Lucas 24:26 - Tagbanwa

²⁶ Ka daꞌga baꞌ maꞌyag kat mga isiyugid nira nga iyan Cristo ngaytu nga maat mi, pagpapaꞌbutun mi, kaꞌilangan nga labayen yay itu ngaytung mga kakuriꞌan nga magkasmekan mi, bawnga matanggap yay ega basta-bastang kabantugan ya?”

Lucas 24:26 Iomraidhean Croise

Genesis 22:6

Ipiyapasaꞌan ni Abraham it ki Isaac i kayu ngayting iduꞌput. Kanyang singkel, apuy baw yuꞌgut. Namagpanaw na sira.

Lucas 24:44

Bawnga inaat ni Jesus i mga alagad ya ngayti, maat ya, “Itu naytu i pagpaꞌiguꞌan ku it inaat ku it iyan magbaya-bayaꞌen tami paꞌ ngayan. Daꞌga basaꞌan maat ku nga kaꞌilangan nga matuman i muꞌsang isiyurat duꞌun it ampang it Ampuꞌang Diyus nga akuy pagpaꞌiguꞌan, muꞌsa ngayan nga ipiyasurat it ki Moises baw mga prupitaꞌ baw duꞌun it kasuratan nga pagpangaranat Mga Awit?”

Lucas 24:46

Maat ya, “Magꞌaat ngayan i isiyurat, nga kaꞌilangan nga lumabay it kakuriꞌan baw matay i Cristo, baw pagꞌikatlung aldaw magꞌegen naga it paꞌuliꞌ.

Lucas 24:7

Daꞌga baꞌ maat ya ngayan basaꞌan, ‘Kaꞌilangan nga ipaꞌalima i Taga Langit nga Ipiyanganak it Taw duꞌun it mga taw nga makasalaꞌan, ka iransang nira duꞌun it krus. Temed pagꞌikatlung aldaw maꞌgen naga it paꞌuliꞌ.’”

Juan 2:22

Aypaꞌ ka pagꞌegen ni Jesus it paꞌuliꞌ, nademdeman it mga alagad ya ngayti i iti nga inampang ya. Duꞌun sira namayaꞌ nga banar it mga magbebtang duꞌun it mga kasuratang ampang it Ampuꞌang Diyus baw mga inampang gasiꞌ ni Jesus.

Juan 20:9

(Ega paꞌ magkasepsepan niray duꞌun it kasuratan, nga magbebtang duꞌun nga magꞌaat, kaꞌilangan magꞌegen nagat paꞌuliꞌ si Jesus.)

Mga Binwat 17:3

Ipiyagpaꞌyag ya i magbebtang duꞌun, nga kaꞌilangan maꞌimatay baw maꞌgen it paꞌuliꞌ i Cristo ngayting Manriribring Adiꞌ nga isiyanggup it Ampuꞌang Diyus. Baw ipiyagꞌaat ya pang beken it kanira, nga maat ya, “Si Jesus na ngaytu nga ipagpangadal kut imyu, kanya na ngaytu i Cristo nga paꞌaaten.”

Hebreo 12:2

Kaꞌilangan, subuk ega lisuꞌun i seyek tami duꞌun it ki Jesus, nga kanya i nagpalteg it aten nga muꞌsa in magꞌuꞌunu i kaꞌustuꞌan baw egay kasbung nga pagsarig baw pamayaꞌ duꞌun it Ampuꞌang Diyus. Biyaliwalaꞌ ya lamang i kadakulat kaꞌeyaꞌan it kamataynen ya duꞌut krus ka yay ipagpadaꞌeg ya nga pirmi kat nakem ya, ega basta-bastang kasagyaan nga makanya duꞌun it langit. Ta kayti, magꞌaꞌdung na kanya kat iwanang ayun it araꞌdungan it pagkaꞌadiꞌ it Ampuꞌang Diyus.

1 Pedro 1:11

Ka ireg nirang ireg matantuwan in kaꞌnung timpu baw in magꞌuꞌunu-unuytu magꞌabut i mga bagay nga ipiyagpasugid it kanira it Espiritu Santo ni Cristo. Sabap egay beken nga pagpaꞌiguꞌan it mga ipiyagpasugid ngayti, mga malabayan ni Cristo nga kakuriꞌan bawnga kabantugan nga liꞌwan ya.

1 Pedro 1:3

Kayti, bantugun tami nga muꞌsa i Ampuꞌang Diyus, nga Amaꞌ it Ampuꞌan tami nga si Jesu-Cristo! Sabap natantuwan ta nga, kat kadakulat ildaw yat aten, bilang ipiyanganak ta kayti it sumaꞌup baw siguradu na talagay pagꞌiꞌinawaren tami nga kagayenan. Ildaw ya ngaytu, siguraduytu sabap duꞌun it pagkaꞌgen ni Jesu-Cristo it paꞌuliꞌ.