Lucas 22:70 - Tagbanwa

⁷⁰ “Ta in atkayan palan, ireg mung sugiden, Anak ka it Ampuꞌang Diyus!” maat i muꞌsa ngayti nga nagtingped. “Eeꞌ, matuud bay inaat mi ngayan,” maat siꞌ ni Jesus.

Lucas 22:70 Iomraidhean Croise

Mateo 26:25

Miningkut gasiꞌ si Judas, nga yanayti i bayaꞌen it mga kuꞌimatay ngaytit ki Jesus. “Agalen,” maat ya, “unu, aku na i paꞌaaten mu ngayan?” Katubag si Jesus, “Eeꞌ, matuud i inaat mu ngayan.”

Mateo 26:64

Katubag si Jesus, maat ya, “Eeꞌ, matuud bay inaat mu ngayan. Temed ituy masugid kut imyu, nga garing kayti mamuyaan mi aku, nga Taga Langit nga Ipiyanganak it Taw, nga magꞌaꞌdung duꞌun it iwanan nga ayun it landaw nga gunaan nga Ampuꞌang Diyus. Baw beken, maltegan mi aku nga magꞌaꞌabut nga gumaring duꞌut langit nga magpangindelangan it kunum.”

Mateo 27:11

Ta, yanayti, tiyaban nira si Jesus duꞌun it gubirnadur. Pagꞌadap ni Jesus, iningkut kanya it gubirnadur ngayti, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Mateo 27:43

Magsarig kanya it Ampuꞌang Diyus, baw pagꞌaaten ya paꞌ nga Anak kanya it Ampuꞌang Diyus ngaytu. Ayta, in talagang pagmaꞌalen kanya nga matuud it Ampuꞌang Diyus, simpri iribri ya.”

Mateo 27:54

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Mateo 3:17

Dengan it may ampang nga duꞌut langit i garing, nga magꞌaat, “Itu i pagmaꞌa-maꞌalen ku nga Anak nga talagang kasasagyaan ku.”

Mateo 4:3

Unupat miyabut nay manigpakursud nga si Satanas. Maat ya, “It Anak ka it Ampuꞌang Diyus, mampang ka lamang ka pabaraꞌen mu nga pangaꞌen i mga batu ngaytu.”

Marcos 14:62

“Eeꞌ, aku na,” tubag ni Jesus. “Baw talagang mamuyaan mi aku, nga Taga Langit nga Ipiyanganak it Taw, nga magꞌaꞌdung duꞌun it iwanan nga ayun it landaw nga gunaan nga Ampuꞌang Diyus. Baw beken, mabut nga maltegan mi aku nga magꞌaꞌabut nga gumaring duꞌut langit, nga magpangindelangan it kunum.”

Marcos 15:2

Pagꞌabut, siyumarya na kanya ni Pilato. “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Lucas 22:71

Bawnga maamaatan sirang muꞌsa, “Ta, unuka kaꞌilangan tami paꞌ i pamatuud it beken, it talinga ta nay nakagneg it ega bela-belag nga baꞌbaꞌ i liniꞌwanan it iyang ampang ka kanya na?”

Lucas 23:3

Pagkagneg ni Pilato kayti, iningkut ya si Jesus ngayti. Maat ya, “Unu, ikaw na i Adiꞌ it mga Judio?” Katubag si Jesus, “Eeꞌ, matuud i inaat mu ngayan.”

Lucas 4:41

Dakel gasiꞌ i mga taw nga piyaꞌimugawan it maraꞌe-raꞌet. Magliꞌwan sira, magpanggaꞌmaran nga magꞌaat, “Ikaw i Anak it Ampuꞌang Diyus!” Temed siyuraraw sira ni Jesus. Ega piyataꞌnan ya nga makaꞌampang i mga maraꞌe-raꞌet ngayti sabap urut na nira nga kanyay isiyanggup nga Cristo.

Juan 1:34

Naltegan ku nga talaga, aypaꞌ ipagpamatuud ku nga kanyay Anak it Ampuꞌang Diyus.”

Juan 1:49

“Aa bilaꞌ,” maat siꞌ ni Natanael, “Manigtulduꞌ, in atkayan palan, matuud nga ikaw i Anak it Ampuꞌang Diyus! Ikaw talagay Adiꞌ it bangsa nga Israel!”

Juan 10:30

Ka aku baw Amaꞌ ku, sang kagina-ginawaan lamang.”

Juan 10:36

Ta it aku, piniliꞌ baw tiyaꞌeg it Amaꞌ nga paꞌasitut sinirungat langit, magꞌuꞌunu mi maꞌaat kayti nga magpangambuꞌ aku it pagkaDiyus kat inaat ku nga aku i Anak it Ampuꞌang Diyus?

Juan 18:37

“Aypaꞌ adiꞌ ka, daꞌga?” maat ni Pilato. Maat i tubag ni Jesus, “Eeꞌ, matuud yan i inaat mu ngayan nga adiꞌ aku. Temed ipiyanganak aku baw piyalampud situt banwa ngaytu isaꞌun nga ipaꞌyag kuy in unu talagay kamatuudan. Magpagneg it mga ampang ku i kumpur kumaꞌrut it kamatuudan.”

Juan 19:7

Katubag i mga Judio ngayti, maat nira, “May mga kaꞌurdinan namen, baw uyun duꞌut kaꞌurdinan ngaytu, talagang bagay kanyang imatayen, ka magpangambuꞌ kanya nga Anak it Ampuꞌang Diyus.”