Lucas 24:5 - Tagbanwa

⁵ Namagꞌiꞌlam i mga babay ngayti. Nanluud sira it mamagrurungguk. Bawnga iningkut sirat duwa ngayting lalaki. Maat nira, “Unuka pagtulusun mi i egen situt mga miyatay?

Lucas 24:5 Iomraidhean Croise

Lucas 1:29

Pagkagneg ni Maria, ega nakariꞌe-riꞌeng kanya, baw talagang naliluꞌ kanya it in unuy ireg sugiden it iti nga inampang.

Lucas 24:4

Nalibeg i pikiran nira sabap it iti ngayti. Sakaliꞌ nga may duꞌun nat umid nira nga duwang kataawan nga lalaki nga mamagsilaw nay pakayan.

Lucas 24:6

Ega nay situ nga kanya, sabap inggen na kanya it paꞌuliꞌ. Demdemen mi i ipiyagꞌaat ya ngayat imyu iyan duꞌun ngayan it Galilea.

Mga Binwat 2:24

Talagang nakapaꞌimatay mi si Jesus ngaytu, temed inggen kanyat paꞌuliꞌ it Ampuꞌang Diyus, ka ega mapakay nga mapuꞌgunan kanya it kamataynen.

Hebreo 7:8

Waytu paytu, iyan mga tungtung-inapuꞌ ni Levi nga magpisiꞌ it ikasang puluꞌ nga bagiꞌ duꞌut mga Israelita, may kamataynen nirat kanira. Temed si Melquisedec ngaytu nga timnanggap it ikasang puluꞌ nga bagiꞌ garing duꞌut ki Abraham, subuk egen kanyat egay kaskedan ka ega nakasurat duꞌut kasuratan i pasar it kamataynen ya.

Mga Ipiyalteg 1:18

Egen aku talaga it ega basta-bastang kaꞌgenan. Matuud natay aku temed egen aku naga kayti. Ega naytuy kaskedan it kaꞌgenan ku ngaytu. Talagang kat pamegbeg ku nay keseg it kamataynen baw rugar nga pagꞌaꞌanuꞌan it mga miyatay.

Mga Ipiyalteg 2:8

“Itu gasiꞌ i ibtang mu kat surat nga ipataban duꞌun it manigpamaalaꞌ it mga magpamayaꞌ it aken nga duꞌut Esmirna. Aaten mu nga, ‘Ituy ipagkusugid it iyan kanya nga uꞌna it muꞌsa baw kat sinauryan naga, kanya nga lamang natay temed nagꞌegen nagat paꞌuliꞌ.