Lucas 23:7 - Tagbanwa

⁷ Ta, it naꞌrutan ni Pilato nga taga duꞌun it pagsasakpan it adiꞌ nga si Herodes, egay beken, ipiyataban ya duꞌut kanya si Jesus, sabap kat iting timpu duꞌun gasiꞌ it Jerusalem si Herodes ngayti.

Lucas 23:7 Iomraidhean Croise

Mateo 14:1

Kat iti nga timpu, nakaꞌbut duꞌun it adiꞌ ngaytit Galilea nga si Herodes i baritaꞌ sabap it ki Jesus.

Mateo 14:3

Miyampang si Herodes it atkayti sabap tagnaꞌ, kanya nagay nagpadakep, nagpabayuk baw nagpapirisu it ki Juan, sabap it ki Herodias nga asawa ni Felipe nga sulsug ni Herodes ngayti.

Mateo 14:6

Takaꞌ iyan naꞌbut siꞌ i kaꞌaldawan ni Herodes, miyayliꞌ duꞌun it adapan it mga taw nga inimbitar i babay nga anak ni Herodias ngayti, nga anak naga ni Felipe. Talagang siyagyaan nga banar ni Herodes.

Marcos 6:14

Nakaꞌbut duꞌun it adiꞌ ngaytit Galilea nga si Herodes i baritaꞌ pasar it ki Jesus, ka pagdaya-dayawun nay iti nga ngaran. May magꞌaat nga, “Si Juan naga ngayan bayang namawtis! Naꞌgen naga yan it paꞌuliꞌ, aypaꞌ yan ka magkabwat it mga kalililuꞌan ngayang bagay.”

Lucas 13:31

Bawnga may miyabut nga mga Pariseo. Maat nira it ki Jesus, “Magliꞌid ka na situt rugar ngaytu ka ipagpaꞌimatay kaytu ni Herodes.”

Lucas 23:6

Pagkagneg ni Pilato, “Ay unu,” maat ya, “taga Galilea kanya?”

Lucas 3:1

Ta it naꞌlay nang timpu, naꞌbut nay ikasang puluꞌ baw lima nga taꞌun i pagꞌimpiradur ni Tiberio. Si Poncio Pilato i gubirnadur it Judea. Si Herodes i adiꞌ duꞌun it Galilea baw sulsug ya nga si Felipe i adiꞌ duꞌun it Iturea baw Traconite. Si Lisanias i adiꞌ duꞌun it Abilinia.

Lucas 9:7

Nabaritaꞌan ni Herodes ngayting adiꞌ it Galilea i muꞌsa ngayting bagay pasar it ki Jesus. Nalibeg i pikir ya ka may magꞌaat nga si Jesus ngaytu, barang si Juan naga ngayting uꞌna-uꞌnang namawtis nga naꞌgen it paꞌuliꞌ.

Mga Binwat 4:27

Kayti, sini nat Jerusalem ngayni, miyabut nga matuud i inampang ngayti ni David, ka ungayni ga, namagꞌupa-upakaten nga matuud i adiꞌ nga si Herodes baw gubirnadur nga si Poncio Pilato, pati kadakel it mga taw, Judio baw ega Judio, nga kuntraꞌ kat piniliꞌ baw ipiyasiguru mu nga manigsirbi nga si Jesus nga alaid kat muꞌsang kasalaꞌan.