Lucas 4:23 - Tagbanwa

²³ Aypaꞌ ka miyampang si Jesus nga magꞌaat, “Siguru sangpiten mi i sambatan ngayan nga magꞌaat, ‘Manigꞌubaꞌubat, sigi, ubaꞌubaten mu i sadili mu nga bilug.’ Ka aaten mi yat aken nga buwaten ku situt sadili ku nga lansangan i mga nabaritaꞌan mi ngayan nga binwat ku duꞌun it Capernaum.”

Lucas 4:23 Iomraidhean Croise

Mateo 13:54

Miyuliꞌ siꞌ kanya duꞌun it diyakulaꞌan yang lansangan it Nazaret. Iyan duꞌun siꞌ kanya, nanulduꞌ kanya duꞌun it papagsambaan nira. Naliluꞌ talagay mga nakagneg. Maamaatan sira, “Ari napisiꞌan it itung taw it kasepsep ya ngaytu? Magꞌuꞌunu kanya magkabwat it mga kalililuꞌan nga mga bagay?

Mateo 4:13

Inabut ya, duꞌun nagat Nazaret. Takaꞌ ega na timnakenaꞌ duꞌun. Nagpaꞌugad na duꞌut Capernaum. Iti nga lansangan, duꞌun it tambing it Lapnaw it Galilea, baw sakep it nagtepad nga lugtaꞌ nga kabagiꞌan it kuyunan nga mga tungtung-inapuꞌ ni Zabulon baw ni Neftali it tagnaꞌ paꞌ.

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Marcos 6:1

Liminꞌid siꞌ si Jesus duꞌun. Miyuliꞌ si kanya duꞌun it diyakulaꞌan yang lansangan it Nazaret. Mga alagad ya ngayti i iba ya.

Lucas 2:39

Iyan natuman na na Jose i muꞌsang isiyurat duꞌun it ampang it Ampuꞌang Diyus pasar it waꞌwaꞌ ngayti, miyuliꞌ siꞌ sira duꞌun it Nazaret ngayti nga sakep it Galilea.

Lucas 2:51

Ta yapay katabus it kanirang uliꞌ duꞌut Nazaret. Talagang mapiyamayaꞌ si Jesus ngayti it kanira. Muꞌsa ngayti nga magkamuyaan ni Maria, ipagdawaꞌ yang banar duꞌun it ulu ya.

Lucas 4:16

Nanlangbus nat miyuliꞌ si Jesus duꞌun it Nazaret, nga sakep nagat Galilea ngayti. Iti, Nazaret ngayti, i diyakulaꞌan yang lansangan. Ta, subung nat naꞌubasan ya na, siminled kanya duꞌun it papagsambaan in Aldaw it Kapaꞌnaan. Timnindeg kanya ka masa duꞌun it ampang it Ampuꞌang Diyus.

Lucas 4:31

Garing si Jesus duꞌun, naꞌaduꞌun kanya it Capernaum nga sakep it Galilea. Nanulduꞌ siꞌ kanya it mga taw duꞌun it papagsambaan in Aldaw it Kapaꞌnaan.

Lucas 4:35

Pagkagneg ni Jesus, siyuraraw ya. Maat ya, “Ayaw kat sarit tingeg! Magliꞌid ka na asat kanya ngayan!” Ta, kat sarungaan it kadakel, ipiyasuꞌsub it maraꞌe-raꞌet i taw ngayti, bawnga linꞌidan ya na it ega nagay kaꞌunuꞌat bilug.

Lucas 6:42

Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu? Aypaꞌ ikaw nga ipagpabetang mu nga egay magkaꞌiway kat pangaꞌgenan mu, gayen-gayenen mu daꞌan i sadiling adat bawnga mapakay nga iwayen muy ega magayeng buwat it maꞌiba mu. Awaꞌen mu daꞌan i magbabangkar ngayan, isaꞌun makalteg ka it magayen. Magayen-gayen mut kaꞌawaꞌ i puling it maꞌiba mu.”

Juan 4:28

Binwat it babay ngayti, itiyuduꞌ ya nay sasaꞌgeban ya ka naꞌaduꞌun it lansangan. Inaat yay mga katataawan,

2 Corinto 5:16

Aypaꞌ kayti, ega na ipagpabetang namen nga magayen u ega i maski siyu in sabap lamang it mga kat liꞌwan nga bagay nga magkaltegan. Sabagay tagnaꞌ atkayan naga i pabetang ku it ki Cristo. Temed kayti, talagang ega na atkayan.