Lucas 3:22 - Tagbanwa

²² Bawnga nagpasalu duꞌun it kanya i Espiritu Santo, nga subung it kalapatiꞌ i pamabilug. Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Lucas 3:22 Iomraidhean Croise

Isaias 42:1

Maat it Ampuꞌang Diyus, “Waytu na i manigsirbi ku nga pagtabangen ku. Piniliꞌ ku kanya baw pagsagyaan ku kanya nga banar. Piyapasaruman ku kanya it Espiritu Santo ku baw kamatuudan nga kataldengan i ipapanaw ya kat muꞌsang mga bangsa.

Mateo 12:18

“Kayti waytu na i manigsirbi ku, nga aku naga i miniliꞌ. Pagmaꞌalen ku talagat subraꞌ. Pagsagyaan ku kanya nga banar. Papasaruman ku kanya it Espiritu Santo ku, baw kamatuudang kataldengan i ipapanaw ya kat muꞌsang bangsa.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Mateo 27:43

Magsarig kanya it Ampuꞌang Diyus, baw pagꞌaaten ya paꞌ nga Anak kanya it Ampuꞌang Diyus ngaytu. Ayta, in talagang pagmaꞌalen kanya nga matuud it Ampuꞌang Diyus, simpri iribri ya.”

Mateo 3:13

Ega naꞌlay miyabut na gasiꞌ si Jesus duꞌut Jordan ngayti. Giyaringan ya, duꞌun naga it Galilea. Naꞌaduꞌun kanyat ki Juan ka pabawtis gasiꞌ.

Mateo 3:16

Iyan nabawtis na si Jesus, nga magpatingdal na, sakaling miyabri i langit. Naltegan ya i Espiritu Santo it Ampuꞌang Diyus nga magpapasalu duꞌun it kanya, nga subung it kalapatiꞌ i pamabilug.

Mateo 3:17

Dengan it may ampang nga duꞌut langit i garing, nga magꞌaat, “Itu i pagmaꞌa-maꞌalen ku nga Anak nga talagang kasasagyaan ku.”

Marcos 1:11

Dengan it may ampang nga duꞌut langit i garing, nga magꞌaat, “Ikaw talagay pagmaꞌa-maꞌalen ku nga Anak. Talagang pagsagyaan ku ikaw nga banar.”

Marcos 1:9

Kat iting timpu miyabut si Jesus nga garing duꞌun it Nazaret nga sakep it Galilea. Pagꞌabut ya duꞌun, biyawtis kanya ni Juan duꞌun it danum it Jordan ngayti.

Marcos 9:7

Ta sakaling inlungan sirat esang kunum, baw may gaꞌmaran nga duꞌun nat kunum ngayti i sinraꞌan, nga magꞌaat, “Itu i pagmaꞌa-maꞌalen ku nga Anak. Pagnegan mi kanya it magayen.”

Lucas 2:14

“Bantugun i Ampuꞌang Diyus nga duꞌun it dibwat it langit. Baw situt sinirungat langit, kaꞌimbengan it nakem i ibgay ya kat mga taw nga pagsagyaan ya.”

Lucas 4:21

Bawnga miyampang si Jesus, nga maat yat kadakel ngayti, “Kayti natuman naytu i itu nga inaat it kasuratan, nagnegan mi ngaytu nga biyasa ku.”

Juan 1:32

Bawnga nagpamatuud si Juan ngayting magꞌaat, “Naltegan kuy Espiritu Santo. Magpapasalu kanya garing duꞌut langit, nga subung it kalapatiꞌ i pamabilug, baw nagpasarum na duꞌun it ki Jesus ngayti.

Juan 12:28

Pagkaꞌampang ni Jesus kayti, maat ya, “Amaꞌ, ipalteg muy kadakulat kabantugan mu.” Bawnga may nagnegan it kadakel ngayti nga gaꞌmaran nga garing duꞌut langit, nga magꞌaat, “Ipiyalteg ku na, temed ipalteg ku sit sumaꞌup i kabantugan ku.”

Juan 5:37

Baw iyan Amaꞌ nga nagtaꞌeg it aken, kanya mismu i nagpamatuud naga pasar it aken, temed it tagnaꞌ paꞌ seked it maski kayti na ngaytu, ega pagpagnegan mi i gaꞌmaran ya baw ega pagkilalaen mi i pagkinataw ya.

Mga Binwat 10:38

Si Jesus ngaytu nga taga Nazaret, piniliꞌ kanya baw ipiyasiguru it Ampuꞌang Diyus kat Espiritu Santo nga piyapasarum duꞌun it kanya baw kat ega basta-bastang guna nga ibinggay it kanya. Nanlepkep-lekep kanya it banwa namen, nga magbuwat it mga magagayeng buwat, baw piyagayen ya i pati mga pagpapulpugun it maraꞌe-raꞌet, kat keseg it tabang it Ampuꞌang Diyus nga duꞌun it kanya nga pirmi.

Colosas 1:13

Ka ipiyagribri ya na kita kat pagsakep it kadleman, baw ipiyagꞌugad ya na kita kat pagsakep it pagmaꞌa-maꞌalen ya nga Anak.

1 Pedro 2:4

Si Cristo ngaytu, egen talaga baw kabilangan ya, subuk lininuꞌ nga batu nga ega napakay it mga taw. Temed napakay talaga it Ampuꞌang Diyus ka piniliꞌ baw talagang pagrarasan ya.