Lucas 23:14 - Tagbanwa

¹⁴ Pagkatingped nira, maat ya it kanira, “Tiyaban mi situt aken i itung taw, uyut i dimanda mi nga maat mi, pagpaꞌulu-uluwan yay katataawan nga kumuntraꞌ it gubirnu. Ta, siyumarya ku kanya kat adapan mi. Ta, naliling ku nga egay kamatuudan it mga ipagdimanda mit kanya.

Lucas 23:14 Iomraidhean Croise

Daniel 6:4

Aypaꞌ iyan duwa ngayti nga iba ya nga magpamaalaꞌ baw mga gubirnadur ngayti, sigi nga pikir nira it bagay nga ipagkasalaꞌan ni Daniel pasar it katengdanan ya, isaꞌun ega matabus i pagpikiren it adiꞌ sabap it kanya. Temed egay magkaparagan nira, ka si Daniel ngayti, pirmi nga magayen i pangatengdanan ya. Egay magkaꞌiway duꞌun it kanya.

Mateo 27:19

Baw ega lamang iti, ka iyan magꞌaꞌdung paꞌ kanya duꞌut araꞌdungan it manigꞌukuman, may ipiyagliplip it asawa ya nga ampang duꞌut kanya, nga magꞌaat, “Ayaw kat palabe-labet it iyan nga taw nga egay kakasalaꞌan, sabap iniꞌlaman ku nga banar i tiyagaynep ku kat delem pasar it kanya.”

Mateo 27:24

Iyan namuyaan ni Pilato nga egay magkabwat ya, in daꞌga subraꞌ nang magkagulu i mga taw ngayti, nagpapisiꞌ kanyat danum bawnga nangugas kanya it alima ya duꞌun it sarungaan it kadakel ngayti. Miyampang kanya nga magꞌaat, “Limpiyuꞌ nay aken nga alima. Iyan egay aken nga uyu-uyut it kamataynen it itung taw. Baalaꞌ kamu!”

Mateo 27:4

Maat ya, “Talagang nagkasalaꞌan aku. Idiyagang ku kat kamataynen i taw nga egay kakasalaꞌan.” “Aaꞌ, unuy labe-labet namen kayan? Baalaꞌ ka,” maat i tubag nira.

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Mga Binwat 13:28

Eeꞌ baꞌ, maski egay magkaparagan nira nga kasalaꞌan nga binwat ya, piyagut na nira duꞌut ki Pilato nga imatayen na.

Mga Binwat 17:11

Talagang magagayen i adat it mga taga Berea, nga magayen pat mga taga Tesalonica. Ka masasagya sirang magpagneg it panulduꞌ ngayti na Pablo, baw aldaw-aldaw talagang pagꞌadalan nirat magayen i mga kasuratang ampang it Ampuꞌang Diyus, in unu, matuud i muꞌsa ngayting pagꞌaaten.

Hebreo 7:26

Kanya i Piyakamataꞌas nga Sasirduti nga bagay talaga it aten nga kaꞌilangan. Ka alaid nga pirmi i nakem ya kat muꞌsang kasalaꞌan. Ega talagay karaꞌe-raꞌetan nga magpangbit kat nakem ya, baw egay maski unu nga magkaꞌiway it kanya. Dakulay piyagbelagan it kanya baw aten nga makasalaꞌan baw kayti, binggayan na kanyat Ampuꞌang Diyus it piyakamataꞌas nga pudir duꞌun it langit.