Lucas 3:7 - Tagbanwa

⁷ Dakel i mga taw nga magꞌaduꞌun it ki Juan ngayti ka magpabawtis. Ipagrapar ni Juan it kanira, nga magꞌaat, “Unuka situ kamu nga mga mapiyandayaꞌ nga subung it adat it dukul? Siyuy miyaat nga mapalagyuwan mi i panriga nga magꞌaꞌabut?

Lucas 3:7 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Mateo 12:34

Kamu nga mga anak it dukul! Magꞌuꞌunu mi masugid i mga bagay nga magagayen it mararaꞌe-raꞌet i adat mi? Ka talagang matuud nga in unuy kat nakem it taw, iyan naga i kat baꞌbaꞌ ya nga pirmi.

Mateo 23:33

Mga dukul kamu. Talagang mga mapiyandayaꞌ kamu nga subung it dukul. Daꞌkamu makaribri it panriga nga duꞌun it apuy nga egay kapugdawan ya.

Mateo 3:6

Pamagsinguliꞌan nira i mga kasalaꞌan nira baw magpabawtis na sirat ki Juan duꞌut danum it Jordan ngayti, nga magpamatuud it indiꞌan na niray kasalaꞌan.

Juan 8:44

Munugat si Satanas i amaꞌ mi. In unuy ireg ya, iyan i pagkubwaten mi. Yay matuud, mangingimatay kanyat taw garing paꞌ it tagnaꞌ baw kalaban it kamatuudan, ka ega talaga maparagan duꞌut kanya i kamatuudan ngaytu seked it kaꞌnu-kaꞌnu. In magꞌambut kanya, ta it yan nagay adat ya, sabap talagang maꞌambut kanya baw puꞌun kanyat kaꞌambutan.

Mga Binwat 13:10

Maat i inampang ya, “Ikaw ngaytu nga taw, subuk nagpaꞌanak ka nat ki Satanas! Purus pangakal baw kalukuwan i muꞌsang pagbuwaten mu. Maski unung kataldengan, pagkalabanen mu. Unu, ega paꞌ pedkanan muy buwat mu ngayan nga pagpakiꞌambutun muy kamatuudan nga ampang it Ampuꞌang Diyus?

1 Tesalonica 1:10

Maat paꞌ nira, pagꞌelaten mit maseked-seked i pamaꞌuliꞌ it Anak ya nga si Jesus, kanya ngaytu nga inggen ya it paꞌuliꞌ. Paꞌuliꞌ kanya nga matuud nga garing duꞌun it langit, baw sabap it panribri ya it aten, ega na malabayan tami i magꞌaꞌabut nga iseg it Ampuꞌang Diyus.

Hebreo 6:18

Basta simnanggup i Ampuꞌang Diyus baw nanumpa paꞌ kanya, talagang siguradu i pagtuman ka ega mapakay nga mambut kanya. Aypaꞌ piyasagya nang banar i nakem tami, kita nga nagpaꞌimbeng duꞌut kanya, isaꞌun inawaren tat nakaꞌunay nga inawar i kagayenang isiyanggup ya.

1 Juan 3:8

Temed iyan nga magbuwat pat kasalaꞌan, ki Satanas payan, sabap garing paꞌ it tagnaꞌ magsisigi nang magkasalaꞌan si Satanas ngaytu. Aypaꞌ ka piyalampud situt aten i Anak it Ampuꞌang Diyus, isaꞌun ranggaꞌen yay buwat ni Satanas ngaytu.