Lucas 22:4 - Tagbanwa

⁴ Aypaꞌ ka napanaw na si Judas ngayti, nga nagpakiꞌupakat duꞌun it mga pagbayaꞌen it sasirduti baw mga pagbayaꞌen it guwardiya it Templo, nga in magꞌuꞌunu makadagang ya si Jesus duꞌut kanira.

Lucas 22:4 Iomraidhean Croise

Mateo 26:14

Bawnga iyan esang alagad ni Jesus nga si Judas Iscariote, nagpakikita kanya it mga pagbayaꞌen it mga sasirduti.

Lucas 22:5

Namagkasagya sira baw simnanggup nga begayan kanya it pirak.

Lucas 22:52

Bawnga inaat ni Jesus i mga pagbayaꞌen it sasirduti, mga pagbayaꞌen it guwardiya it Templo baw mga mataꞌas nga ginuꞌu nga duꞌun, nga magpandakep na ngaytit kanya. Maat ya it kanira, “Unuytu, adimaat magpangukus aku nga kuntraꞌen i gubirnu, ka rangkap kamu nat basiꞌ, nga kat beken pupukul na, i miyabut ngaytu?

Mga Binwat 4:1

Ega paꞌ natupus i pagꞌampangen na Pedro, duwa ni Juan, duꞌut mga taw ngayti, miyabut i mga sasirduti, sang siraan it pagbayaꞌen it mga guwardiyat Templo baw mga Saduceo.

Mga Binwat 5:24

Pagkagneg it mga pagbayaꞌen it mga sasirduti baw pagbayaꞌen it mga guwardiyat Templo, talagang nalibeg i pikiran nira ka ega naꞌrutan nira in unuy abutun kayti nga matanaꞌan.

Mga Binwat 5:26

Ta, egay beken, naꞌaduꞌun nga lagi i pagbayaꞌen it mga guwardiyat Templo, pati mga taawan ya ngayti. Pagꞌabut nira, piyamagpabayaꞌ siꞌ i mga apustul, temed ega regesang pabayaꞌ ka mamagꞌiꞌlam naga sirat kadakel it taw ngayti nga mamagpagneg, ka barang buntalan sirat batu.