Lucas 4:25 - Tagbanwa

²⁵ Ka dedemdemen mi tu, nga iyan timpu ni Elias nga ega miyuran it seledat tulung taꞌun baw tengaꞌ, nga gimintem nat masaki-sakit nga getem kat muꞌsang rugar, dakel i mga babay nga balu it iting timpu kat banwa tami ngaytung Israel.

Lucas 4:25 Iomraidhean Croise

1 Mga Adiꞌ 17:1

Ta it atkayti, miyabut duꞌut ki Acab ngayti si Elias nga prupitaꞌ. Taga Tisbe kanya nga duꞌut Galaad. Pagꞌabut, maat ya, “Talagang pagdedngegen tami it AMPUꞌANG DIYUS it Israel nga pagsirbiyan ku. Yay matuud, kat mga taꞌun ngaytu nga magdadarapaꞌ, maski dikdik, ega dimikdik. Eeꞌ baꞌ, panugpuꞌ bang masked, ega manugpuꞌ seked it luwasen ku siꞌ i itu nga inampang ku.”

Isaias 55:8

Ka maat it AMPUꞌANG DIYUS, “Iyan pamikir ku, alaid nga alaid kat imyu nga pamikir, baw talagang nagbelag i adat tami.

Mateo 20:15

Unu, egay pudir ku nga buwaten i kumpur ireg ku kat kusas ku? Unu, magꞌinggit ka lamang it kagayen kut masigkataw ku?’”

Lucas 10:21

Kat iting uras, piyasagya nga banar it Espiritu Santo si Jesus. Egay beken, nanalangin kanya nga magꞌaat, “Amaꞌ, pagbantugun ku ikaw nga Ampuꞌan it langit baw banwa, sabap ipiyagtaguꞌ muy kamatuudan ngaytu isaꞌun ega matantuwan it makakaꞌrut baw mapipikir kat sadiling pasepsep lamang. Iyan i piyaꞌyagan mu, mga taw nga mapiyababaꞌ nga magpasbung it dekeyeꞌ nga waꞌwaꞌ. Talagang matuud tu, Amaꞌ, ka iyan i ipiyabetang-betang mu nga magkasagyaan mu.”

Roma 9:15

Sabap waytu i inaat ya duꞌun it ki Moises, “Magsanguꞌ aku it in siyuy ireg ku nga sanguꞌan. Magꞌildaw aku gasiꞌ it in siyuy ireg ku nga ildawan.”

Roma 9:20

Ayaw! Ega aaten muy atkayan. Sabap kita, taw lamang. Ega mapakay nga sambaranaꞌen tami i Ampuꞌang Diyus. Ka simpri ega magayen in aaten it giyuna lamang i iyan nagguna it kanya i ampang nga atkaytu, “Aa bilaꞌ! Unuka binwat mu akut atkaytu?”

Efeso 1:11

Pakilagpit tami it ki Cristo ngaytu i pagpanggaringan it ildawan ta it karibriyan gasiꞌ kat pagdadarapaꞌen. Garing it tagna-tagnaꞌ paꞌ piniliꞌ ya kita nga lagi nga ildawan ya it kagayenan ngaytu. Sigun nagaytu kat pabetang-betang ya, kanya nga magpabetang-betang it muꞌsa uyun kat magayen nga paꞌiguꞌ-iguꞌ nga kaꞌirgan ya.

Efeso 1:9

Ka kayti, paribasa it ituy kaꞌirgan ya, ipiyaꞌrut ya na i pabetang-betang ya nga, kaꞌlay ngaytu, ipagtagu-taguꞌ ya paꞌ, iyan pabetang-betang nga ipatuman ya duꞌun it ki Cristo.

Santiago 5:17

Dedemdemen mi tu, nga si Elias ngaytit tagnaꞌ paꞌ, taw naga nga subung ta. Iyan ipiyanalangin ya nga ega muran, daꞌga baꞌ tulung taꞌun baw tengaꞌ, egang matuud miyuran?

Mga Ipiyalteg 11:6

Begayan sira it pudir baw kakayaan nga subuk isiradu i langit, isaꞌun ega muran mintras timpu nga ipagpangadal niray ampang it Ampuꞌang Diyus. Begayan sira gasiꞌ it pudir nga pabaraꞌen nga duguꞌ i danum, baw magpapanaw it maski unu nga kalasit salakep situt banwa basta nga maꞌirgan nira.