Lucas 24:47 - Tagbanwa

⁴⁷ Baw kat ngaran ya, ipangadal kat muꞌsang bangsa, gumaring na situt Jerusalem, nga pasinsiyaen it Ampuꞌang Diyus i kumpur magsinguliꞌ baw indiꞌan na niray kasalaꞌan.

Lucas 24:47 Iomraidhean Croise

Genesis 12:3

Talagang ildawan ku gasiꞌ i kumpur mildaw it imu, temed iyan nga rumaꞌe-raꞌet it imu, ukumanan ku it panrigang sumpa ku. Yay matuud, garing it imu maꞌildawan i muꞌsang bangsat taw situt sinirungat langit.”

Isaias 49:6

Maat it Ampuꞌang Diyus it aken nga manigsirbi ya, “May subraꞌ paꞌ nga mabantug nga ipabwat kut imu, puyra it papaꞌuliꞌen mu ngaytu i mga ipiyaꞌped ku nga mga tungtung-inapuꞌ ni Jacob, nga bangsa nga Israel. Ipatindeg ku ikaw nga bilang tidaw it mga taw nga ega kat bangsa nga Israel, ka maꞌyagan mu i muꞌsang taw situt sinirungat langit pasar it dalan it karibriyan nga gumaring sinit aken.”

Isaias 5:4

Unu paꞌ i mapakay nga buwaten kat kalulwakan ku ngaytu nga subraꞌ paꞌ it nabwat ku? Ta, it buwaꞌ it ubas nga atnang taꞌmis i pagpaꞌbutun ku, arit atnang kaꞌaꞌagsem!

Isaias 52:10

Kat muꞌsa nga bangsa, matantuwan nira i keseg it alima it Ampuꞌang Diyus. Talagang maltegan it muꞌsang taw situt sinirungat langit i panribri nga buwaten ya.

Isaias 52:15

Temed iyan nga malabayan ya i ikabwat ya nga malimpiyuꞌ kat panleteg it Ampuꞌang Diyus i dakel nga bangsa. Sabap it kanya, dakel nga pati adiꞌ i mabebyaꞌ, ka kilalaen na nira i ega ipiyagbaritaꞌ it kanira baw masepsepan nira i ega itiyuturan it kanira.”

Jeremias 31:34

Ega na maat kaꞌilangan paꞌ nga itulduꞌ it maski siyu it mga kabanwa ya, u iꞌaat ya paꞌ it mga sulsug ya nga magꞌaat, ‘Kaꞌilangan nga kilalaen mu i AMPUꞌANG DIYUS.’ Sabap aku, makilalaan nira na nga muꞌsa, ega nay piniliꞌan, mataꞌas nga duguꞌ baw raꞌyat. Sabap ipasinsiya ku nat kanira i karaꞌe-raꞌetan nira baw talagang lipaten ku na i mga kasalaꞌan nira.”

Mateo 28:19

Aypaꞌ buwaten mi, lekpen mi i muꞌsang mga bangsa, nga ipanulduꞌ mit kanira it eꞌres nga panulduꞌ i pasar it Magayeng Baritaꞌ isaꞌun masepsepan nirang banar baw kapasakep it aken it kamatuudan. Bawtisan mi i pasakep ngaytu, kat ngaran it Amaꞌ baw kat Anak baw kat Espiritu Santo.

Mateo 3:2

Ipagsugid yat mga taw, nga magꞌaat, “Singuliꞌan baw indiꞌan mi na i mga kasalaꞌan mi, sabap adeꞌdeng nay kaꞌadiꞌan it Ampuꞌang Diyus.”

Mateo 9:13

Magayen in sepsepen mi i kaꞌulugan it mga sugi-sugid ngaytu it Ampuꞌang Diyus nga magꞌaat, ‘Ireg ku nga magmaꞌildaw kamu. Basta daꞌkamu maꞌildaw, ega ireg kuy mga ipagpanalisi mi nga ipagꞌangut it kapasinsiyaan.’ Ka subung nagat aken. Ega yay inasitu ku, taꞌwagan ku i mga mataldeng, in daꞌga mga makasalaꞌan, nga kaꞌilangan pasakep sira it Ampuꞌang Diyus.”

