Lucas 22:41 - Tagbanwa

⁴¹ Bawnga nagpaꞌala-alaid si Jesus duꞌut kanira it may sang buntal. Limningkuꞌud kanya baw nanalangin.

Lucas 22:41 Iomraidhean Croise

Mateo 26:39

Nagpaꞌala-alaid si Jesus duꞌut kanira. Kiminleb kanya bawnga nanalangin, nga magꞌaat, “Amaꞌ ku, in mapakay sana, ipaꞌalaid mut aken i itu nga labayen ku nga kakuriꞌan. Takaꞌ ega aken nga kaꞌirgan i masunud, in daꞌga imu nga kaꞌirgan.”

Marcos 14:35

Nagpaꞌala-alaid si Jesus duꞌut kanira. Kiminleb kanya bawnga nanalangin nga in mapakay lamang, ega ipatabus i labayen ya ngayting kakuriꞌan.

Lucas 18:11

Timnindeg it pagayen-gayen i Pariseo ngayti ka maat kunuꞌ manalangin, arit kanya ngayting panalangin, desang magpatuꞌgud. Ka maat ya, ‘Ampuꞌang Diyus, magpasalamat akut imu nga daꞌku subung it beken nga ega magayen i adat, ka sira, malupig, mapiyanluku, baw magpamakun duꞌun it ega asawa nira. Magayen ku talagay daꞌku makasalaꞌan nga subung it manigpabayad ngayni.

Lucas 18:13

Iti, manigpabayad ngaytit barayadan, ala-alaid kanya duꞌun it Pariseo baw beken nga taw. Magrurungguk kanya nga subuk magꞌeyaꞌ yumaꞌngad duꞌut langit, baw siging baneg yat deꞌgan ya kat kadakulat kasmek ya. Maat i panalangin ya, ‘Ampuꞌang Diyus, sanguꞌan mu naga aku ngayni nga makasalaꞌan.’

Mga Binwat 20:36

Pagkatupus it muꞌsa ngayting inampang ni Pablo, namaglingkuꞌud sirang muꞌsa ka nanalangin.

Mga Binwat 21:5

bawnga namꞌun kami nat kanira ka manakay siꞌ. Paggaring namen duꞌun it siyudad ngayti nga manꞌun na duꞌun it dagat, miyuꞌsa sirat pabayaꞌ it amen, babay, lalaki, pati mga anak nira. Bawnga parabir kami gimnaring it sumakay, limningkuꞌud kaming muꞌsa duꞌun it baybayan ka nanalangin.

Mga Binwat 7:60

Iyan magꞌababaꞌ nay ginawa ya, limningkuꞌud kanya baw nanggaꞌmaran it dadakulaꞌ. Maat ya, “Ampuꞌan, ipasinsiya mut kanira i itung binwat nirang kasalaꞌan.” Magkatupus i iting ampang ya, pagbugtuꞌan kanya.

Mga Binwat 9:40

Bawnga inaat sira ni Pedro nga duꞌun na daꞌan sirat liꞌwan. Iyan esa-esa ya mana, nanluud kanya ka nanalangin. Pagkatupus it panalangin ya, siyarunga yay miyatay ngayti baw miyampang. Maat ya, “Tabita, magbangun ka.” Egay beken, nagmukrat nga lagi si Tabita ngayti. Pagkalteg yat ki Pedro, nagbangun na kanya.

Hebreo 5:7

Si Jesus ngaytu, iyan situ paꞌ kanya ngayan it banwa, magpanggagaꞌuy kanya talaga nga uyut i luwaꞌ kat mga panalangin ya duꞌun it Ampuꞌang Diyus. Ka Ampuꞌang Diyus lamang i makaribri it kanya duꞌun it kamataynen. Baw talagang tiyubag i mga panalangin ya sabap nagpalulus kanya nga banar kat kaꞌirgan it Ampuꞌang Diyus.