Lucas 22:3 - Tagbanwa

³ Ta, piyanakman na ni Satanas si Judas Iscariote, esa kat sang puluꞌ baw duwa ngayting mga alagad, nga idagang ya si Jesus.

Lucas 22:3 Iomraidhean Croise

Mateo 10:4

si Simon nga Cananeo baw si Judas Iscariote, nga iti na nga taw, mabut i timpu nga kanyay bayaꞌen it mga kuꞌimatay it ki Jesus.

Mateo 26:23

Pagtubag ni Jesus, maat ya, “Talagang esa naga nga kaꞌibaan kut magdiꞌtil situt karung, yanagay bayaꞌen it mga kuꞌimatay ngayan it aken.

Mateo 4:10

Maat siꞌ i tubag ni Jesus, “Magpaꞌalaid ka na, Satanas! Unu basaꞌan i magsusurat? Daꞌga magꞌaat nga, ‘Ampuꞌang Diyus mu lamang i sambaen mu, baw kanya lamang gasiꞌ i pagsirbiyan mu.’”

Lucas 22:21

Temed kayti, kaꞌibaan ku naga it magkaꞌen i bayaꞌen it mga kuꞌimatay it aken.

Lucas 6:16

si Judas nga anak ni Santiago baw si Judas Iscariote nga iti na nga taw, mabut i timpu nga kanyay bayaꞌen it mga kuꞌimatay it ki Jesus.

Juan 12:6

Iti nga inampang ni Judas, ega maat matuud nga may ildaw yat mga makukuriꞌ, in daꞌga sabap it, kanya, mananakaw. Kanya i magkekpet it pundu nira. Sumang kaꞌanu may paglimat-limaten ya na.

Juan 13:18

Inaat paꞌ ni Jesus, “Egaytu kamu nga muꞌsa i pagpaꞌiguꞌan ku it pagꞌaaten ku ngaytu nga makasagya kamu, sabap magkakilalaan ku in unu nga mga taw i mga piniliꞌ ku. Temed atkaytuytu i piniliꞌ ku ka isaꞌun matuman i magbebtang duꞌun it kasuratang ampang it Ampuꞌang Diyus nga magꞌaat, ‘Karaꞌe-raꞌetan i itiyumbas it aken it taw nga siyakep kut pangaꞌen ku.’

Juan 13:2

Itiyarakan nay pangiyapun na Jesus. Si Judas Iscariote ngayti nga anak ni Simon, piyanakman kanya nga lagi ni Satanas nga idagang ya si Jesus.

Mga Binwat 5:3

Temed maat ni Pedro it kanya, “Ananias, unuka siyumbayaꞌ mu i panakem ni Satanas it imu nga ambutan i Espiritu Santo? Tanud mu mataguꞌ i piyagꞌuyunan mi duwa magꞌasawa nga idawaꞌ mi nagay beken.