Lucas 13:34

Bawnga maat ni Jesus, “Kaꞌildaw-ildaw talaga i mga taga Jerusalem! Sira nga pagsariyen it imatay it buntal it batu i mga prupitaꞌ nga pamagpaꞌasanen it kanira it Ampuꞌang Diyus! In pira ku na nga bisis pagpaꞌresan nga taraꞌnaen i mga taw nga taga duꞌun, nga subung it pagtaraꞌna it upa nga pagleꞌge-leꞌgepan ya i mga duduꞌduy ya, temed it ega ireg nira.

Mga Binwat 10:43

Kanya na ngaytu gasiꞌ i ipagpamatuud ngayat muꞌsang mga prupitaꞌ it tagnaꞌ nga magꞌaat i isiyurat nira, in siyu-siyuy mamayaꞌ baw sumarig it kanya, pasinsiyaen i mga kasalaꞌan nira kat buwaten ya nga panribri.”

Mga Binwat 11:18

Pagkagneg it mga magpakidaꞌeg ngaytit ki Pedro, mindek na sirat pakibatir. Iyan siꞌ i binwat nira, biyantug niray Ampuꞌang Diyus. Maamaatan sira, “Ta, in atkayan palan, inildawanan na gasiꞌ it Ampuꞌang Diyus i pati mga taw nga ega Judio, nga masinguliꞌan baw indiꞌan nira i mga kasalaꞌan nira, isaꞌun makanira i kaꞌgenan nga egay kaskedan.”

Mga Binwat 13:46

Temed miyampang na Pablo, duwa ni Bernabe, it may pagmaꞌiseg it nakem nira. Maat nira, “Kaꞌilangan nga kamuy uꞌnang makagneg it ipagpangadal namen ngaytung ampang it Ampuꞌang Diyus. Temed, it atkayan nga pagdaꞌgaen mi ga, subuk pagꞌukumanen mi i sadili mi nga, kamu, ega mapakay nga begayan it kaꞌgenan nga egay kaskedan. Aypaꞌ, kayti, ega na kamu i tulduꞌan namen, in daꞌga sira nga ega Judio.

Mga Binwat 2:38

Tiyubag sira ni Pedro, nga magꞌaat, “Ta, kaꞌilangan, magsinguliꞌ kamu it mga kasalaꞌan mi, baw pabawtis nga magpamatuud it pakilagpit kamu nat ki Jesu-Cristo. Buwaten mi tu isaꞌun mapasinsiya i mga kasalaꞌan mi baw begayan kamu nga pasaruman it Espiritu Santo.

Mga Binwat 20:21

Ipagpamatuud ku kat maski siyu, Judio baw ega Judio, nga kaꞌilangan nirang pagsinguliꞌan duꞌun it Ampuꞌang Diyus i mga kasalaꞌan nira baw mamayaꞌ it Ampuꞌan ta nga si Jesus.

Mga Binwat 26:18

Sira ngaytu nga ega Judio i tulduꞌan mu isaꞌun kamukrat sira ka kayti, subuk beleg sira. Tulduꞌan mu sira isaꞌun kaliꞌwan sirat kadleman it kasalaꞌan baw pamegbeg ni Satanas, ka paꞌugad na sira kat kaꞌyagan nga ibgay it Ampuꞌang Diyus, nga pasakep na sirat kanya. Ka in mamayaꞌ sirang matuud it aken, mapasinsiya i mga kasalaꞌan nira baw makaꞌuyut sira kat mga taw nga piniliꞌ baw ipiyapinpin it Ampuꞌang Diyus nga mga taawan ya.’”

