Lucas 21:34 - Tagbanwa

³⁴ Beteꞌ magꞌintur kamu nga ega yay subrang pagragaen mi, pagkasagyaan baw pagmaꞌinimnun. Baw inturun mi nga ega yanay magdadaꞌeg kat nakem mi nga yay pagpipikiren mi nga pirmi, mga bagay kat kayti nga kaꞌgenan. Ka basta atkayan, siguradu talaga nga matarantaꞌ kamu pagꞌabut ku, ka daꞌkamu alistu.

Lucas 21:34 Iomraidhean Croise

Genesis 27:14

Aypaꞌ napanaw na si Jacob it mamisiꞌ, bawnga tiyaban ya na duꞌun it inaꞌ ya. Nagꞌilutuꞌ nay inaꞌ ya ngaytit kaꞌiꞌirgan ni Isaac nga pangilutuꞌ.

Mateo 13:22

Ta itu, nasaꞌbugan ngaytu nga maresaen, sira nga mamagpagneg it ampang it Ampuꞌang Diyus, temed sasaw i pikir kat mga bagay nga situt banwa. Kupadakulaꞌ it kamanggadan i kanget kat nakem nira. Unupat ampang ngaytut Ampuꞌang Diyus, magkadaꞌgan na it itu nga kat pikir nira. Aypaꞌ ka egay buwaꞌ it pamayaꞌ kat pangaꞌgenan nira.

Marcos 13:9

Ta kamu ngaytu, magꞌintur kamu talaga. Sabap isari kamu nayan it dimanda duꞌun it mga punuꞌan. Sariyan kamu nayan it pasakit duꞌun it mga papagsambaan. Baw sabap lamang it pagsunud mit aken, ipaꞌadap kamu nayan duꞌun it mga gubirnadur baw duꞌun it mga adiꞌ, isaꞌun kapamatuud kamu duꞌun it adapan nira.

Marcos 4:19

temed sasaw i pikir kat mga bagay nga kanget it nakem situt banwa. Subung it kupadakulaꞌ it kamanggadan ngaytu nga magpangakal lamang baw maꞌirak sirat beken paꞌ nga mga bagay. Unupat ampang ngaytut Ampuꞌang Diyus, magkadaꞌgan na it itu nga kat pikir nira. Aypaꞌ ka egay buwaꞌ it pamayaꞌ kat pangaꞌgenan nira.

Lucas 10:41

Temed tiyubag kanya it Ampuꞌan ngayti nga si Jesus, nga magꞌaat, “Marta, Marta, daꞌka na magkabaraꞌan ka dakel nga mga bagay i magkasasawan mu.

Lucas 12:40

Aypaꞌ kamu, magꞌaꞌalistu kamu nga pirmi, sabap mabut aku nga Taga Langit nga Ipiyanganak it Taw kat uras nga ega pagsisiguruun mi.”

Lucas 17:3

Aypaꞌ magꞌintur kamu nga banar. In beteꞌ may esang sulsug mu kat pamayaꞌ nga may buwaten yat imu nga ega magayen, iꞌaat mut kanya. Ta, in magsinguliꞌ, pasinsiyaen mu kanya.

Lucas 21:35

Sabap yay matuud, kabilangan it pamaꞌuliꞌ ku situ, subuk balatik nga nasalyaan, ka matarantaꞌ nga matuud i muꞌsang taw situt sinirungat langit.

Lucas 21:8

Pagtubag ni Jesus, maat ya, “Magꞌintur kamu nga ega mateꞌag-teꞌag it maski siyu. Sabap dakel yan nga mabut nga mangambuꞌ it ngaran ku, nga maat yan, ‘Aku na ngaytu baytu i Cristo ngayang paꞌaaten,’ baw ‘Timpu naytu it umur.’ Temed ayaw kamut pamayaꞌ kayan.

Lucas 8:14

Ta, maresaen ngaytu nga nasaꞌbugan, iyan mga taw nga mamagpagneg it ampang it Ampuꞌang Diyus, temed in maꞌlay, madaꞌgan siꞌ i pamayaꞌ nira ka nasasaw nay pikiran nirat mga pagregnan baw mga paglabiyen nira nga subuk kamanggadan baw kasagyaan. Aypaꞌ ka ega ipagkabwaꞌ kat pangaꞌgenan nira.

