Lucas 22:61 - Tagbanwa

⁶¹ Ta, duꞌut seled it balay ngayti, limningaw si Jesus duꞌun it ki Pedro baw tiyermek yat semyek. Pagkalteg ni Pedro, nademdeman ya i ipiyagꞌaat ngayti ni Jesus it kanya, nga “Parabir tumaraꞌuk i manuk mabway nga kukuꞌ-aldaw, tulu na nga paylu mu sabap it aken.”

Lucas 22:61 Iomraidhean Croise

Lucas 22:34

Temed pagtubag ni Jesus, maat ya, “Kamatuudan tuy iꞌaat kut imu, Pedro, nga parabir tumaraꞌuk i manuk mabway nga kukuꞌ-aldaw, tulu na nga paylu mu sabap it aken.”

Mga Ipiyalteg 2:5

Sana demdemen mi naga i kadakulat pagmaꞌal mit aken iyan baꞌgu kamu paꞌ nga nagpasakep it aken. Bawnga pikiren mi kayti in sang unu nay kakurangan ya, isaꞌun masinguliꞌan mi i itu ngaytu. Kaꞌilangan, iyan siꞌ i buwaten mi, subuk buwat mi ngaytit tagnaꞌ. Ka basta daꞌkamu magsinguliꞌ it kamatuudan, talagang asanen ku kamu ka awaꞌen kuy titidawan mi, pati magtitindeg nga dadaꞌtunan ya asat puwistuꞌ ya. Bibasen ta nayan kamu.

Efeso 2:11

Talagang panawun it pikir mi i tagnaꞌ nga kabetangan mi. Paribasay ega Judio kamu baw ega tiyuriꞌan aypaꞌ, pabetang it mga Judio it imyu, timawaꞌ nga ega mga taawan it Ampuꞌang Diyus. Sira kunuꞌ i mga taawan ya ka panaꞌwag it kanira, Mga Turiꞌ. Temed pagturiꞌ nira ngaytu, kat liꞌwan lamang it bilug nira, nga binwat lamang it taw.

Mga Binwat 5:31

Pagkaꞌgen it kanya, miyuliꞌ na duꞌun it langit ka binggayan nat Diyus Amaꞌ it ega basta-bastang kataꞌasan duꞌun it iwanan nga ayun ya. Baw kanya na ngaytu i Manigpamegbeg baw Manriribri tami, nga magbegay nat aten nga mga tungtung-inapuꞌ ni Israel nga masinguliꞌan baw indiꞌan i mga kasalaꞌan tami isaꞌun mapasinsiya.

Juan 13:38

Pagtubag siꞌ ni Jesus, maat ya, “Unu, ibgay mu talagay ginawa mu sabap it aken? Kamatuudan tuy iꞌaat kut imu, parabir tumaraꞌuk i manuk, tulu na nga paylu mu sabap it aken.”

Lucas 10:41

Temed tiyubag kanya it Ampuꞌan ngayti nga si Jesus, nga magꞌaat, “Marta, Marta, daꞌka na magkabaraꞌan ka dakel nga mga bagay i magkasasawan mu.

Lucas 7:13

Siyanguꞌan nga banar it Ampuꞌan nga si Jesus, pagkalteg yat inaꞌ it miyatay ngayti. Inaat ya, “Ayaw ka nat sugaw.”

Marcos 5:30

Temed natanudan ni Jesus nga may keseg it guna ya nga gimnaring duꞌut kanya. Naglised kanya baw miningkut it mga taw ngayti. Maat ya, “Siyuy nagpadiꞌkit sinit pakayan ku?”

Mateo 26:75

Duꞌun nademdeman ni Pedro i inaat ngayti ni Jesus nga, “Parabir tumaraꞌuk i manuk, tulu na nga paylu mu sabap it aken.” Nanliꞌwan na kanya. Siminggaw kanya it ega pateng nga sugaw.

Mateo 26:34

Pagtubag ni Jesus, maat ya, “Kamatuudan tuy iꞌaat kut imu, Pedro, nga itu nga delem, parabir tumaraꞌuk i manuk, tulu na nga paylu mu sabap it aken.”

Lucas 7:19

Pagkabaritaꞌ ni Juan kayti, tiyaꞌeg yay duwa nga alagad ya nga paꞌaduꞌun it Ampuꞌan ngayti nga si Jesus ka ingkutun, nga magꞌaat, “Unu baꞌ, ikaw na i isiyanggup ngayan nga papaꞌasituun u melat kami paꞌ it beken?”

Lucas 22:60

Temed tiyubag kanya ni Pedro nga magꞌaat, “Bilaꞌ, taꞌway in unuy pagꞌaaten mu ngayan!” Magꞌampang paꞌ si Pedro, dengan it timnaraꞌuk nay manuk.

Lucas 22:62

Nanliꞌwan na kanya. Siminggaw kanya it ega pateng nga sugaw.