Lucas 22:44 - Tagbanwa

⁴⁴ Ereꞌeret nga keber-keber it seled ya. Aypaꞌ nanalangin kanya it pagꞌubsu-ubsun ya nay kat nakem ya. Magrarapatak duꞌut lugtaꞌ i liꞌnget ya nga magturuꞌ nga may uyut na nga duguꞌ.

Lucas 22:44 Iomraidhean Croise

Isaias 53:10

Temed talagang pabetang-betang it AMPUꞌANG DIYUS nga pakuriꞌan baw imatayen ngaytu kanya. Sabap in buwaten kanya nga salisi nga ipagꞌangut it kapasinsiyaan it kasalaꞌan, baraꞌan ya, paꞌlayen nang banar kanya baw maltegan ya nga dumakel i mga tungtung-inapuꞌ ya. Baw, kat mga buwaten ya, matuman nga banar i kumpur ipiyabetang-betang it AMPUꞌANG DIYUS.

Lucas 22:45

Timnindeg kanya pagkatupus yat panalangin, baw nagpaꞌuliꞌ duꞌun it mga alagad ya ngayti. Abutan ya, mamagꞌigaꞌ na, ka mamagkasmek sira gasing banar.

Juan 12:27

Kayti subung it ega magkabara-baraꞌ aku. Ta unu, aaten ku nga, ‘Amaꞌ, iribri mu aku kat kakuriꞌan ngaytu nga labayen ku’? Temed ega aaten kuy atkayan, sabap egay beken nga enged ku situ in daꞌga isaꞌun labayen ku i kakuriꞌan ngaytu nga ituꞌun.”

Roma 8:32

Maski sadili yang Anak, ega ipiyagꞌimet it Ampuꞌang Diyus, in daꞌga ipiyalugut yat ukuman nga kamataynen kat ikagayen tami nga muꞌsa nga mga taw. Ta, it ipiyagbegay-matag yat aten i Anak ya ngaytu, daꞌga baꞌ iꞌatag ya nagat aten i muꞌsang bagay nga ipagkagayen tami?

Hebreo 5:7

Si Jesus ngaytu, iyan situ paꞌ kanya ngayan it banwa, magpanggagaꞌuy kanya talaga nga uyut i luwaꞌ kat mga panalangin ya duꞌun it Ampuꞌang Diyus. Ka Ampuꞌang Diyus lamang i makaribri it kanya duꞌun it kamataynen. Baw talagang tiyubag i mga panalangin ya sabap nagpalulus kanya nga banar kat kaꞌirgan it Ampuꞌang Diyus.