Lucas 4:2 - Tagbanwa

² Kaꞌlay ya duꞌun, epat nga pulung aldaw, nga egay maski unu nga pagkaꞌnen ya. Binwat ni Satanas, siyukdanan ya si Jesus in unu makapakursud ya. Ta, it iti na nga kaꞌlay nga egay kiyaꞌen ni Jesus ngayti, ginteman na kanya.

Lucas 4:2 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

1 Mga Adiꞌ 19:8

Nagbangun siꞌ si Elias ka kimnaꞌen siꞌ. Pagkaꞌinum ya, kiminseg i ginawa ya. Sabap it pangaꞌen ngayti, ega ginteman kanya lamang naꞌlay nga luꞌug-luꞌug ya, ka kaꞌlay, epat nga pulung aldaw baw delem. Nakaꞌbut na kanya duꞌut Horeb nga pagpangaranan it Bukid it Ampuꞌang Diyus.

Exodo 24:18

Pagtungul ni Moises, siyakep na kanya it kunum ngayti. Epat nga pulung aldaw baw delem i kaꞌlay ya duꞌun.

Exodo 34:28

Kaꞌlay ni Moises duꞌut adapan it AMPUꞌANG DIYUS duꞌut bukid ngayti, epat siꞌ nga pulung aldaw baw delem. Egay maski unu nga pagkaꞌnen baw pagꞌimnun ya. Ipiyagsurat ya na duꞌun it piyanipis ya ngayti nga batu i mga inaat it AMPUꞌANG DIYUS kat pakiꞌupakat ya ngayti nga dapat nira nga sunudun. Itu na i Sang Puluꞌ nga Urdin.

Mateo 21:18

Pagꞌeyag it aldaw, iyan magpaꞌuliꞌ siꞌ si Jesus duꞌun it siyudad, ginteman kanya.

Mateo 4:2

Iyan nagtaꞌlib nay epat nga pulung aldaw baw delem nga magpuwasa si Jesus, ginteman na kanya.

Lucas 4:3

Aypaꞌ ka inaat kanya ni Satanas, nga magꞌaat, “It Anak ka it Ampuꞌang Diyus, mampang ka lamang ka pabaraꞌen mu nga pangaꞌen i batu ngaytu.”

Juan 4:6

Duꞌun kayti may tabud naga ni Jacob ngayti. Ta it nalpuꞌan na si Jesus it panaw, miyadung kanya duꞌun it tepad it tabud ngayti, beken it ababaꞌ nay aldaw.

Hebreo 2:18

Baw paribasay kanya nakuriꞌan baw talagang siyukdanan ni Satanas in unu makapakursud ya, aypaꞌ talagang magkatabangan ya kita in pagsukdanan ta gasiꞌ i aten.

Hebreo 4:15

Itu, Ega ngaytu Basta-basta nga Sasirduti tami, magkasanguꞌan ya kitang banar kat mga kalubayan ta nga magtaban it aten duꞌut kasalaꞌan, sabap kanya, naglabay nagat muꞌsang mga sukdan nga magꞌabut it aten nga taw. Temed kanya, ega nagkasalaꞌan.

1 Samuel 17:16

Epat nang pulung aldaw i kaꞌlay it inayatan ni Goliat it mga Israelita ngayti it meyag-mapun.