Lucas 3:9 - Tagbanwa

⁹ Ka kayti, magbebreꞌ na i kapa duꞌun it gamut it magpupꞌun nga kayu, ka kada kayu nga ega magbuwaꞌ it magayen, pukanen bawnga idaꞌpug duꞌut apuy. Ta, magꞌadeꞌdeng na nga atkayan i panriga it imyu.”

Lucas 3:9 Iomraidhean Croise

Daniel 4:14

Maat gimnaꞌuy kanya nga magꞌaat, “Pukanen nay iyan nga kayu. Panigbasen nay mga sanga ya baw raprapen i mga daꞌun ya. Iyan buwaꞌ ya ngayan, isari nat pamuntal. Pandinggawun i mga magpapaꞌlung ngayan nga ramu-ramu, pati mga manu-manuk ngayang mamagpupugad asat sanga ya.

Daniel 4:23

Bawnga may naltegan mu nga esang anghil, nga esa it mga manigbantay, nga nanlampud nga gimnaring duꞌun it langit. Inaat ya nga pukanen nay kayu ngaytu baw ramaten, temed ega riꞌnge-riꞌngen i tuꞌud baw mga gamut ya, in daꞌga, lulupan it basiꞌ baw tumbaga, bawnga pataꞌnan na lamang duꞌun it pagpupꞌunan ya. Inaat ya paꞌ nga, pagpaꞌiguꞌan kaytu, pataꞌnan lamang nga maꞌemeg it namug baw pakiꞌibaan it mga ramu-ramu duꞌun it kadidikutan, seledan it pitung taꞌun.

Mateo 3:10

Ka kayti, magbebreꞌ na i kapa duꞌun it gamut it magpupꞌun nga kayu, ka kada kayu nga ega magbuwaꞌ it magayen, pukanen bawnga idaꞌpug duꞌut apuy. Ta, magꞌadeꞌdeng na nga atkayan i panriga it imyu.

Mateo 7:19

Ta, kada luwak nga kayu nga magsarut, nga ega magayen i buwaꞌ ya, pukanen na lamang, ka idaꞌpug na lamang duꞌun it apuy.

Lucas 13:6

Piyaꞌugdunan ni Jesus it alimbawa nga magꞌaat, “May esang taw nga may luwak yang sang puꞌun nga igos duꞌun it kaꞌubasan ya. Kaꞌsa biyaꞌnaw ya in unu, may buwaꞌ na. Temed unuka manuꞌan.

Lucas 13:7

Aypaꞌ maat yat manigꞌarigra it kaꞌubasan ya ngayti, ‘Igos ngayti, tulung taꞌun nay kaꞌlay, baꞌnawun-baꞌnawun ku egay magkamuyaan ku nga buwaꞌ ya. Magayen, pukanen mu na, ka palsa na lamang sikayan.’

Lucas 13:9

Ta, in beteꞌ muwaꞌ it magdadarapaꞌ ngaytung taꞌun, magayen. Takaꞌ in daꞌga, baw mana nga pukanen ta.’”

Juan 15:6

Iyan ega maneꞌteꞌ situt aken, ibuntal na ka ipablag subuk sanga nga siyapiꞌ. Ta, yang mga sanga, in patay na, rinutun baw idaꞌpug duꞌut apuy isaꞌun maꞌanteng.

Hebreo 10:28

Ka daꞌga basaꞌan, in siyu-siyu i miyaliwalaꞌ it maski mga urdin ngayti ni Moises it tagnaꞌ, talagang ega pagpasinsiyaan, pagꞌimatayen, in ipamatuud i buwat ya it duwa u tulung sistigu?

Hebreo 12:29

Sabap, kanya nga Ampuꞌang Diyus tami, in magpanriga, kabilangan ya subuk apuy nga magpangansur.