Lucas 24:44 - Tagbanwa

⁴⁴ Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Lucas 24:44 Iomraidhean Croise

Genesis 14:18

Si Melquisedec nga adiꞌ it Salem, kanya gasiꞌ i simnusmut ki Abram. Ega lamang desang adiꞌ si Melquisedec ngayti, in daꞌga sasirduti paꞌ kanya it Ampuꞌang Diyus nga Piyakamataꞌas. Taban yat simnusmu, pangaꞌen nga tinapay baw may pagꞌimnun gasiꞌ.

Genesis 22:18

Baw manggaring kat mga tungtung-inapuꞌ mu, maꞌildawan i muꞌsang bangsa situt sinirungat langit, sabap siyunud mu i inaat ku it imu.”

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Isaias 52:13

Maat it Ampuꞌang Diyus, “Iyan manigsirbi ku, talaga nga may lapusan it unu-unu nga pagbuwaten ya. Egay makasbung it kanya nga pagdaya-dayawun baw pagbantu-bantugun.

Isaias 7:14

Aypaꞌ AMPUꞌANG DIYUS na ngaytu i megay it imyu it imandaꞌan, imandꞌan nga dumarugmatiꞌ i esang babay nga ega paꞌ naglabay it lalaki. Sumakit nga anak ya, lalaki. Emmanuel i ipangaran it kanya.”

Isaias 9:6

Sabap ipiyanganak situt aten i esang waꞌwaꞌ. Ipiyagbegay i itung lalaki kat ikagayen tami. Kanya na i mamaalaꞌ it aten. Kanya ngaytu, kilalaen nga “Kalililuꞌan nga Manigpadisir,” “Ampuꞌang Diyus nga Gunaan,” “Amaꞌ tami nga Egay Pinꞌunan, Egay Kaskedan,” baw “Manigpamegbeg nga Magbegay it Kamatuudan nga Kaꞌimbengan.”

Jeremias 23:5

“Kat pagdadarapaꞌen nga timpu,” maat it AMPUꞌANG DIYUS, “pabaraꞌen ku nga may limiꞌwan kat kaduguꞌ-duguꞌan it adiꞌ nga si David nga esa nga mataldeng kat panleteg ku. Rumraan ku kanya kat pagkaꞌadiꞌ baw manggayen nga banar i pagꞌadiꞌ ya. Kat muꞌsang rugar pangukuman nga mataldeng baw purus tamaꞌ i ipapanaw ya.

Daniel 2:44

Kat timpu it mga adiꞌ it ikaꞌpat ngaytu nga kaꞌadiꞌan, iyan Ampuꞌang Diyus nga duꞌut langit nga magbebegbeg it muꞌsa, patindeg kanyat kaꞌadiꞌan nga egay karanggaꞌan ya seked it kaꞌnu-kaꞌnu, baw egay maski siyu nga makasakep kaytu. Baw mabut nga ranggaꞌen yay beken ngaytu nga mga kaꞌadiꞌan, temed ega talagay kaꞌawaꞌan it itu ngaytung kaꞌadiꞌan nga ipatindeg it Ampuꞌang Diyus.

Zacarias 9:9

Sumagya kamu nga sumagya, mga taga Sion. Igaꞌuy-gaꞌuy mi i kasagyaan mi, mga taga Jerusalem. Sabap magdadarapaꞌ na i magꞌadiꞌ situt imyu. Mataldeng kanya nga ruyut baw pirmi nga pagtabangen it Ampuꞌang Diyus isaꞌun mandaꞌeg. Mapiyalulus kanya baw kabayuꞌ nga asno i pagsasakayan ya, esang uꞌuybun nga uꞌuybun it asno.

Mga Bilang 21:8

Maat i tubag it AMPUꞌANG DIYUS, “Muwat ka it ipasbung mu it dukul. Tumbaga i buwaten mu. Bawnga iꞌasan mu it kayu nga ipatindeg mu. Ta, siyu-siyuy matundaꞌ it mga dukul ngayan, timingaraꞌ lamang duꞌun, ega nayan matay.”

Mateo 1:22

Nagꞌabut tuy muꞌsa ngaytu isaꞌun matuman i ipiyasugid it Ampuꞌang Diyus it esang prupitaꞌ, nga magꞌaat,

Mateo 16:21

Ta garing sikayti, ipiyapuꞌun na ni Jesus it paꞌrut it mga alagad ya nga kaꞌilangan nga paꞌaduꞌun kanya it Jerusalem. Labayen yay dakel-dakel na nga kakuriꞌan nga subraꞌ na kat alima it mga mataꞌas nga ginuꞌu, mga pagbayaꞌen it sasirduti baw kat mga manigpaꞌyag it urdin, langkuy imatayen nira kanya. Temed pagꞌikatlung aldaw, maꞌgen naga kanya it paꞌuliꞌ.

