Lucas 4:16 - Tagbanwa

¹⁶ Nanlangbus nat miyuliꞌ si Jesus duꞌun it Nazaret, nga sakep nagat Galilea ngayti. Iti, Nazaret ngayti, i diyakulaꞌan yang lansangan. Ta, subung nat naꞌubasan ya na, siminled kanya duꞌun it papagsambaan in Aldaw it Kapaꞌnaan. Timnindeg kanya ka masa duꞌun it ampang it Ampuꞌang Diyus.

Lucas 4:16 Iomraidhean Croise

Mateo 2:23

Piyaꞌabutan nira duꞌun it lansangan it Nazaret, nga sakep it Galilea, ka duꞌun i taꞌidan nira. Duꞌun natuman i isiyugid it mga prupitaꞌ, nga magꞌaat, “Taꞌwagen kanya nga Nazaretanen.”

Lucas 2:39

Iyan natuman na na Jose i muꞌsang isiyurat duꞌun it ampang it Ampuꞌang Diyus pasar it waꞌwaꞌ ngayti, miyuliꞌ siꞌ sira duꞌun it Nazaret ngayti nga sakep it Galilea.

Lucas 2:42

Iyan sang puluꞌ baw duwa na nga taꞌun i idad ni Jesus ngayti, piyabayaꞌ na nirat nagparagiꞌ siꞌ it pistaꞌ nga pagbuwaten nirat kaꞌlay.

Lucas 2:51

Ta yapay katabus it kanirang uliꞌ duꞌut Nazaret. Talagang mapiyamayaꞌ si Jesus ngayti it kanira. Muꞌsa ngayti nga magkamuyaan ni Maria, ipagdawaꞌ yang banar duꞌun it ulu ya.

Lucas 4:15

Nanulduꞌ na kanya duꞌun it mga papagsambaan nirang mga Judio, baw talagang pagdaya-dayawun kanya it kadakel.

Lucas 4:17

Ipiyakawaꞌ it kanya i pagluulunun nga pagsusuratan it mga ipiyasurat it ki Isaias nga prupitaꞌ it tagnaꞌ. Biyukaꞌ ni Jesus i pagluulunun ngayti duꞌun it pagsusuratan nga magꞌaat i magsusurat,

Lucas 4:21

Bawnga miyampang si Jesus, nga maat yat kadakel ngayti, “Kayti natuman naytu i itu nga inaat it kasuratan, nagnegan mi ngaytu nga biyasa ku.”

Lucas 4:23

Aypaꞌ ka miyampang si Jesus nga magꞌaat, “Siguru sangpiten mi i sambatan ngayan nga magꞌaat, ‘Manigꞌubaꞌubat, sigi, ubaꞌubaten mu i sadili mu nga bilug.’ Ka aaten mi yat aken nga buwaten ku situt sadili ku nga lansangan i mga nabaritaꞌan mi ngayan nga binwat ku duꞌun it Capernaum.”

Juan 18:20

Katubag si Jesus, maat ya, “Muꞌsang ipagpanulduꞌ ku, purus kat muyagan. Pirmi akung magpanulduꞌ duꞌun it mga papagtingpedan it mga Judio, nga duꞌun it mga papagsambaan, pati duꞌun it Templo. Egay inampang ku kat malingeb.

Mga Binwat 17:2

aypaꞌ subung nat buwat yat kaꞌlay, siminled si Pablo duꞌun ka nanulduꞌ it mga namagtingped. Tulung kaꞌbut it Aldaw it Kapaꞌnaan, ipagpaꞌyag yat kanira i kaꞌulugan it mga kasuratang ampang it Ampuꞌang Diyus.