ, pakimatuud na lamang, sabap maski mga mararaꞌe-raꞌet, magpakimatuud sira gasiꞌ nga may Ampuꞌang Diyus ngaytu nga paꞌaaten, temed ta, magkapanguripeꞌpey sirat iꞌlam it magꞌaꞌareg it kanira nga panrigang egay kaskedan.

1 Juan 3:8

Temed iyan nga magbuwat pat kasalaꞌan, ki Satanas payan, sabap garing paꞌ it tagnaꞌ magsisigi nang magkasalaꞌan si Satanas ngaytu. Aypaꞌ ka piyalampud situt aten i Anak it Ampuꞌang Diyus, isaꞌun ranggaꞌen yay buwat ni Satanas ngaytu.

Mga Ipiyalteg 20:2

Riyusuban yay dragon ngayti ka biyayuk ya, nga seledat sang ribu nga taꞌun ega uꞌba-uꞌbadan. Ta dragon ngayti, kanya i maraꞌe-raꞌet ngayting nagpabaluy-baluy nga dukul it tagnaꞌ paꞌ ka akalan ya si Eva. Ngaran ya, Manigbuꞌbug baw si Satanas.

Mga Ipiyalteg 3:7

“Ituy ibtang mu kat surat nga ipataban mu duꞌun it manigpamaalaꞌ it mga magpamayaꞌ it aken duꞌut Filadelfia. Aaten mu nga, ‘Ituy ipagkusugid it iyan kanya nga talagang kamatuudan baw alaid kat maski unu nga kasalaꞌan, kanya nga magseskel it gunsiꞌ it adiꞌ nga si David ka pagbebgayan it pudir duꞌun it kaꞌadiꞌan it Ampuꞌang Diyus. Aypaꞌ basta inabri ku, egay tanda-tandaꞌ nga makasiradu. Ta basta nasiradu ku mana gasiꞌ, talagang ega gasiꞌ i makaꞌabri.