Lucas 23:10 - Tagbanwa

¹⁰ Mga pagbayaꞌen ngaytit sasirduti baw mga manigpaꞌyag it urdin, duꞌun naga. Baw talagang ipagpadaꞌeg na nira, nga sigi-sigi na nga paliꞌwan nirat mga bagay nga nasalaꞌan nirat ki Jesus ngayti.

Lucas 23:10 Iomraidhean Croise

Mateo 27:12

Temed iyan pagꞌusayen na it mga pagbayaꞌen it mga sasirduti baw mga mataꞌas nga ginuꞌu i nasalaꞌan nirat ki Jesus, ega na timnubag kanya.

Lucas 11:53

Ta, garing sikayti, talagang miyereꞌeret na nga banar i iseg it mga manigpaꞌyag it urdin baw mga Pariseo. Aypaꞌ ka pagkagaring ni Jesus duꞌut balay ngayti, pagsariyen na kanyat ingkut pasar it dakel-dakel na nga mga bagay.

Lucas 23:11

Ta, unupat tinibabaꞌ na baw tiyeger-teger na ni Herodes baw mga sundaluꞌ ya si Jesus ngayti. Piyapakayan nira nat mabakas nga pakayan bawnga ipiyaꞌuliꞌ kanya ni Herodes duꞌun it ki Pilato.

Lucas 23:2

Ipiyaꞌapyat na niray dimanda nira nga magꞌaat, “Nadakep namen i itung taw nga magpaneꞌag-teꞌag it mga kabanwa namen. Baw pagpaaren ya gasiꞌ, nga egay magbayad it mga barayadan duꞌun it Impiradur. Baw dungag paꞌ kayan, pagpapamayaꞌnen yay katataawan nga kanyay Cristo ngayting isiyanggup nga magꞌadiꞌ it amen.”

Lucas 23:5

Temed ipagpadaꞌeg nira, nga magꞌaat, “Talagang kat ipagpangadal ya ngayan, pagpaꞌulu-uluwan yay katataawan kat muꞌsang banwa nameng mga Judio nga kuntraꞌen i gubirnu. Piyapuꞌnan yat buwat ya ngaytu, duꞌun it Galilea. Kayti unupat situ naytu.”

Lucas 23:9

Aypaꞌ ka ubus ingkutun, ingkutun ya si Jesus ngayti. Temed egay maski sang tagaꞌ nga tubag ni Jesus.

Mga Binwat 24:5

Ka, itung taw, namuyaan namen nga mapiyanggulu talaga. Buwat ya, magpanlekep-lekep it muꞌsang kababanwaan ka pagpaꞌulu-uluwan yay mga Judio nga manggulu. Esa kanya gasing pagbayaꞌen it mga taw ngayting pagpangaranat Nazaretanen.