Mateo 26:54

Temed in angutun ku nga tabangen, magꞌuꞌunu matuman i duꞌun it mga isiyurat nga ampang it Ampuꞌang Diyus, nga magsugid nga talagang magꞌabut i atkaytu ngaytu?”

Mateo 26:56

Temed nagꞌabut tuy atkaytu isaꞌun matuman i isiyurat it mga prupitaꞌ nga ipiyaꞌampang it kanira.” Egay beken, nagsigpalagyu nay mga alagad ngayti. Tiyananan na kanya.

Marcos 9:31

sabap pagtulduꞌan yay mga alagad ya. Maat ya, “Magꞌabut talaga nga subuk idagang aku nga Taga Langit nga Ipiyanganak it Taw. Ipaꞌalima aku duꞌun it mga punuꞌan, ka imatayen nira aku. Temed magꞌegen aku nagat paꞌuliꞌ, pagꞌikatlung aldaw.”

Lucas 21:22

Sabap naꞌrutan mi na nga miyabut nay timpu nga pagtuman it muꞌsang ipiyagsasar nga panriga nga magbebtang duꞌun it magsusurat nga ampang it Ampuꞌang Diyus, pasar it Jerusalem ngaytu.

Lucas 22:37

Sabap ipagꞌaat kut imyu nga matuman situt aken i pagꞌaaten it kasuratan ngayan nga magꞌaat, ‘Ipiyabetang kanya nga kaꞌuyutan it mga mamagbuwat it karaꞌe-raꞌetan.’ Sabap iyan mga magsusurat nga pasar it aken, magkatuman na.”

Lucas 24:46

Maat ya, “Magꞌaat ngayan i isiyurat, nga kaꞌilangan nga lumabay it kakuriꞌan baw matay i Cristo, baw pagꞌikatlung aldaw magꞌegen naga it paꞌuliꞌ.

Lucas 9:22

Baw maat pay beken nga ipiyagꞌaat ni Jesus it mga alagad ya, “Aku nga Taga Langit nga Ipiyanganak it Taw, dakel-dakel nga kakuriꞌan i malabayan ku. Tibabaꞌen aku it mga mataꞌas nga ginuꞌu, mga pagbayaꞌen it sasirduti baw mga manigpaꞌyag it urdin, baw imatayen aku paꞌ. Temed ikatlung aldaw, egnen aku naga it paꞌuliꞌ.”

Lucas 9:44

“Dedemdemen mi tu it magayen i iꞌaat ku ngaytut imyu. Magꞌabut talaga nga subuk idagang aku nga Taga Langit nga Ipiyanganak it Taw. Ipaꞌalima aku duꞌun it mga punuꞌan.”

Juan 3:14

Baw in magꞌuꞌunu ipiyadibwat ni Moises i binwat ya nga subuk dukul duꞌut rugar nga kapupuyangtan, nga idiyuꞌun yat ipiyatindeg ya nga kayu, magꞌaꞌatkayan naga yan i buwaten it aken nga Taga Langit nga Ipiyanganak it Taw. Iransang nira aku duꞌut krus bawnga ipadibwat nira naga subuk dukul ngayting binwat.

Juan 5:39

Talagang ubus suliꞌen, suliꞌen mi i ampang it Ampuꞌang Diyus kat mga kasuratan mi, ka pagsisiguruun mi nga maparagan mi duꞌun in magꞌuꞌunu maꞌimyu i kaꞌgenan nga egay kaskedan. Takaꞌ mga itu ngaytu, magpamatuud lamang tu pasar it aken.

Juan 5:46

In maat pagpamayaꞌnen mi si Moises, kaꞌilangan sana aku, pamayaꞌnen mi naga gasiꞌ, sabap mga isiyurat ya, aku talagay pagpaꞌiguꞌan.

Mga Binwat 13:33

Talagang tiyuman ya na kayti nga timpu, aten na ngaytu, kita nga mga tungtung-inapuꞌ nira. Ka ipiyatindeg ya si Jesus nga Manriribri ta. Ituy pagpapuntuꞌan it isiyurat ngayan duꞌun it pagpangaranan it Mga Awit, nga magꞌaat i ikadwa ya, ‘Kayti, ipagpatandaꞌ ku nga Anak kuytu ikaw. Akuy Amaꞌ mu.’

