Lucas 23:18 - Tagbanwa

¹⁸ Ta, pagkagneg nira it ampang ngayti ni Pilato, derengan nga nanggaꞌmaran i kadakel nga magꞌaat, “Imatayen yan i iyang taw, si Jesus ngayan! Iyan i ipaliꞌwan kat pagkapirisu, si Barrabas!”

Lucas 23:18 Iomraidhean Croise

Lucas 23:17

Ta it inugaliꞌ nat gubirnadur nga kada Pistaꞌ it Tiyaꞌliban, may ipagpaliꞌwan ya nga sang kataawan kat pagkapirisu, in siyu-siyuy maꞌirgan it kadakel nga angutun nira, aypaꞌ ka kaꞌilangan may ipaliꞌwan ya siꞌ nga sang kataawan it iti nga pistaꞌ.

Lucas 23:19

Ikiyapirisu ni Barrabas ngayti, kaꞌuyutan kanya it tagnang kaguluwan duꞌun it siyudad it Jerusalem ngayti nga kuntraꞌ it gubirnu baw nangimatay kanyat taw.

Juan 18:16

Ki Pedro ngayti, natuduꞌ lamang duꞌun it liꞌwan it puwirtaꞌan. Aypaꞌ binwat it alagad ngayti nga kilala it Piyakamataꞌas ngayti nga Sasirduti, nagpaꞌuliꞌ kanya duꞌun it puwirtaꞌan, siyugi-sugid yay babay nga guwardiya, yapay kasled ni Pedro it kanya.

Mga Binwat 21:36

Sabap kadakel ngayti, dimnasun naga it mga sundaluꞌ, mamagpapataꞌwag it “Imatayen yan! Ega nayan egnen!”

Mga Binwat 22:22

Seked lamang duꞌun kayting ampang ya i piyagnegan it kadakel ngayti. Pagkagneg nirat siyangpit yay mga taw nga ega Judio, simnikrab siꞌ i iseg nira. Ipaggaꞌu-gaꞌuy na nira nga magꞌaat, “Kaꞌilangan, taw nga subuk kanya, iriꞌen na situt banwa! Ega nayan mapakay nga egnen kanya!”

Mga Binwat 3:14

Talagang diyaꞌga mi kanya ngaytu nga mataldeng baw alaid kat muꞌsang kasalaꞌan, ka iyan i inangut mi nga paliꞌwanen, esang taw nga mangingimatay.