Mga Binwat 26:20

Uꞌnang piyangadalan ku, duꞌun nat Damasco, bawnga duꞌun it Jerusalem. Garing duꞌun liyekep-lekep kuy muꞌsang sakep it Judea bawnga naꞌaduꞌun akut mga banwa it taw nga ega Judio. Ipagpangadal kut kanira nga magsinguliꞌ baw indiꞌan i mga kasalaꞌan nira, ka pasakep nat Ampuꞌang Diyus, bawnga muwat it mga magagayeng buwat nga magpamatuud it sininguliꞌan baw inindiꞌan na niray tagnang buwat nirang ega magayen.

Mga Binwat 28:28

Maat pay paꞌugdun ni Pablo, “Aypaꞌ it atkayan, nga ega kupamayaꞌ i kadaklan it mga Judio, kaꞌilangan matantuwan mi tu, nga duꞌun nat mga taw nga ega Judio i pagtaꞌgan it amen nga mangadal it Magayen ngaytung Baritaꞌ it Ampuꞌang Diyus pasar it karibriyan. Talagang pagsisiguruun ku nga ega dumaꞌga sira.”

Mga Binwat 3:19

Aypaꞌ kayti, magsinguliꞌ kamut kamatuudan baw pasakep kamu nat Ampuꞌang Diyus, isaꞌun mapasinsiya kamu nga maꞌawaꞌ i mga kasalaꞌan mi.

Mga Binwat 4:12

Yay matuud, talagang egay maski siyu nga magkapisiꞌan it karibriyan kat panrigat kasalaꞌan, puyrat ki Jesu-Cristo ngaytu. Ka egay maski siyung beken situt sinirungat langit nga ibinggay it Ampuꞌang Diyus nga magkaribri it aten, in daꞌga kanya lamang ngaytu.”

Mga Binwat 5:31

Pagkaꞌgen it kanya, miyuliꞌ na duꞌun it langit ka binggayan nat Diyus Amaꞌ it ega basta-bastang kataꞌasan duꞌun it iwanan nga ayun ya. Baw kanya na ngaytu i Manigpamegbeg baw Manriribri tami, nga magbegay nat aten nga mga tungtung-inapuꞌ ni Israel nga masinguliꞌan baw indiꞌan i mga kasalaꞌan tami isaꞌun mapasinsiya.

Roma 5:20

Iyan naꞌlay na, ipiyaꞌrut nat Ampuꞌang Diyus i mga urdin ya, isaꞌun subraꞌ nga makilalaan it taw i kadakulat pagranggaꞌ nirat mga urdin ngaytu. Temed maski sang unuy kadakulat kasalaꞌan it taw, subrang-subraꞌ nga magbastanti i ildaw it Ampuꞌang Diyus.

Efeso 1:6

Aypaꞌ ega nay kaskedan it pagbantug tat kanya sabap it ega basta-basta ngaytung ildaw ya nga ibinggay yat begay-matag, nga maꞌaten sabap it binwat ni Jesu-Cristo nga pagmaꞌa-maꞌalen ya nga banar.

Efeso 3:8

Kalililuꞌan talagaytu ka maski piyakatimawaꞌ nga taawan it Ampuꞌang Diyus, akuy timawaꞌ pat kanya. Takaꞌ maski atkayan, kat kadakulat ildaw ya, napakay ya naga aku nga binggayan it itung buwaten, nga ipangadal ku duꞌun it mga taw nga ega Judio i pasar it kagayenan nga magkapisiꞌ duꞌun it ki Cristo, kagayenan nga bastanting-bastanti baw ega pagtaꞌseben it pikiran.

Colosas 1:27

Ituy tagu-taguꞌ nga pabetang-betang nga ipiyaꞌrut ya na, nga mga bangsa it taw nga ega Judio i maꞌildawan ya it daꞌna masugid nga kagayenan. Eeꞌ baꞌ, mapakay na nga kamu na i pagtatakenaꞌan na ni Cristo, nga ituy puꞌun-sabap it kasiguruwan mi it kagayenang tumbas kat pagdadarapaꞌen.

1 Juan 2:12

Pagsuratan ku kamu nga bilang mga anak ku sabap it piyasinsiya na i mga kasalaꞌan mi, ka tiyanggung na ni Jesus duꞌun it krus.