Lucas 3:1 - Tagbanwa

¹ Ta it naꞌlay nang timpu, naꞌbut nay ikasang puluꞌ baw lima nga taꞌun i pagꞌimpiradur ni Tiberio. Si Poncio Pilato i gubirnadur it Judea. Si Herodes i adiꞌ duꞌun it Galilea baw sulsug ya nga si Felipe i adiꞌ duꞌun it Iturea baw Traconite. Si Lisanias i adiꞌ duꞌun it Abilinia.

Lucas 3:1 Iomraidhean Croise

Mateo 14:1

Kat iti nga timpu, nakaꞌbut duꞌun it adiꞌ ngaytit Galilea nga si Herodes i baritaꞌ sabap it ki Jesus.

Mateo 14:3

Miyampang si Herodes it atkayti sabap tagnaꞌ, kanya nagay nagpadakep, nagpabayuk baw nagpapirisu it ki Juan, sabap it ki Herodias nga asawa ni Felipe nga sulsug ni Herodes ngayti.

Mateo 14:6

Takaꞌ iyan naꞌbut siꞌ i kaꞌaldawan ni Herodes, miyayliꞌ duꞌun it adapan it mga taw nga inimbitar i babay nga anak ni Herodias ngayti, nga anak naga ni Felipe. Talagang siyagyaan nga banar ni Herodes.

Mateo 22:17

Ta, unu beteꞌ i imu nga kat nakem? Unu, uyun duꞌun it ipiyagꞌurdin ni Moises nga mayad it barayadan nga ipagpabayad it Romano ngayting Impiradur nga magsasakep it aten? Unu yan, mapakay u ega?”

Mateo 27:2

Bawnga biyayuk nira si Jesus, ka tiyaban nira duꞌun it ki Pilato nga gubirnadur nga Romano.

Marcos 6:17

Miyampang si Herodes it atkayti sabap tagnaꞌ, kanya nagay nagpadakep, nagpabayuk baw nagpapirisu it ki Juan, sabap it ki Herodias nga asawa ni Felipe nga sulsug ni Herodes ngayti. Ka inagaw ni Herodes i ipag ya ngayti.

Marcos 6:21

Temed may timpu nga nakarugar si Herodias, iyan kaꞌaldawan na ni Herodes. Inimbitar ni Herodes ngayti nga pakikaraꞌnen i mga katimbang ya, mga pagbayaꞌen it sundaluꞌ ya baw mga taw nga matataꞌas nga duguꞌ duꞌun it Galilea.

Lucas 13:31

Bawnga may miyabut nga mga Pariseo. Maat nira it ki Jesus, “Magliꞌid ka na situt rugar ngaytu ka ipagpaꞌimatay kaytu ni Herodes.”

Lucas 2:1

Kat iting timpu, ipiyagꞌurdin it Romano nga Impiradur nga si Agusto nga sinsusun i muꞌsang taw nga sakep it Roma.

Lucas 23:24

Aypaꞌ ka napikir ni Pilato nga paꞌuyunan ya na lamang i kaꞌirgan it mga taw ngayti.

Lucas 3:19

Ega desang mga taw ngayti i pagraparan ni Juan, in daꞌga pati adiꞌ it Galilea nga si Herodes. Ka pagsardawun ya si Herodes ngayti sabap it inagaw ya i ipag ya nga si Herodias, nga asawa it sulsug yang si Felipe, baw beken paꞌ nga karaꞌe-raꞌetan nga pagbuwaten ya.

Lucas 9:7

Nabaritaꞌan ni Herodes ngayting adiꞌ it Galilea i muꞌsa ngayting bagay pasar it ki Jesus. Nalibeg i pikir ya ka may magꞌaat nga si Jesus ngaytu, barang si Juan naga ngayting uꞌna-uꞌnang namawtis nga naꞌgen it paꞌuliꞌ.

Mga Binwat 23:26

“Kagalang-galang nga Gubirnadur Felix, Aku nga si Claudio Lysias, magpangumusta it imu.

Mga Binwat 24:27

Pagtaꞌlib it duwa nang taꞌun, giyantiyan na kanya. Si Porcio Festo i igiyanti nga gubirnadur. Baw ta, it ireg ni Felix ngayti nga may buwaten ya nga sagyaan it mga Judio, piyataꞌnan ya na lamang si Pablo nga pagpipirisuun paꞌ.

Mga Binwat 26:30

Pagkatupus it iting inaat ni Pablo, timnindeg nay adiꞌ, gubirnadur baw si Bernice ka namagliꞌwan na. Namagtindeg na gasiꞌ i muꞌsang kaꞌibaan nira duꞌun baw namagbelag-belagen na.

Mga Binwat 4:27

Kayti, sini nat Jerusalem ngayni, miyabut nga matuud i inampang ngayti ni David, ka ungayni ga, namagꞌupa-upakaten nga matuud i adiꞌ nga si Herodes baw gubirnadur nga si Poncio Pilato, pati kadakel it mga taw, Judio baw ega Judio, nga kuntraꞌ kat piniliꞌ baw ipiyasiguru mu nga manigsirbi nga si Jesus nga alaid kat muꞌsang kasalaꞌan.