Lucas 22:8 - Tagbanwa

⁸ Singkat ni Jesus si Pedro baw si Juan ngayti nga mga alagad ya. Maat yat kanira, “Mapanaw kamu ka simpanen mi i adat it pangiyapun ngaytu nga Tiyaꞌliban isaꞌun makaꞌen tami.”

Lucas 22:8 Iomraidhean Croise

Mateo 3:15

Temed katubag si Jesus, “Pataꞌnan mu lamang i magꞌabut ngaytu kayti. Sabap itu naga i mapakay nga buwaten ta, ka dapat ta nga buwaten i muꞌsang kataldengan nga ipagpabwat it Ampuꞌang Diyus.” Yapay pamayaꞌ ni Juan ngayti.

Lucas 1:6

Baw talagang duwa sira ngayti magꞌasawa, mataldeng i pangaꞌgenan nira kat panleteg it Ampuꞌang Diyus. Pagsunudun nirat magayen i mga urdin baw kaꞌirgan ya.

Lucas 22:9

“Ay ari, Agalen, i ireg mu nga pagsimpanan namen?” maat nira.

Mga Binwat 3:1

Kaꞌsang apun nga kabali nang alaid i aldaw, namagpaꞌaduꞌun sit Templo na Pedro, duwa ni Juan, ka uras siꞌ it panalangin duꞌun.

Mga Binwat 3:11

Iyan naltegan it kadakel nga sigi pang seskel it lalaki ngaytit kana Pedro duwa ni Juan, dimnali-daliꞌ na sirat melep it kanira duꞌun it pagꞌaꞌatpan nga bagiꞌ it piyakakamaꞌyagan it Templo ngayti nga pagpangaranat Portico ni Solomon. Talagang naliluꞌ sirang banar.

Mga Binwat 3:3

Pagkalteg yat kana Pedro nga semled gasiꞌ, kimnayap na kanya.

Mga Binwat 4:13

Iyan namuyaan it mga pagbayaꞌen ngaytit mga Judio nga ega magꞌengke-engkeꞌ i ampang na Pedro, duwa ni Juan, namagkaliluꞌ sira, beken it naꞌrutan nira nga, duwa ngayti, ega nakapagꞌadal, timawaꞌ paꞌ. Baw nakilalaan nira naga nga, duwa ngayti, kaꞌiba-iba ni Jesus.

Mga Binwat 4:19

Temed pagkagneg na Pedro, tiyubag nira nga magꞌaat, “Ukumanan mi in ari mapakay it Ampuꞌang Diyus. Unu, kanya nga kaꞌirgan i sunudun namen u imyu ngaytu nga kuntraꞌ kat itiyaꞌeg yat amen?

Mga Binwat 8:14

Ta, pagkabaritaꞌ it mga apustul duꞌun it Jerusalem nga namayaꞌ nay mga taga Samaria it ampang it Ampuꞌang Diyus, piyapaꞌaduꞌun nira na Pedro, duwa ni Juan.

Galacia 2:9

Aypaꞌ, iyan mga pagkilalaen nga piyakapagbayaꞌen it mga magpamaalaꞌ duꞌut Jerusalem, nga si Santiago, si Pedro baw si Juan, iyan namuyaan nira nga kat keseg it ildaw it Ampuꞌan it aken, dakulay paglapusan it pangadal ku kat mga taw nga ega Judio, tiyanggap nira kami ni Bernabe baw napakay sira nga kaꞌuyutan kami na nira nga mga manigbuwat it buwaten it Ampuꞌan. Ta piyagꞌupa-upakatan namen nga ipasigi namen nay amen nga pangadal duꞌun it mga taw nga ega Judio. Iyan kabilug namen nga mga Judio, yanay kanira.