Lucas 3:3 - Tagbanwa

³ Aypaꞌ binwat ya, liyekep-lekep ya i taawan kat padipag-dipag it danum it Jordan, ka nangadal na. Ipagpangadal ya nga magꞌaat, “Singuliꞌan baw indiꞌan mi na i mga kasalaꞌan mi baw pabawtis nga pamatuud it indiꞌan mi na, isaꞌun pasinsiyaen kamu naga it Ampuꞌang Diyus.”

Lucas 3:3 Iomraidhean Croise

Mateo 3:11

Pagbawtisen ku kamu situt danum, bilang tandaꞌanan lamang it pagsinguliꞌ baw pangindiꞌ mit mga kasalaꞌan mi. Temed yay matuud, iyan mabut nga magsusunud it aken, kanya nga ibawtis it imyu, Espiritu Santo baw apuy. Talagang landaw paꞌ kanya it aken. Maski mawaꞌ it talumpaꞌ ya, ega mapakay nga mabwat ku, ka subrang banar i kataꞌasan ya.

Lucas 1:16

Talagang dakel nga tungtung-inapuꞌ ni Israel i ipapaꞌuliꞌ ya duꞌun it Ampuꞌang Diyus nira.

Lucas 1:77

Ka itulduꞌ mut mga taawan ya i dalan it karibriyan baw kapasinsiyaan it mga kasalaꞌan nira.

Lucas 4:1

Paggaring ni Jesus duꞌut Jordan, tiyaban kanyat Espiritu Santo ngayting nagpasarum, tiyabanan it kanya duꞌun it rugar nga kapupuyangtan.

Juan 1:28

Piyangingkutan it mga taw ngayti it ki Juan, duꞌun it Betania nga duꞌut sang dipag it Jordan nga pagpamawtisan ya na ngayting danum.

Juan 3:26

Egay beken, naꞌaduꞌun sirat ki Juan, ka maat nirat kanya, “Manigtulduꞌ, tabiꞌ it imu. Iyan baꞌ, taw ngayan nga iba mu ngayan duꞌun it dipag it Jordan, nga may ipagpamatuud mu pasar it kanya, kayti ngaytu magpamawtis na gasiꞌ. Magpuꞌsa-puꞌsa nay taw it magꞌaduꞌut kanya.”

Mga Binwat 13:24

Dedemdemen mi i binwat ni Juan nga magpamawtis. Kanyay miyuꞌna it ki Jesus, ka ipagpanulduꞌ ya duꞌun it mga kabilug yang mga Judio nga, kaꞌilangan, magsinguliꞌ sirang muꞌsa baw indiꞌan i mga kasalaꞌan nira baw pabawtis nga pamatuud it indiꞌan na.

Mga Binwat 19:4

Tiyubag sira ni Pablo, nga maat ya, “Iyan pagbawtis ni Juan, magsugid it, taw nga magpabawtis, nagsinguliꞌ nat mga kasalaꞌan ya. Temed daꞌga baꞌ ipagpanulduꞌ gasiꞌ ni Juan nga kaꞌilangan mamayaꞌ ta it kanya nga magsusunud it ki Juan ngayti? Paꞌaaten ya ngayti, si Jesus.”

Mga Binwat 22:16

Bawnga inaat ya siꞌ aku, ‘Ta, unu pay pagꞌelaten? Timindeg ka na baw pabawtis. Manalangin ka duꞌun it Ampuꞌang Diyus nga mangut it pasinsiyaen i mga kasalaꞌan mu.’