Lucas 3:2 - Tagbanwa

² Si Anas baw si Caifas i mga Piyakamataꞌas nga Sasirduti. Ta, kat iting timpu, miyabut i ampang it Ampuꞌang Diyus duꞌun it ki Juan ngayting anak na Zacarias, nga duꞌun kanya it rugar nga kapupuyangtan.

Lucas 3:2 Iomraidhean Croise

Isaias 40:3

May magpanggaꞌmaran nga magꞌaat, “Buwatan mi it dalan i AMPUꞌANG DIYUS, nga panawan ya duꞌun it rugar nga kapupuyangtan. Diritsuun baw gayen-gayenen mi i panawan ya ngaytu duꞌun.

Jeremias 1:2

Uꞌnang ampang nga ipiyaꞌrut it AMPUꞌANG DIYUS it kanya, iyan sang puluꞌ baw tulu na nga taꞌun i pagꞌadiꞌ duꞌun it Juda ni Josias nga anak ni Amon.

Mikas 1:1

Ituy ampang nga ipiyaꞌrut it AMPUꞌANG DIYUS it ki Mikas nga taga Moreset pasar it mabetangan it Samaria baw Jerusalem, iyan timpu it nakapagꞌadiꞌ duꞌun it Juda nga si Joatam, si Acaz, baw si Ezequias.

Mateo 11:7

Pagkagaring it mga alagad ngayti ni Juan, may inaat ni Jesus it kadaklan ngaytit mga taw pasar it ki Juan. Maat ya, “Iyan namagpaꞌaduꞌun kamu it ki Juan duꞌun it rugar nga kapupuyangtan, unuy pagtulusun mi duꞌun? Taw nga alang-alang, nga subuk rabung nga magduyug-duyug ka pagpesagen it deres? Simpri ega.

Mateo 26:3

Kat iti ngayting timpu, duꞌun it balay it Piyakamataꞌas nga Sasirduti nga si Caifas, tingped duꞌun i mga pagbayaꞌen it mga sasirduti baw mga mataꞌas nga ginuꞌu.

Marcos 1:2

Nagpapuꞌun tu it iyan natuman i isiyurat it mga prupitaꞌ it tagnaꞌ, nga magꞌaat, “Yay matuud, may taꞌgen ku nga makauꞌna it imu, ka asikasuun ya i panawan mu.”

Lucas 1:80

Ta, dimnakulaꞌ i waꞌwaꞌ ngayti baw magayen talagay adat ya. Iyan ustuꞌ na kanya, duꞌun nay taꞌid-taꞌid ya it rugar nga kapupuyangtan, seked it aldaw nga papuꞌun na kanya nga mangadal nat mga kabanwa ya nga mga tungtung-inapuꞌ ni Israel.

Juan 1:23

Pagtubag siꞌ ni Juan ngayti, may siyangpit ya nga isiyugid it esang prupitaꞌ it tagnaꞌ nga si Isaias, nga magꞌaat, “Aku ngaytu, kaꞌalimbawaan ku, esang gaꞌmaran nga magkagnegan duꞌun it rugar nga kapupuyangtan, nga magꞌaat i pagꞌaaten, ‘Gayen-gayenen mi i dalan nga panawan it Ampuꞌan.’”

Juan 18:24

Ta it magtulus paꞌ sirat ikadimanda nira kuntraꞌ it ki Jesus, ipiyatindak na ni Anas si Jesus ngayti, nga pagbabayukun naga, duꞌun it ki Caifas ngayti nga Piyakamataꞌas nga Sasirduti.

Mga Binwat 4:6

Kaꞌuyutan nira naga, si Anas nga Piyakamataꞌas nga Sasirduti, si Caifas, si Juan, si Alejandro baw beken nga mga kaduguꞌan ni Anas ngayti.