Lucas 22:53 - Tagbanwa

⁵³ It aldaw-aldaw magpanulduꞌ aku duꞌun it Templo, temed ega naga diyakep mi aku duꞌun. Takaꞌ kayti na ngaytu nga delem, piyaꞌintulutan kamu nga makatimpu. Baw piyabayaꞌan na si Satanas nga tabusun yay kubwaten ya nga karaꞌe-raꞌetan.”

Lucas 22:53 Iomraidhean Croise

Mateo 21:23

Siminled siꞌ si Jesus duꞌun it Templo. Desang magpanulduꞌ na kanya, minlep duꞌut kanya i mga pagbayaꞌen it mga sasirduti baw mga mataꞌas nga ginuꞌu it mga Judio. Iningkut kanya nga magꞌaat, “Unuy pudir mu nga muwat ka it mga itu ngaytu? Siyuy minggay it imu it itung pudir?”

Lucas 22:52

Bawnga inaat ni Jesus i mga pagbayaꞌen it sasirduti, mga pagbayaꞌen it guwardiya it Templo baw mga mataꞌas nga ginuꞌu nga duꞌun, nga magpandakep na ngaytit kanya. Maat ya it kanira, “Unuytu, adimaat magpangukus aku nga kuntraꞌen i gubirnu, ka rangkap kamu nat basiꞌ, nga kat beken pupukul na, i miyabut ngaytu?

Lucas 22:54

Egay beken, tiyaban si Jesus it mga dimnakep ngaytit kanya duꞌun it balay it Piyakamataꞌas nga Sasirduti. Ki Pedro, nagparurumbayaꞌ naga.

Juan 12:27

Kayti subung it ega magkabara-baraꞌ aku. Ta unu, aaten ku nga, ‘Amaꞌ, iribri mu aku kat kakuriꞌan ngaytu nga labayen ku’? Temed ega aaten kuy atkayan, sabap egay beken nga enged ku situ in daꞌga isaꞌun labayen ku i kakuriꞌan ngaytu nga ituꞌun.”

Juan 13:30

Pagkakaꞌen ni Judas it ipiyakawaꞌ ngaytit kanya nga tinapay, napanaw na kanya. Delem na it iting uras.

Juan 14:30

Ega abwatayen ku nga pakisugi-sugid it imyu, ka magꞌaꞌabut na si Satanas nga magsasakep na situt sinirungat langit. Temed yay matuud, egay pudir yat aken.

Juan 7:30

Pagkagneg it mga taw ngayti, pagkudakpen nira si Jesus, temed ega naga nabwat nira, sabap ega paꞌ miyabut i ipiyabetang-betang nga timpu.

Juan 7:45

Namagꞌuliꞌ na i mga tiyaꞌeg ngayting mga guwardiya it Templo duꞌun it namagtaꞌeg ngaytit kanira nga mga pagbayaꞌen it mga sasirduti baw mga Pariseo. Pagꞌabut nira, inaat sirat namagtaꞌeg ngaytit kanira, “Ta ari nay itiyaꞌeg namen ngayat imyu? Unuka egay magbabayaꞌ nga kanya?”

Mga Binwat 26:18

Sira ngaytu nga ega Judio i tulduꞌan mu isaꞌun kamukrat sira ka kayti, subuk beleg sira. Tulduꞌan mu sira isaꞌun kaliꞌwan sirat kadleman it kasalaꞌan baw pamegbeg ni Satanas, ka paꞌugad na sira kat kaꞌyagan nga ibgay it Ampuꞌang Diyus, nga pasakep na sirat kanya. Ka in mamayaꞌ sirang matuud it aken, mapasinsiya i mga kasalaꞌan nira baw makaꞌuyut sira kat mga taw nga piniliꞌ baw ipiyapinpin it Ampuꞌang Diyus nga mga taawan ya.’”

Efeso 6:12

Ka iyan mga maglaban it aten, ega kasubung tang mga taw lamang, in daꞌga mga ega mabilang nga maraꞌe-raꞌet duꞌut lawang, mga magpanlud baw daꞌga nga may dakulang kiyaꞌrutan baw pudir duꞌut kanya-kanyang pagsasakpan situt banwa. Siray magpamaalaꞌ it kadleman nga duꞌun magpangaꞌgenan i katataawan situt sinirungat langit.

Colosas 1:13

Ka ipiyagribri ya na kita kat pagsakep it kadleman, baw ipiyagꞌugad ya na kita kat pagsakep it pagmaꞌa-maꞌalen ya nga Anak.