1 Corinto 5:11

Iyan talagay pagpaꞌiguꞌan ku kaytu nga ega pakiꞌiba-ibaan mi, iyan mga taw nga maat sulsug mi kat pamayaꞌ, arit mapiyamakun paꞌ duꞌun it ega asawa ya, maꞌirak pat mga kusas nga magkapisiꞌ situt banwa, magsirbi paꞌ it pagbete-beteꞌen nga diyus, mapiyandiyampaꞌ paꞌ, mapiyalangu, baw mapiyanreges-reges. In atkayan pay adat nira, maski kaꞌen ayaw kamut pakikaꞌen duꞌut kanira.

1 Corinto 6:10

Atnaga i mga mananakaw, mga maꞌirak it kusas nga magkapisiꞌ situt banwa, mga mapiyalangu, mga mapiyandiyampaꞌ baw mga mapiyanreges-reges.

Galacia 5:20

Mga beken paꞌ, pagsirbi it maski unu nga ganti tat Ampuꞌang Diyus, panumpa kat masigkataw kat panggamit it kepetan nga pananamayaꞌ, pakikuntraꞌ, pakidaꞌeg, kaꞌimun, kaꞌiseg, ipagpadaꞌeg i sadili, adat nga magraraꞌet it magkampiꞌ-kampiꞌen,

Filipos 4:6

Ega palibegan it pikiran mi i maski unu nga bagay, in daꞌga yay magayen, ipanalangin mi. Angutun mi it may pasalamat duꞌun it Ampuꞌang Diyus i muꞌsa nga pagkaꞌilanganen mi.

Hebreo 12:15

Asikasuun mi i pamayaꞌ it esa may esa isaꞌun egay maski siyu it imyu nga subuk magkatuduꞌ kat ildaw ngaytu it Ampuꞌang Diyus. Ka in may atkayan, yay tumaban it kanya it mangindiꞌ. Ka kabilangan it taw nga atkaytuy buwat ya, dikut nga kaꞌiꞌilu i buwaꞌ. Ta, in pataꞌnan lamang kanya nga kemseg simpri, dakel i matindakan nga maguluy ulu nira, ka subuk maꞌilu it kaꞌiꞌilu ya.

2 Pedro 3:10

Temed ta, maski atkayan i ireg ya, mabut talagay aldaw nga tumanen yay sanggup ya ngaytung ranggaꞌen ya nay banwa. Kaꞌalimbawaan it pamaꞌuliꞌ ngaytut Ampuꞌan, subung it mananakaw nga ega magkaꞌrutan i ipanakaw ya. Temed kat iyan na nga aldaw, iyan langit, biglaꞌ nga maꞌawaꞌ, dengan it dagurdur. Baw maranggaꞌ nga maꞌanteng it talagang magkaꞌansur i muꞌsang paryaman ya. Atkayan naga i banwa, pati muꞌsang betang ya, maꞌansur gasiꞌ.

2 Pedro 3:14

Aypaꞌ mga pagmaꞌalen ku, mintras pagꞌelaten mi tu, paꞌresan nga mangaꞌgenan uyun talaga it kaꞌirgan it Ampuꞌang Diyus. Paꞌresan nga ega nay bagay nga kamansaꞌ it bilug baw masudi-sudi it beken, isaꞌun maꞌimbeng i nakem ta in madap nat kanya.

Mga Ipiyalteg 3:3

Demdemen mi i nagnegan mi nga panulduꞌ nga ipiyagpangadal asat imyu. Iyan ngayan i kaꞌilangan mi nga sunudun. Singuliꞌan mi baw indiꞌan i karaꞌe-raꞌetan mi. Ka in ega masulag kamu, paꞌasan aku nga subung it mananakaw nga ega magkaꞌru-kaꞌrutan in kaꞌnu. Talagang ega magkaꞌrutan mi in kaꞌnuy pangabut ku.