Lucas 4:18 - Tagbanwa

¹⁸ “Magsasarum situt aken i Espiritu Santo it Ampuꞌang Diyus, ka piniliꞌ baw ipiyasiguru ya aku isaꞌun makapangadal it Magayeng Baritaꞌ duꞌun it mga makukuriꞌ. Tiyaꞌeg ya aku isaꞌun ipaꞌyag ku duꞌun it mga dakepan nga maribri sira, baw iyan subuk beleg ka sakep pat kadleman, maꞌyagan naga sira. Tiyaꞌeg ya aku isaꞌun tabangen talaga i kumpur magkaꞌigpitan,

Lucas 4:18 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

2 Cronica 34:27

Namuyaan ku nga ega piyadsen muy ulu mu pagkagneg it mga ampang ngayan pasar it pangukuman ku it itung rugar baw mga taw ya. Baw namuyaan ku gasiꞌ nga nagpababaꞌ ka baw nagsinguliꞌ nga banar it piyanrarasik mu na i pakayan mu, nga biyayaꞌ nat luwaꞌ mu kat adapan ku. Aypaꞌ ka piyagnegan ku i panalangin mu,’ maat it AMPUꞌANG DIYUS.

Isaias 42:7

Ikaw i pamukrat it mga beleg, baw paliꞌwanen mu i mga pinirisu it kadleman.

Isaias 45:13

Maat siꞌ it Ampuꞌang Diyus, “Uyun kat pabetang-betang ku nga purus mataldeng, ipatindeg ku si Ciro ngaytu. Padisiran ku kanya kat muꞌsang buwaten ya. Ipabwat ya naga i siyudad ku nga Jerusalem, baw iribri ya i mga taawan ku nga ipiyalugut ku nga dakepanen. Buwaten yaytu maski egay tumangdan u tumumbas it kanya. Aku nga AMPUꞌANG DIYUS nga landaw nga gunaan i nagꞌaat kaytu.”

Mateo 11:5

nga magkalteg nay mga beleg, mamagkapanaw na i mga pilay, mindek nay bangbang it mga babangbangen, mamagkagneg nay mga bengel, mamagꞌegen it paꞌuliꞌ i maski patay na, baw ipagpangadal duꞌun it mga raꞌyat i Magayen ngaytu nga Baritaꞌ.

Mateo 12:18

“Kayti waytu na i manigsirbi ku, nga aku naga i miniliꞌ. Pagmaꞌalen ku talagat subraꞌ. Pagsagyaan ku kanya nga banar. Papasaruman ku kanya it Espiritu Santo ku, baw kamatuudang kataldengan i ipapanaw ya kat muꞌsang bangsa.

Mateo 12:20

Ega luꞌtasen yat mungguꞌ i kubunggu-bungguꞌ na, u parngen ya i magkedyep-kedyep mana nga tidaw, in daꞌga sanguꞌan baw tabangen yay mga kaꞌildaw-ildaw nga malubay i pamayaꞌ. Muꞌsa ngaytu, buwaten ya seked it itu, kataldengan ngaytu, ipandaꞌeg ya nga banar.

Mateo 4:16

naꞌlay na nga magpangaꞌgenan kat kadleman i mga taga Galilea ngaytu, temed inyagan na sirat eyag nga ega basta-basta. Subung sirat sinakepan it kamataynen ka egay inawar nira, temed kayti, inyagan na sira.”

Mateo 5:3

“Magkasagya i mga taw nga, ipagpabetang nira nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut sira duꞌun it kanyang kaꞌadiꞌan.

Lucas 4:17

Ipiyakawaꞌ it kanya i pagluulunun nga pagsusuratan it mga ipiyasurat it ki Isaias nga prupitaꞌ it tagnaꞌ. Biyukaꞌ ni Jesus i pagluulunun ngayti duꞌun it pagsusuratan nga magꞌaat i magsusurat,

Lucas 6:20

Liminteg si Jesus duꞌun it mga alagad ya baw miyampang, nga magꞌaat, “Magkasagya kamu nga ipagpabetang mi nga talagang egay sadiling kakayaan nga masarigan, in daꞌga Ampuꞌang Diyus lamang, sabap kaꞌuyut kamu duꞌun it kanyang kaꞌadiꞌan.

Lucas 7:22

Aypaꞌ tiyubag ni Jesus i mga tiyaꞌeg ngayti, nga magꞌaat, “Muliꞌ kamu na duꞌun it ki Juan baw isugid mi duꞌut kanya i naltegan baw nagnegan mi, nga magkalteg nay mga beleg, mamagkapanaw na i mga pilay, mindek nay bangbang it mga babangbangen, mamagkagneg nay mga bengel, mamagꞌegen it paꞌuliꞌ i maski patay na, baw ipagpangadal duꞌun it mga raꞌyat i Magayen ngaytu nga Baritaꞌ.

Juan 1:41

Liyalangbus ni Andres it maduꞌun i sulsug ya ngayting si Simon. Pagꞌabut ya, maat ya, “Nakitaan namen nay Adiꞌ ngayan nga isiyanggup it Ampuꞌang Diyus” (nga ireg sugiden, Cristo).

Juan 12:46

Ka naꞌasitu aku nga bilang tidaw it banwa ngaytu, isaꞌun ega maneꞌteꞌ kat kadleman i iyan nga mamayaꞌ it aken.

Juan 3:34

Sabap iyan nga tiyaꞌeg it Ampuꞌang Diyus, simpri egay beken nga ipagsugid ya in daꞌga iyan ipagpasugid nagat Ampuꞌang Diyus, sabap may Espiritu Santo na duꞌut kanya nga egay kaskedan it tabang ya.

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Mga Binwat 26:18

Sira ngaytu nga ega Judio i tulduꞌan mu isaꞌun kamukrat sira ka kayti, subuk beleg sira. Tulduꞌan mu sira isaꞌun kaliꞌwan sirat kadleman it kasalaꞌan baw pamegbeg ni Satanas, ka paꞌugad na sira kat kaꞌyagan nga ibgay it Ampuꞌang Diyus, nga pasakep na sirat kanya. Ka in mamayaꞌ sirang matuud it aken, mapasinsiya i mga kasalaꞌan nira baw makaꞌuyut sira kat mga taw nga piniliꞌ baw ipiyapinpin it Ampuꞌang Diyus nga mga taawan ya.’”

Mga Binwat 4:26

Ka namagꞌupa-upakaten nay mga adiꞌ situt sinirungat langit baw alistu nay mga pagbayaꞌen. Ka maat labanan nira i Ampuꞌang Diyus, baw Cristo nga Manriribring Adiꞌ nga isiyanggup ya.’

Mga Binwat 4:27

Kayti, sini nat Jerusalem ngayni, miyabut nga matuud i inampang ngayti ni David, ka ungayni ga, namagꞌupa-upakaten nga matuud i adiꞌ nga si Herodes baw gubirnadur nga si Poncio Pilato, pati kadakel it mga taw, Judio baw ega Judio, nga kuntraꞌ kat piniliꞌ baw ipiyasiguru mu nga manigsirbi nga si Jesus nga alaid kat muꞌsang kasalaꞌan.

Colosas 1:13

Ka ipiyagribri ya na kita kat pagsakep it kadleman, baw ipiyagꞌugad ya na kita kat pagsakep it pagmaꞌa-maꞌalen ya nga Anak.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.