Lucas 23:11 - Tagbanwa

¹¹ Ta, unupat tinibabaꞌ na baw tiyeger-teger na ni Herodes baw mga sundaluꞌ ya si Jesus ngayti. Piyapakayan nira nat mabakas nga pakayan bawnga ipiyaꞌuliꞌ kanya ni Herodes duꞌun it ki Pilato.

Lucas 23:11 Iomraidhean Croise

Isaias 53:3

Tiyeger-teger kanya it mga taw baw diyaꞌga. Talagang dakulay magkasmekan ya baw dakulaꞌ gasiꞌ i pasakit it taw it kanya. Egay maski nagpatiklib it semyek duꞌut kanya it seyek nga may sanguꞌ. Talagang tinibabaꞌ ta kanya, nga ipiyabetang ta nga egay kakapulusan.

Mateo 14:1

Kat iti nga timpu, nakaꞌbut duꞌun it adiꞌ ngaytit Galilea nga si Herodes i baritaꞌ sabap it ki Jesus.

Mateo 14:3

Miyampang si Herodes it atkayti sabap tagnaꞌ, kanya nagay nagpadakep, nagpabayuk baw nagpapirisu it ki Juan, sabap it ki Herodias nga asawa ni Felipe nga sulsug ni Herodes ngayti.

Mateo 14:6

Takaꞌ iyan naꞌbut siꞌ i kaꞌaldawan ni Herodes, miyayliꞌ duꞌun it adapan it mga taw nga inimbitar i babay nga anak ni Herodias ngayti, nga anak naga ni Felipe. Talagang siyagyaan nga banar ni Herodes.

Marcos 9:12

Katubag si Jesus, maat ya, “Matuud yan nga paꞌasitu daꞌan si Elias ka simpanen yay muꞌsang bagay. Ta in atkayan, unuy pikir mi nga in unuka ipagꞌaat it kasuratan i sabap it aken, nga Taga Langit nga Ipiyanganak it Taw, nga teger-tegeren baw palabayen it dakulang kakuriꞌan?

Lucas 23:10

Mga pagbayaꞌen ngaytit sasirduti baw mga manigpaꞌyag it urdin, duꞌun naga. Baw talagang ipagpadaꞌeg na nira, nga sigi-sigi na nga paliꞌwan nirat mga bagay nga nasalaꞌan nirat ki Jesus ngayti.

Juan 19:5

Nanliꞌwan na si Jesus ngayti nga magkukuruna pat may dugi ngayting binwat baw magpapakay pat madarag ngayting gulamen. Bawnga maat ni Pilato it kanira, “Waytu na i taw ngaytu!”

Santiago 2:2

Alimbawa, magtingped kamu, may semled nga esang taw nga magsisiꞌsing it bulawan baw magpapakay it atnang gayen. Baw may sang kataawan nga semled nga pakayan ya, magkatambelan nay tambel.

Santiago 2:3

Kayti ega nagsubung i istimar mi it kanirang duwa. Ka iti lamang, mabakas ngayti i pakayan, i istimaren mit magayen, nga aaten mi, “Bilaꞌ, kayni kay imu madung it ining araꞌdungan.” Itiꞌen, ega ngayti, tibabaꞌen mi nga aaten mi, “Sikayan ka lamang i imu timindeg,” u “Asan na lamang it daꞌtag i adungan mu.”