Lucas 23:34 - Tagbanwa

³⁴ Sakaliꞌ nga miyampang si Jesus. Maat ya, “Amaꞌ, pasinsiyaen mu naga sira, ka egaytu magkaꞌrutan niray pagbuwaten nira ngaytu.” Bawnga binwat it mga sundaluꞌ ngayti, namagpintuꞌan sira ka piyagbagiꞌ-bagiꞌan nira i pakayan ya.

Lucas 23:34 Iomraidhean Croise

Genesis 50:17

nga maat ya, ‘Pagꞌangutun ku bayan, Jose, nga pasinsiyaen mu naga i mga sulsug mu it karaꞌe-raꞌetan nira ngayti nga binwat nira ngayan it imu.’ Aypaꞌ,” maat siꞌ i tugun nira, “magpasanguꞌ-sanguꞌ kami nga banar it imu nga pasinsiyaen mu naga kami nga manigsirbi nagat Ampuꞌang Diyus it amaꞌ ta.” Pagkagneg ni Jose kayti, nakasgaw siꞌ kanya.

Isaias 53:12

Aypaꞌ kilalaen ku kanya nga mabantug baw bagiꞌ-bagiꞌen ya it mga kaꞌibaan ya nga makekseg i riyangpasan ya. Sabap ibinggay matag ya i sadili ya, maski ikiyagtas nat ginawa ya. Ipiyabetang kanya nga kaꞌuyutan it mga mamagbuwat it karaꞌe-raꞌetan, ka kanya na i timnanggung it kasalaꞌan it dakel nga pagtaw. Baw ipiyanalangin ya paꞌ nga pasinsiyaen na i mga makasalaꞌan.”

Mateo 11:25

Kat iti nga timpu, nanalangin si Jesus nga maat ya, “Pagpasalamatan ku ikaw, Amaꞌ, ikaw nga Ampuꞌan it langit baw banwa, sabap itiyagu-taguꞌ muy itu nga mga kamatuudan isaꞌun ega matantuwan it mga magpataꞌas-taꞌas it sadiling kiyaꞌrutan baw pasepsep. Iyan i piyaꞌyagan mu, mga raꞌyat lamang nga may palulus.

Mateo 11:26

Matuud tu, Amaꞌ, ka iyan i ipiyabetang-betang mu nga kaꞌirgan mu.”

Mateo 5:44

Temed kayti aku na i magꞌaat it imyu, rarasan mi i pati mga kakuntraꞌ mi, baw ipanalangin mi nga ildawan i mga magpanumpa it imyu.

Marcos 15:24

Egay beken, iriyansang na nira duꞌun it krus si Jesus ngayti. Bawnga binwat nira, piyagbagiꞌ-bagiꞌan nira i pakayan ya, pagkatiwas it pagpintuꞌan nira isaꞌun maꞌrutan in ari manggid i makaꞌaduꞌun it sang kataawan.

Lucas 22:42

“Amaꞌ,” maat ya, “in mapakay mu, sana ega na ipatabus muy pagdadarapaꞌen ku ngaytu nga kakuriꞌan. Temed ega aken nga kaꞌirgan i masunud, in daꞌga imu nga kaꞌirgan.”

Juan 17:9

Ipagpanalangin ku na sira ngayni. Ega ipagpanalangin kuy muꞌsang katataawan, in daꞌga sira lamang nga ibinggay mut aken, ka imu naga sira.

Juan 19:11

Katubag si Jesus, maat ya, “Mabwat mu lamang bayan i atkayan sabap ibinggay it Ampuꞌang Diyus it imu i iyan nga pudir. Aypaꞌ subrang mabeꞌgat it kasalaꞌan mu i kasalaꞌan it iyan nagpaꞌalima ngaytut aken situt imu.”

Mga Binwat 16:28

Temed iyan atnakayti, piyataꞌwagan ni Pablo it diyadakulaꞌ ya, nga magꞌaat, “Ayaw kat pangeget ka wayni kami nagang muꞌsa.”

Mga Binwat 3:17

Ta kayti, mga kasulsugan, magkaꞌrutan ku nga ega natantuwan mi, pati mga pagbayaꞌen ta, nga in siyu talaga si Jesus, aypaꞌ ka binwat mi i karaꞌe-raꞌetan ngaytu.

Mga Binwat 7:60

Iyan magꞌababaꞌ nay ginawa ya, limningkuꞌud kanya baw nanggaꞌmaran it dadakulaꞌ. Maat ya, “Ampuꞌan, ipasinsiya mut kanira i itung binwat nirang kasalaꞌan.” Magkatupus i iting ampang ya, pagbugtuꞌan kanya.

Roma 12:14

Kuydaw mi sumpaan i mga magpakuriꞌ it imyu, in daꞌga ipanalangin mi ga nga ildawan sirat Ampuꞌang Diyus.

1 Corinto 2:8

Itung mga bagay, talagang ega nasepsepan it maski siyu nga punuꞌan it banwa ngaytu. Ka in beteꞌ nasepsepan nira, simpri ega iriyansang nira duꞌut krus i mabantug nga Ampuꞌan.

1 Corinto 4:12

Ipagpaturuꞌ namen i liꞌnget namen isaꞌun lamang may ibtang it tinaꞌi. Pagdiyampaꞌen kami temed, iyan mga magdiyampaꞌ it amen, ipagpanalangin namen nga sana ildawan sirat Ampuꞌang Diyus. In pagpakuriꞌan kami, pagpataꞌnan namen lamang.

1 Timoteo 1:13

Iyan tagnaꞌ, talagang ega basta-bastay panibabaꞌ kut kanya, pagregda-regdaen ku i mga magpamayaꞌ it kanya, baw pagpakuriꞌan ku sira it egay sanguꞌ. Temed lamang atkayti na i binwat ku, inildawan aku ga lamang it Ampuꞌan, ka itiꞌen ngayting mga binwat ku, nabwat ku sabap it egay pamayaꞌ kut kanya. Ega natantuwan ku nga palan kuntraꞌ it kaꞌirgan it Ampuꞌang Diyus.

1 Pedro 3:9

Ega belsen mit maraꞌe-raꞌet i magbuwat it imyu it karaꞌe-raꞌetan. Ega tubagan mi i magdiyampaꞌ it imyu, in daꞌga buwaten mi, ipanalangin mi nga ildawan kanya. Pabetang-betang it Ampuꞌang Diyus i atkaytung buwat mi, isaꞌun ildawan ya kamu gasiꞌ.