Lucas 21:25 - Tagbanwa

²⁵ Mabut i timpu nga may maltegan nga mga tandaꞌanan duꞌun it aldaw, bulan baw duꞌut mga bituꞌun. Situt banwa makbaan baw matarantaꞌ i muꞌsang bangsa it dagurdur baw pamkas it langeb nga ega na namasaan it kaꞌlay.

Lucas 21:25 Iomraidhean Croise

Mateo 24:29

Pagkatupus it iyan nga kakuriꞌan, demlem nay aldaw baw ega na gasiꞌ meyag i bulan. Masari nat kaꞌulug i mga bituꞌun duꞌun it langit, sabap payegyegen i muꞌsang langit it keseg it guna it Ampuꞌang Diyus.

Mateo 27:45

Desang nakasakay nat ugtuwan i aldaw, diminlem i banwa, miyabut it kabaling alaid.

Marcos 13:24

Pagkatupus it iyan nga kakuriꞌan, demlem nay aldaw baw ega na gasiꞌ meyag i bulan.

Marcos 13:26

Bawnga maltegan aku nga Taga Langit nga Ipiyanganak it Taw, nga magpangindelangan it kunum, nga maꞌyag i ega basta-bastang guna baw kabantugan ku.

Marcos 15:33

Desang nakasakay nat ugtuwan i aldaw, seledat tulung uras diminlem i muꞌsang banwa, miyabut it kabaling alaid.

Lucas 21:24

Dakel i matay it tarep basiꞌ baw iyan beken panabanen nga dakepan kat muꞌsang bangsa. Baw iyan Jerusalem ngaytu, magbaraꞌ na nga subuk tataꞌad-taꞌadan nat mga taw nga ega Judio, ka sira nay mamegbeg situ mintras timpu paꞌ nira nga ipiyabetang-betang it Ampuꞌang Diyus.

Lucas 21:26

Iyan mga taw, maꞌawaꞌan it ginawa it pangiꞌla-iꞌlam sabap it kapipikir nira it mga kagatdan nga mabut it banwa, sabap payegyegen i muꞌsang langit it keseg it guna it Ampuꞌang Diyus.

Mga Binwat 2:19

Baw may ipalteg ku nga mga tandaꞌanan nga kalililuꞌang mga bagay nga maltegan duꞌut langit baw situt banwa. May maltegan nga duguꞌ, apuy baw maꞌpal nga tabuk.

Mga Ipiyalteg 20:11

Pagkatupus siꞌ kayti, iyan siꞌ i naltegan ku, dakulaꞌ baw maputiꞌ nga araꞌdungan it adiꞌ baw kanya nga magꞌaꞌdung duꞌun. Baw sabap it magꞌaꞌdung na kanya ngayti duꞌun, nagsipat nay langit baw banwa, ega nay maltegan pat sumaꞌup.