Lucas 23:9 - Tagbanwa

⁹ Aypaꞌ ka ubus ingkutun, ingkutun ya si Jesus ngayti. Temed egay maski sang tagaꞌ nga tubag ni Jesus.

Lucas 23:9 Iomraidhean Croise

Isaias 53:7

Talagang piyabastantiyan kanya it pasakit baw pakuriꞌ, temed egay daꞌawa ya nga maski sang tagaꞌ. Mapiyalulus kanya nga subung it tupa nga pagtabanen na duꞌun it iꞌimatayan ka karniꞌen. Subung kanya gasiꞌ it uꞌuybun it tupa nga egay riꞌe-riꞌeng maski buꞌlugan. Ka kanya, ega nabngaꞌ i baꞌbaꞌ ya it maski sang tagaꞌ nga pamasul.

Mateo 27:12

Temed iyan pagꞌusayen na it mga pagbayaꞌen it mga sasirduti baw mga mataꞌas nga ginuꞌu i nasalaꞌan nirat ki Jesus, ega na timnubag kanya.

Mateo 27:14

Temed maski tetet, egay tetet ni Jesus, aypaꞌ naliluꞌ i gubirnadur ngayti.

Mateo 7:6

Bawnga ipiyanulduꞌ ni Jesus nga ega tegelan it tumulduꞌ i mga taw nga magtibabaꞌ it ampang it Ampuꞌang Diyus, ka daꞌsira kupagneg. Maat ya, “Iyan ega ibgay mit mga keꞌdeng i bagay nga ega basta-basta, sabap pasaꞌliyan kamu lamang baw kagaten nira. Ega gasiꞌ isaꞌbug mi duꞌut adapan it mga beyeꞌ i mga kararasan nga marerga nga baliꞌeg mi, sabap tegday-tegdayan nira lamang yan i mga iyan ngayan.”

Marcos 15:5

Temed ega timnubag si Jesus, aypaꞌ ka naliluꞌ si Pilato.

Lucas 13:32

Katubag si Jesus, maat ya, “Paꞌaduꞌun kamu it adiꞌ ngayting si Herodes, nga kabilangan ya, mapiyangakal nga pasla. Isugid mit kanya nga daꞌku mapaiꞌlam ya nga maat limꞌid aku situ it paꞌereg-ereg. Ipasigi ku nagaytuy buwaten ku nga magpangimugaw it maraꞌe-raꞌet baw magpagayen it mga magsarut, ka may timpu ku paꞌ maski ega na maꞌlay. Bawnga mabut talaga nga natuman ku nay muꞌsa.

Lucas 23:10

Mga pagbayaꞌen ngaytit sasirduti baw mga manigpaꞌyag it urdin, duꞌun naga. Baw talagang ipagpadaꞌeg na nira, nga sigi-sigi na nga paliꞌwan nirat mga bagay nga nasalaꞌan nirat ki Jesus ngayti.

Juan 19:9

Piyabayaꞌ ya si Jesus it siminled siꞌ kanyat sumaꞌup baw iningkut ya siꞌ si Jesus ngayti. Maat ya, “Taga ari ka baytu?” Temed ega tiyubag kanya ni Jesus.

Mga Binwat 8:32

Ituy naꞌbutan ni Felipe nga pagbasaen it taga Etiope ngayti, isiyurat ngaytu ni Isaias nga magꞌaat, “Mapiyalulus kanya, nga subung it tupa nga pagtabanen na duꞌun it iꞌimatayan ka karniꞌen. Subung kanya gasiꞌ it uꞌuybun it tupa nga egay riꞌe-riꞌeng maski buꞌlugan. Ka kanya, ega nabngaꞌ i baꞌbaꞌ ya it maski sang tagaꞌ nga pamasul.

1 Pedro 2:23

Ka iyan diniyampaꞌ kanya, piyataꞌnan ya lamang. Iyan piyakuriꞌan na kanya, ega nabngaꞌ i baꞌbaꞌ yat “Sadi na!”. Ipiyataꞌan ya lamang duꞌun it Ampuꞌang Diyus, kanya nga ega basta-bastang Manigꞌukuman nga mataldeng.