Lucas 22:22 - Tagbanwa

²² Talagang maꞌimatay aku nga Taga Langit nga Ipiyanganak it Taw, ka simpri matuman i ipiyabetang-betang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen ngayan!”

Lucas 22:22 Iomraidhean Croise

Genesis 3:15

Ipabetang-betang ku nang magkuntraꞌ kamu na it babay ngaytu, kaꞌanakan ya baw imung kaꞌanakan. May kaꞌanakan ya nga rumunut it ulu mu. Ikaw, kumagat it aꞌay ya.”

Mateo 26:24

Talagang maꞌimatay aku nga Taga Langit nga Ipiyanganak it Taw, ka simpri matuman i duꞌun it isiyurat nga ampang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen ngayan. Magayen pay ega na lamang ipiyanganak i iyang taw.”

Mateo 27:5

Ta it atkayti, ipiyagwaꞌsag ni Judas i pirak ngayti duꞌun it seled it Templo, bawnga napanaw na kanya, ka tininggel yay liꞌeg ya ka nangeget na.

Marcos 14:21

Talagang maꞌimatay aku nga Taga Langit nga Ipiyanganak it Taw, ka simpri matuman i duꞌun it isiyurat nga ampang it Ampuꞌang Diyus. Temed talagang subraꞌ nga makuriꞌ i magꞌaꞌareg it bayaꞌen it mga kuꞌimatay ngayan it aken. Magayen pay ega na lamang ipiyanganak i iyang taw.”

Lucas 22:23

Pagkagneg it mga alagad ngayti, magꞌingku-ingkutun sira in siyu manggid it kanira i muwat it atkayti ngayti.

Lucas 24:46

Maat ya, “Magꞌaat ngayan i isiyurat, nga kaꞌilangan nga lumabay it kakuriꞌan baw matay i Cristo, baw pagꞌikatlung aldaw magꞌegen naga it paꞌuliꞌ.

Juan 17:12

Mintras iba nira aku, pagtatarimaen ku sira kat keseg it guna mu nga ibinggay mut aken. Inarigraan ku sirat magayen, aypaꞌ maski esa, egay naꞌilang, puyrat iyan taw nga tiyulus yay ikaꞌilang ya, ka pagtuman lamang gasiꞌ it magbebtang duꞌun it kasuratan.

Mga Binwat 10:42

Baw ipiyagꞌurdin yat amen nga mangadal sabap it kanya duꞌun it katataawan, baw ipamatuud gasiꞌ nga kanya na i ipiyabetang-betang it Ampuꞌang Diyus nga mangukuman it muꞌsang taw, patay u egen.

Mga Binwat 17:31

Ka ipiyabetang-betang ya nga lagi i aldaw nga ipangukuman ya it muꞌsang taw kat mga kasalaꞌan nira. May esang taw nga ipiyatindeg ya nga mangukuman, baw mataldeng i pangukuman ya ngaytu. Kamatuudan it kanya i ipiyatindeg it Ampuꞌang Diyus, natay kanya bawnga inggen kanyat Ampuꞌang Diyus it paꞌuliꞌ.”

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

1 Pedro 1:11

Ka ireg nirang ireg matantuwan in kaꞌnung timpu baw in magꞌuꞌunu-unuytu magꞌabut i mga bagay nga ipiyagpasugid it kanira it Espiritu Santo ni Cristo. Sabap egay beken nga pagpaꞌiguꞌan it mga ipiyagpasugid ngayti, mga malabayan ni Cristo nga kakuriꞌan bawnga kabantugan nga liꞌwan ya.

2 Pedro 2:3

Ta it maꞌingarum talagay mga manigpangadal ngayti, kat biyuwat-buwat lamang ngayting sugi-sugid nira nga purus kaꞌambutan, buwaten nira kamu nga desang papanulusan. Temed yay matuud, garing it tagnaꞌ paꞌ magꞌaꞌareg nga lagi i ipiyabetang-betang nga ukuman nga mabeꞌgat. Talagang egay pagduwa-duwa nga daꞌsira abutun it panriga.