Lucas 4:20 - Tagbanwa

²⁰ Ta, liyulun ya siꞌ i pagsusuratan ngayti, ipiyagꞌuliꞌ ya duꞌun it magpamaalaꞌ bawnga miyadung. Duꞌut kanya i leteg it muꞌsang taw nga duꞌut papagsambaan ngayti, nga daꞌna paglisuꞌun niray mata nira.

Lucas 4:20 Iomraidhean Croise

Mateo 26:55

Bawnga siyarunga ni Jesus i mga taw ngayti. Inaat ya sira, “Unuytu, adimaat magpangukus aku nga kuntraꞌen i gubirnu, ka rangkap kamu nat basiꞌ, nga kat beken pupukul na, i miyabut ngaytu nga magpandakep it aken? It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun.

Mateo 27:60

Idiyuꞌun ya na it sadili ya nga lelbengan nga ega paꞌ naꞌlay i pagkapabwat ya, piyalamunan ya nga batu. Pagkapagayen-gayen ya, parabir miyuliꞌ, ipiyapabaliling yay dakulaꞌ nga batu ka ilimpen duꞌun it balaꞌbaꞌan it lebeng ngayti.

Lucas 19:48

Temed ega magkaparagan nira in unuy magayeng buwaten, ka puꞌsat taw, magkasaga sirang banar it mga panulduꞌ ngayti ni Jesus.

Lucas 4:17

Ipiyakawaꞌ it kanya i pagluulunun nga pagsusuratan it mga ipiyasurat it ki Isaias nga prupitaꞌ it tagnaꞌ. Biyukaꞌ ni Jesus i pagluulunun ngayti duꞌun it pagsusuratan nga magꞌaat i magsusurat,

Lucas 4:21

Bawnga miyampang si Jesus, nga maat yat kadakel ngayti, “Kayti natuman naytu i itu nga inaat it kasuratan, nagnegan mi ngaytu nga biyasa ku.”

Lucas 5:3

Nagpasakay si Jesus duꞌun it sang kasakayanan nga iti, ki Simon. Bawnga inaat ya si Simon nga isungru-sungrud ya, isaꞌun makaꞌalaid it sang dekeyeꞌ duꞌun it binit. Ta, miyadung kanya duꞌun it sakayan ngayti ka nangadal siꞌ it mga taw.

Juan 8:2

Pagꞌeyag it aldaw, nagpaꞌuliꞌ naga kanya duꞌun it Templo. Minlep siꞌ duꞌut kanya i muꞌsang mga taw duꞌun. Miyadung si Jesus bawnga tiyulduꞌan ya siꞌ sira.

Mga Binwat 16:13

Napakaꞌrutan namen nga may rugar nagang pagpanalanginan duꞌut Filipos ngayti, temed duꞌut tambing it danum nga liꞌwan it siyudad. Aypaꞌ, iyan Aldaw nat Kapaꞌnaan, naꞌaduꞌun kami. Abutan namen, tingped na. Mga babay nga bulun. Ta, nagpakiꞌadung kami na baw tiyulduꞌan namen sira it Magayeng Baritaꞌ.

Mga Binwat 3:12

Pagkamuya ni Pedro, inaat ya sira, “Mga kabanwa ku nga tungtung-inapuꞌ ni Israel, unuka magkaliluꞌan mi siꞌ i itung taw? Baw unuka atkayay panenyekan mit amen, adimaat ikiyapanaw ya ngaytu, kat keseg it sadili nameng kiyaꞌrutan u pagsunud it kaꞌirgan it Ampuꞌang Diyus?