Lucas 23:5 - Tagbanwa

⁵ Temed ipagpadaꞌeg nira, nga magꞌaat, “Talagang kat ipagpangadal ya ngayan, pagpaꞌulu-uluwan yay katataawan kat muꞌsang banwa nameng mga Judio nga kuntraꞌen i gubirnu. Piyapuꞌnan yat buwat ya ngaytu, duꞌun it Galilea. Kayti unupat situ naytu.”

Lucas 23:5 Iomraidhean Croise

Mateo 11:1

Pagkatupus ni Jesus it kumpur ipagkuꞌaat ya it sang puluꞌ may duwa ngayting mga alagad ya nga papanawun ya ngayti, napanaw na si Jesus it kanya ka mangadal siꞌ duꞌun it mga lansangan nga adeꞌdeng duꞌun.

Mateo 2:1

Piyanganakan it ki Jesus ngayti, duꞌun it Betlehem nga sakep it Judea, timpu nga si Herodes i adiꞌ nga magsasakep duꞌun. Ega naꞌlay nga timpu, may miyabut duꞌun it Jerusalem nga mga mapipikir nga mga mamimintuꞌ, nga garing kat lebatan nga ayun.

Mateo 27:24

Iyan namuyaan ni Pilato nga egay magkabwat ya, in daꞌga subraꞌ nang magkagulu i mga taw ngayti, nagpapisiꞌ kanyat danum bawnga nangugas kanya it alima ya duꞌun it sarungaan it kadakel ngayti. Miyampang kanya nga magꞌaat, “Limpiyuꞌ nay aken nga alima. Iyan egay aken nga uyu-uyut it kamataynen it itung taw. Baalaꞌ kamu!”

Mateo 4:23

Ta, it magpangadal na ngayti si Jesus, liyekep-lekep yay rugar it Galilea ngayti. Magpanulduꞌ kanya duꞌut mga papagsambaan, nga ipagpanulduꞌ ya i Magayen nga Baritaꞌ sabap it kaꞌadiꞌan it Ampuꞌang Diyus. Pagpagayenen ya gasiꞌ i mga taw kat in unu nga sarut nira.

Marcos 1:14

Iyan pinirisu na si Juan, miyuliꞌ na si Jesus duꞌun it Galilea. Ipiyangadal ya duꞌun i Magayeng Baritaꞌ nga garing duꞌun it Ampuꞌang Diyus.

Lucas 11:53

Ta, garing sikayti, talagang miyereꞌeret na nga banar i iseg it mga manigpaꞌyag it urdin baw mga Pariseo. Aypaꞌ ka pagkagaring ni Jesus duꞌut balay ngayti, pagsariyen na kanyat ingkut pasar it dakel-dakel na nga mga bagay.

Lucas 23:23

Temed atgat giyaw-giyaw i mga taw ngayti. Ipagpadaꞌeg nira nga talagang kaꞌilangan iransang si Jesus duꞌun it krus. Ta, it atkayti na, nandaꞌeg na sira.

Lucas 23:6

Pagkagneg ni Pilato, “Ay unu,” maat ya, “taga Galilea kanya?”

Juan 1:43

Pagꞌaldaw siꞌ, napikir ni Jesus nga paGalilea. Parabir napanaw tiyulus ya daꞌan i esang taw nga pagpangaranat ki Felipe, nga taga Betsaida, nga kabanwa na Andres duwa ni Simon ngayti. Pagkaparag ya inaat ya, “Felipe, mayaꞌ kat aken ka alagad ku na ikaw.”

Juan 19:15

Gimnaꞌuy siꞌ i mga Judio ngayti, nga magꞌaat, “Ega nayan egnen! Imatayen nayan! Iransang yan duꞌun it krus!” “Unu,” maat ni Pilato, “iparansang ku duꞌun it krus i Adiꞌ mi ngaytu?” “Egay adiꞌ namen nga beken, in daꞌga Impiradur lamang,” maat siꞌ it mga pagbayaꞌen ngaytit sasirduti.

Juan 2:11

Itu ngaytu nga binwat ni Jesus duꞌun it Cana nga sakep it Galilea, uꞌnaytu nga tandaꞌanan nga kalililuꞌang bagay nga binwat ya. Baw binwat ya ngaytu, ipiyagpamatuud it kabantugan ya, baw liꞌwan ya, namayaꞌ nat kanya i mga alagad ya ngayti.

Juan 7:41

Iyan kat beken, maat nira, “Itu na baytuy Cristo ngayang Manriribring Adiꞌ nga isiyanggup it Ampuꞌang Diyus.” Temed iyan kat beken, maat nira gasiꞌ, “Ta unu bayan, duꞌut Galilea i garingan it Adiꞌ ngayan?

Juan 7:52

“Aa bilaꞌ,” maat i tubag it mga kaꞌibaan ya ngayti. “Unuytu? Unu, pati ikaw, esa nagat mga sisindiren ngayting taga Galilea? Saꞌup-saꞌupun mut masa i mga kasuratan tami, mamuyaan mu yan asan nga egay prupitaꞌ nga manggaring kat Galilea.”

Mga Binwat 10:37

Siguru, nabaritaꞌan mi na in unuy miyabut duꞌun it banwa namen nga mga Judio, nga nagpapuꞌun duꞌun it Galilea, pagkatiwas it buwat ni Juan nga magpangadal baw magpamawtis.

Mga Binwat 23:10

Iyan atnakayting mamagraꞌe-raꞌeten na, miniꞌlam nay piyakapagbayaꞌen it sundaluꞌ ka barang samay-samayen na si Pablo it kadakel ngayti. Aypaꞌ piyalampud yay mga sundaluꞌ ka piyaꞌagaw yat ki Pablo duꞌut kadakel ngayti bawnga ipiyasled nira siꞌ duꞌun it kutaꞌ nira ngayti.

Mga Binwat 5:33

Ta, pagkagneg it mga pagbayaꞌen ngayti, timnalaluꞌ nga banar i iseg nira. Ireg nira nang pangimatayen i mga apustul ngayti.

Mga Binwat 7:54

Ta, pagkagneg it mga pagbayaꞌen ngaytit mga Judio, talagang magkeeket nay nipen nirat pangise-iseg.

Mga Binwat 7:57

Pagkagneg nira kayti, namagpanggesang-gesang na, piyamagtagnepan nay talinga isaꞌun daꞌna makagneg it pagꞌampangen ni Esteban. Bawnga derengan sira nat rusub it kanya.