Lucas 22:26 - Tagbanwa

²⁶ Temed kamu, ega atkayan. In daꞌga iyan piyakamataꞌas, dapat nga ipabetang yay sadili ya nga timawaꞌ lamang, baw iyan magpamaalaꞌ, manigsirbi naga it mga kaꞌibaan ya.

Lucas 22:26 Iomraidhean Croise

Mateo 20:26

Temed ega sana atkayan i adaten situt imyu. In daꞌga, in siyu manggid it imyu i magꞌireg magmabantug, kaꞌilangan manigsirbi kanya it kaꞌibaan ya.

Marcos 10:43

Temed ega sana atkayan i adaten situt imyu. In daꞌga, in siyu manggid it imyu i magꞌireg magmabantug, kaꞌilangan manigsirbi kanya it kaꞌibaan ya.

Marcos 9:35

Nagpagayen-gayen it adung si Jesus baw piyapatpad yay mga alagad ya ngayti nga sang puluꞌ baw duwa. Maat ya, “Iyan magꞌireg it kauꞌna it kabantugan, kaꞌilangan ya nga pababaꞌ it muꞌsa baw baraꞌan ya manigsirbi it muꞌsang taw.”

Lucas 9:48

Baw maat yat kanira, “In siyuy tumanggap it waꞌwaꞌ ngaytu sabap it pamayaꞌ yat aken, aku i pagtanggapen ya. Baw iyan magtanggap it aken, ega lamang aku i pagtanggapen ya, in daꞌga pati Amaꞌ ku nga nagtaꞌeg it aken. Sabap iyan piyakatimawaꞌ it imyung muꞌsa, kanya talagay piyakamataꞌas.”

Roma 12:2

Talagang adaten mi kayti, kaꞌilangan magpablag na kat adat it kadaklan situt banwa nga ega magꞌintindi it Ampuꞌang Diyus. Paꞌuyunan mi nga pirmi i pagbaꞌgu it Ampuꞌang Diyus it nakem mi. Iyan baꞌ, maꞌaat kamu nga subuk baꞌgu kamu na nga mga taw. Sikayan matantuwan mi i kaꞌirgan it Ampuꞌang Diyus, in unuy magayen kat panleteg ya, baw iyan nga pagsagyaan ya, mga bagay nga ikataldeng it pangaꞌgenan mi.

1 Pedro 5:3

Ega mapakay nga mapiyataꞌas-taꞌas kamu u mapiyanreges kat pagpamaalaꞌ mit mga taw, in daꞌga pamaalaꞌan mi sira kat keseg it magayeng adat mi nga ipaguru it kanira.

1 Pedro 5:5

Ta kamu gasiꞌ nga mga kamangaꞌwaꞌan, pasakep kamut magayen it padisir it mga magugurang nga magpamaalaꞌ it imyu. Baw kaꞌilangan nga mapiyababaꞌ kamu nga muꞌsa, nga magsigsirbi it esa may esa. Sabap inaat ngayan duꞌun it kasuratan, “Talagang pagkuntraꞌen it Ampuꞌang Diyus i mga mapiyataꞌas-taꞌas, temed dakulay ildaw nga ipagbegay ya kat mga mapiyababaꞌ.”