Lucas 23:3 - Tagbanwa

³ Pagkagneg ni Pilato kayti, iningkut ya si Jesus ngayti. Maat ya, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Lucas 23:3 Iomraidhean Croise

Mateo 27:11

Ta, yanayti, tiyaban nira si Jesus duꞌun it gubirnadur. Pagꞌadap ni Jesus, iningkut kanya it gubirnadur ngayti, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Marcos 15:18

Bawnga pagteger-tegeren na nirat magsaluduꞌ nga magꞌaat, “Magayeng kadedelman it Adiꞌ it mga Judio!”

Marcos 15:2

Pagꞌabut, siyumarya na kanya ni Pilato. “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Marcos 15:32

Simpri, basta maltegan tami nga maglampud na asan it krus i Cristo ngayan nga Adiꞌ it Israel, simpri mamayaꞌ tami nat kanya.” Sigi gasiꞌ nga regda-regda it kanya it mga kadengan ya ngaytit iriyansang.

Lucas 22:70

“Ta in atkayan palan, ireg mung sugiden, Anak ka it Ampuꞌang Diyus!” maat i muꞌsa ngayti nga nagtingped. “Eeꞌ, matuud bay inaat mi ngayan,” maat siꞌ ni Jesus.

Lucas 23:38

Duꞌun it dibwa-dibwat it ulu ya, may isiyurat nga tulung kaꞌampangan i giyamit, Ginirego, Liyatin baw Hinebreo, nga magꞌaat, “Adiꞌ tu it mga Judio.”

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 18:29

Aypaꞌ liniꞌwan ga sira it gubirnadur ngayting si Pilato, ka iningkut ya sira nga magꞌaat, “Unuy ipagdimanda mi it itu nga taw?”

Juan 19:3

Bawnga magsubli-subliyen i mga sundaluꞌ ngaytit melep duꞌun it ki Jesus. Yanay pamagꞌampa-ampangen, magꞌaat, “Magayeng kadedelman it Adiꞌ it mga Judio!” Bawnga pagsariyen na nirat tampaling.

1 Timoteo 6:13

Timoteo, pagsekaten ku siꞌ ikaw kat panleteg it Ampuꞌang Diyus nga magbegay it kaꞌgenan it maski unu nga egen, baw si Cristo Jesus nga nagpamatuud it magayen pasar it kamatuudan duꞌun it adapan ni Poncio Pilato. Ituy ipagsekat kut imu.