Lucas 24:11 - Tagbanwa

¹¹ Temed tanud tu it mga alagad, pagsugiden it mga babay ngayti, pagbuwat-buwaten nira lamang. Aypaꞌ ka daꞌsira magpakimatuud.

Lucas 24:11 Iomraidhean Croise

Genesis 19:14

Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.

Marcos 16:11

Temed daꞌsira magpamayaꞌ it pagsugiden ngayti ni Maria nga egen siꞌ si Jesus, nagpakikita nat kanya.

Marcos 16:13

Nagpaꞌuliꞌ duꞌut Jerusalem i duwa ngayti ka isiyugid duꞌut mga kaꞌibaan nira i naꞌanuꞌan nira ngaytit magpanaw. Temed maski sira ngayti, daꞌsira pagpamayaꞌnen.

Marcos 16:14

Baw siꞌ nga nagpakikita na si Jesus it sang puluꞌ may esa ngayti nga mga alagad ya. Mamagkaꞌen i tiyakaꞌ ya. Siyardaw ya sira sabap kurang pay pamayaꞌ nira, baw sabap it kadsen it ulu nira nga daꞌsira ngayti magpamayaꞌ it mga piyakikitaan ya, pagꞌegen ya na ngaytit paꞌuliꞌ.

Lucas 24:25

Mampang si Jesus, maat yat kanira, “Abaa, kadsen it ulu mi ngaytu! Subuk ega paꞌ magkaꞌbut it pikir mi ka ega pagpakimatuudun mi i kapuꞌsaan it ipagꞌaat it mga prupitaꞌ.

Lucas 24:41

Temed ta, it subraꞌ na kat nakem nira i kasagyaan baw kaliluꞌ ka barang si Jesus tu nga matuud, aypaꞌ ka subuk daꞌga paꞌ sira magkapamayaꞌ. Aypaꞌ iningkut sira ni Jesus, nga magꞌaat, “Unu, may situ paꞌ nga makaꞌen ku?”

Mga Binwat 12:9

Dimnasun na si Pedro it nanliꞌwan. Tanu-tanud ya ega matuud i miyabut ngaytit kanya nga tabang it anghil ngayti. “Barang”, maat ya, “tagaynep ku lamang tu.”