Lucas 22:18 - Tagbanwa

¹⁸ Ka matuud talagay iꞌaat kut imyu nga garing kayti, daꞌku na minum it letes it ubas ngaytu seked it ega paꞌ miyabut i kaꞌadiꞌan it Ampuꞌang Diyus.”

Lucas 22:18 Iomraidhean Croise

Isaias 55:1

Magtaꞌwag i AMPUꞌANG DIYUS, “Daliꞌ mi na! Wayni i danum, in siyu-siyuy pagbaꞌnekan. Kamu nga egay pangangalang, daliꞌ mi na! Misiꞌ kamu it pagꞌimnun nga letes it ubas baw gatas ngayni. Misiꞌ kamu maski egay ibayad, sabap egaytu kaꞌman bayadan.

Daniel 2:44

Kat timpu it mga adiꞌ it ikaꞌpat ngaytu nga kaꞌadiꞌan, iyan Ampuꞌang Diyus nga duꞌut langit nga magbebegbeg it muꞌsa, patindeg kanyat kaꞌadiꞌan nga egay karanggaꞌan ya seked it kaꞌnu-kaꞌnu, baw egay maski siyu nga makasakep kaytu. Baw mabut nga ranggaꞌen yay beken ngaytu nga mga kaꞌadiꞌan, temed ega talagay kaꞌawaꞌan it itu ngaytung kaꞌadiꞌan nga ipatindeg it Ampuꞌang Diyus.

Mateo 16:18

Aypaꞌ ituy iꞌaat kut imu. Ngaran mu ngaytung si Pedro, ireg sugiden ya, batu. Ta duꞌun it magdadalniꞌ ngaytu nga batu i unayan kut ipatindeg ku nga subuk balay, nga paꞌaaten ku, kapuꞌsaan it mga magpamayaꞌ baw magsarig it aken. Mga taawan ku ngaytung ipatindeg ku, talagang ega maꞌindaꞌeg ni Satanas kat maski unu nga kubwaten ya it kanira.

Mateo 26:29

Matuud i iꞌaat kut imyu, nga garing kayti daꞌku na minum it pagꞌimnun ngayan nga letes it ubas seked it aldaw nga baꞌgu na nga pagꞌimnun i imnun ku nga kaꞌibaan ku siꞌ kamu duꞌun it kaꞌadiꞌan it Amaꞌ ku.”

Marcos 14:23

Bawnga iꞌimnan siꞌ i singkel ya. Pagkatupus it panalangin nga pasalamat ya, ibinggay ya sit kanira. Mininum nga muꞌsa i mga alagad ya.

Marcos 14:25

Matuud i iꞌaat kut imyu, nga daꞌku na minum it pagꞌimnun ngayan nga letes it ubas seked it aldaw nga baꞌgu na nga pagꞌimnun i imnun ku duꞌun it kaꞌadiꞌan it Ampuꞌang Diyus.”

Marcos 15:23

Iyan duꞌun na, pagpaꞌimnun nira si Jesus it irimnun nga riyagiꞌan nirat mapaꞌit nga bagay, temed ega ininum ya.

Marcos 9:1

Maat pay beken nga inaat ni Jesus it kanira, “Matuud talagaytu i iꞌaat ku ngaytut imyu, nga may pira situ kayti nga ega matay seked it ega naltegan niray pangabut it kaꞌadiꞌan it Ampuꞌang Diyus kat ega masbungan nga guna ya.”

Lucas 21:31

Ta, atkayan naga yan, basta mamuyaan mi nga magꞌabut na i mga bagay ngaytu, magkaꞌrutan mi na nga adeꞌdeng na talagay timpu nga pagꞌadiꞌan nat Ampuꞌang Diyus i muꞌsang katataawan.

Lucas 22:16

Ka matuud talagay iꞌaat kut imyu nga ega naytu kumaꞌen akut sumaꞌup it itu ngaytu seked it ega paꞌ matuman i pagpapuntuꞌan kaytu duꞌun it kaꞌadiꞌan it Ampuꞌang Diyus.”

Lucas 9:27

Matuud talagaytu i iꞌaat ku ngaytut imyu, nga may pira situ kayti nga ega matay seked it ega naltegan niray pangabut it kaꞌadiꞌan it Ampuꞌang Diyus.”

Colosas 1:13

Ka ipiyagribri ya na kita kat pagsakep it kadleman, baw ipiyagꞌugad ya na kita kat pagsakep it pagmaꞌa-maꞌalen ya nga Anak.