Lucas 23:16 - Tagbanwa

¹⁶ Yanayan lamang i buwaten kut kanya, paripdasan ku, bawnga iparibri ku kanya.”

Lucas 23:16 Iomraidhean Croise

Isaias 53:5

Temed palan, nabungadan kanya ka timnanggung it kasalaꞌan tami nga mga taw. Sabap naga it aten nga karaꞌe-raꞌetan piyabastantiyan kanya it pasakit. Ta kayti, nagkagayen tami na it Ampuꞌang Diyus sabap it mga pakuriꞌ ngaytu nga tiyanggap ya, baw naꞌubaꞌubat nay mga kasalaꞌan tami sabap it ega ngaytu teꞌe-teꞌeng nga pasakit nga tiyanggap ya.

Mateo 27:26

Egay beken, piyaliꞌwan ya na si Barrabas. Ki Jesus ngayti, piyaripdasan ya na bawnga ipiyagꞌintergaꞌ ya na duꞌun it mga rumansang nat kanya duꞌut krus.

Marcos 15:15

Ta it kaꞌirgan naga ni Pilato nga pasagyaen yay mga taw ngayti, piyaliꞌwan ya na si Barrabas. Ki Jesus ngayti, piyaripdasan ya na bawnga ipiyagꞌintergaꞌ ya na duꞌun it mga rumansang nat kanya duꞌut krus.

Lucas 23:17

Ta it inugaliꞌ nat gubirnadur nga kada Pistaꞌ it Tiyaꞌliban, may ipagpaliꞌwan ya nga sang kataawan kat pagkapirisu, in siyu-siyuy maꞌirgan it kadakel nga angutun nira, aypaꞌ ka kaꞌilangan may ipaliꞌwan ya siꞌ nga sang kataawan it iti nga pistaꞌ.

Lucas 23:22

Katlu saꞌupun ni Pilato nga maat ya it kanira, “Kaꞌaiꞌ? Unu nay nabwat ya nga maraꞌe-raꞌet? It ega nagay magkaliling ku nga in unuka maꞌimatay kanya, subung nat inaat ku ngayan nga paripdasan ku na lamang kanya bawnga iparibri.”

Lucas 6:37

“Paꞌalaidan mi i adat nga pirming pagsitaren i maꞌiba mi, isaꞌun daꞌkamu naga magkasitaran. Atnagay adat nga ega basta-basta ukumanan i maꞌiba mi, isaꞌun daꞌkamu naga ukumanan. In daꞌga, pasinsiyaen mi i masigkataw mi isaꞌun pasinsiyaen kamu nagay imyu.

Mga Binwat 16:37

Temed maat i tubag ni Pablo it mga tiyaꞌeg ngayti, “Bilaꞌ! Unung sugi-sugid i atkayan it, maski seled kami kat pagkaRomano, biyalbag kami kat muyagan, daꞌkami paꞌ inimbistigar, bawnga pinirisu kami paꞌ? Ta kayti, ireg nirang paliꞌwanen kamit ega urut it kadakel. Talagang daꞌkami magkapakay kayan. Kaꞌilangan, sira nga mga piyakamataꞌas nga punuꞌan i paꞌasitu ka yay paliꞌwan it amen.”