Mga Binwat 13:40

Aypaꞌ magꞌintur kamu isaꞌun ega malabayan mi i inaat duꞌun it kasuratan it mga prupitaꞌ,

Mga Binwat 2:27

ega tananan muy kiyarurwa ku duꞌun it pagꞌaꞌanuꞌan it mga miyatay. Ega pataꞌnan mu nga marunut duꞌut lebeng i bilug ku, aku nga magsunud nga pirmi it kaꞌirgan mu.

Mga Binwat 3:18

Temed kat binwat mi ngaytu, tiyuman it Ampuꞌang Diyus i ipiyanakem yat mga prupitaꞌ it tagnaꞌ nga ipagpaꞌrut yat katataawan, nga maat, pakuriꞌan nagat mga taw i Cristo nga Manriribring Adiꞌ nga isiyanggup ya.

Mga Binwat 7:37

Baw si Moises naga ngayti i nagsugid kat mga kagiyaringanan ta nga maat ya, ‘Mabut i aldaw nga may ipatindeg it Ampuꞌang Diyus kat mga kabilug mi nga esang Prupitaꞌ nga subung nagat aken.’

Hebreo 10:1

Iyan mga urdin nga ipiyaꞌalimat Ampuꞌang Diyus duꞌun it mga Judio, egaytu ikapisiꞌ it mga magagayeng bagay nga magꞌaꞌabut. Iyan mga bagay nga magkapisiꞌ it urdin, bilang aninu lamang it magꞌaꞌabut ngaytu. Ka iyan mga ramu-ramu nga ipagpanalisi nira it taꞌun-taꞌun, nga ipagꞌangut it kapasinsiyaan, egaytu magkaparaw it kasalaꞌan it mga magpandangep ngaytu duꞌut Ampuꞌang Diyus.

Hebreo 3:5

Talagang, si Moises, magayen i pagsirbi ya kat pamalay-balay it Ampuꞌang Diyus. Temed, kabilangan ya, manigsirbi lamang kat pamalay-balay ngayti. Ta, yan buwat ya, desa lamang nga ladawan it mga bagay nga ipaꞌrut it Ampuꞌang Diyus kat pagdadarapaꞌen.

Hebreo 7:1

Ka ituꞌun, si Melquisedec ngaytu, adiꞌ tu duꞌun it Salem it timpu paꞌ ni Abraham, baw sasirduti paꞌ it Ampuꞌang Diyus nga Subrang Piyakamataꞌas. Kanya na ngaytu i simnusmu it kana Abraham nga mamagꞌuliꞌ na i garing miyusig it mga adiꞌ nga nanrumpak. Pagkasusmu yat ki Abraham miyampang kanyat ampang nga paꞌildaw isaꞌun ildawan si Abraham ngayti it Ampuꞌang Diyus.

Hebreo 9:8

Kat atkayti nga kaꞌayusan talagang maꞌyag nga ipagsugid it Espiritu Santo nga tagnaꞌ, basta sakep paꞌ sira it mga urdin it uꞌnang pakiꞌupakat, ega talaga mapakay semled i taw duꞌut adapan it Ampuꞌang Diyus. Sabap kat tagnaꞌ ngayting papagsambaan nira, ega magkasled i mga taw duꞌun it Subraꞌ Na nga Ega Na Babasta-bastaeng Seled.

1 Pedro 1:11

Ka ireg nirang ireg matantuwan in kaꞌnung timpu baw in magꞌuꞌunu-unuytu magꞌabut i mga bagay nga ipiyagpasugid it kanira it Espiritu Santo ni Cristo. Sabap egay beken nga pagpaꞌiguꞌan it mga ipiyagpasugid ngayti, mga malabayan ni Cristo nga kakuriꞌan bawnga kabantugan nga liꞌwan ya.

Mga Ipiyalteg 19:10

Pagkagneg ku, nanluud aku duꞌun it sarungaan it magpakisugi-sugid ngaytit aken, ka sambaen ku kanya. Temed maat yat aken, “Ayaw! Ega mu buwaten i atkayan. Kaꞌilangan Ampuꞌang Diyus lamang i sambaen mu. Ka aku, manigsirbi ya gasiꞌ subung it imu baw subung it mga sulsug mu kat pamayaꞌ, sira nga magpamatuud it panulduꞌ nga ipiyaꞌrut ni Jesus. Sabap kamatuudan ngayting ipiyaꞌrut ni Jesus, itu nay pagpatalandagan it ampang it mga prupitaꞌ.”