Lucas 4:22 - Tagbanwa

²² Tiyuꞌgud kanya it kadakel baw naliluꞌ sira kat magagayeng pagꞌampangen ya. Takaꞌ maamaatan sira, “Daꞌga baꞌ anak tu na Jose?”

Lucas 4:22 Iomraidhean Croise

Lucas 2:47

Talagang naliluꞌ i muꞌsa nga nakagneg it kanya sabap it kasepsep ya baw kagayen it mga tubag ya.

Lucas 2:48

Pagkalteg na Jose, naliluꞌ gasiꞌ sirat kanira. Maat it inaꞌ ya ngayti, “Dunguꞌ, unuka atkaytuy pabetang mut amen, it masyadu nay keber-keber it seled namen it amaꞌ mu it magtulus it imu? Tanud namen in naꞌunu ka na.”

Lucas 21:15

Sabap aku ngaytu i megay it imyu it pangangampang mi nga may ega basta-bastang kasepsep, nga ega kaya nga tubagan u pakidaꞌgan it maski siyu nga mga kakuntraꞌ mi.

Lucas 4:21

Bawnga miyampang si Jesus, nga maat yat kadakel ngayti, “Kayti natuman naytu i itu nga inaat it kasuratan, nagnegan mi ngaytu nga biyasa ku.”

Juan 1:45

Si Felipe ngayti, tiyulus yay esang taw nga pagpangaranat ki Natanael ka siyugidan ya, nga maat ya, “Naparagan namen i pagpapuntuꞌan it siyangpit ni Moises duꞌut mga isiyurat ya baw siyangpit gasiꞌ it mga prupitaꞌ kat mga isiyurat nira. Si Jesus tu nga taga Nazaret nga anak na Jose.”

Juan 6:42

Maat nira siꞌ, “Daꞌga baꞌ itu na, si Jesus ngayan nga anak na Jose? Kilala tami nagay amaꞌ baw inaꞌ ya. Ta unuka magkaꞌaat ya kayti nga limnampud kanya nga garing duꞌut langit?”

Juan 7:46

Katubag sira, maat nira, “Kagalang-galang it imyu, yanaytuy kaꞌlay, egay taw nga atkayan nang gayen it pagꞌampangen.”

Mga Binwat 6:10

Temed ega pagdaꞌgen nira i kasepsep ni Esteban ngayti baw mga pagꞌampangen ya kat panakem it Espiritu Santo.

Tito 2:8

Siguruun mu nga purus magayen baw matuud i pagꞌampangen mu isaꞌun egay magkaꞌiway. Ta daꞌga in atkayan, magꞌeyaꞌ-eyaꞌ i mga mamagpakikuntraꞌ ngayat imu ka egay masudi-sudi nirat aten.