Lucas 23:22 - Tagbanwa

²² Katlu saꞌupun ni Pilato nga maat ya it kanira, “Kaꞌaiꞌ? Unu nay nabwat ya nga maraꞌe-raꞌet? It ega nagay magkaliling ku nga in unuka maꞌimatay kanya, subung nat inaat ku ngayan nga paripdasan ku na lamang kanya bawnga iparibri.”

Lucas 23:22 Iomraidhean Croise

Lucas 23:14

Pagkatingped nira, maat ya it kanira, “Tiyaban mi situt aken i itung taw, uyut i dimanda mi nga maat mi, pagpaꞌulu-uluwan yay katataawan nga kumuntraꞌ it gubirnu. Ta, siyumarya ku kanya kat adapan mi. Ta, naliling ku nga egay kamatuudan it mga ipagdimanda mit kanya.

Lucas 23:16

Yanayan lamang i buwaten kut kanya, paripdasan ku, bawnga iparibri ku kanya.”

Lucas 23:20

Daꞌga, miyampang naga si Pilato nga ipiyagneg yat kanira, ka yan talagay kat nakem ya, ireg ya nga iribri si Jesus.

Lucas 23:21

Temed ipaggaꞌu-gaꞌuy nat kadakel, nga magꞌaat, “Iransang kanya duꞌun it krus! Iransang kanya duꞌun it krus!”

Lucas 23:23

Temed atgat giyaw-giyaw i mga taw ngayti. Ipagpadaꞌeg nira nga talagang kaꞌilangan iransang si Jesus duꞌun it krus. Ta, it atkayti na, nandaꞌeg na sira.

Lucas 23:4

Pagkagneg ni Pilato, inaat yay mga pagbayaꞌen ngaytit sasirduti baw magbabayat kanira nga mga taw, “Egay magkaꞌanuꞌan ku nga kasalaꞌan nga binwat it itung taw.”

1 Pedro 1:19

In daꞌga iyan ega basta-bastang duguꞌ ni Cristo nga ipiyaturuꞌ ya, yay ikiyaliꞌwan mi. Ka kabilangan ya, isiyalisi nga uꞌuybun it tupa nga egay maski unu nga rindi it bilug.

1 Pedro 3:18

Subung it ki Cristo nga, maski egay kakasalaꞌan ya, temed piyakuriꞌan kanya nga inimatay sabap it aten nga makasalaꞌan. Kat kaꞌsa lamang ngayti nga binwat ya tiyanggung yay kasalaꞌan tami isaꞌun makapaꞌuliꞌ ya tami duꞌun it Ampuꞌang Diyus. Natay talagay bilug ya temed inggen naga kanya it guna it Espiritu Santo.